Արմինֆո. ԻՆԳՈ ԱՐՄԵՆԻԱ-ն Հայաստանի ազգային պատկերասրահի և Marsh & McLennan ապահովագրական բրոքեր ընկերության հետ համատեղ, մայիսի 13-ին, կիրականացնի «Արվեստի ապահովագրություն» թեմայով վարպետաց դաս, որին կմասնակցեն թանգարանային ցուցադրությունների կազմակերպմամբ զբաղվող և արվեստի ոլորտում ընդգրկված ավելի քան 50 մասնագետներ։
Միջոցառմանը ողջույնի խոսքով հանդես կգան Հայաստանի ազգային պատկերասրահի տնօրեն՝ Արման Ծատուրյանը և ԻՆԳՈ ԱՐՄԵՆԻԱ-ի գործադիր տնօրեն՝ Արևշատ Մելիքսեթյանը, ինչպես նաև Marsh & McLennan Ռուսաստան և ԱՊՀ երկրների փոխնախագահ, մարքեթինգի գծով տնօրեն՝ Արմեն Գյուլումյանը։ Միջոցառմանը ներկա կգտնվի նաև Հայաստանի Հանրապետության մշակույթի նախարար՝ Արմեն Ամիրյանը։
Վարպետաց դասի նպատակն է ներկայացնել Արվեստի ապահովագրության առանձնահատկությունները, արդիականությունը և կարևորությունը։ Վարպետաց դասը կանցկացնեն միջազգային ճանաչում և ավելի քան 30 տարվա փորձ ունեցող Marsh & McLennan ընկերության մասնագետները։ ԻՆԳՈ ԱՐՄԵՆԻԱ-ն Մարշ ընկերության հետ երկարատև համագործակցության արդյունքում պարբերաբար կազմակերպում է վարպետաց դասեր։
Միջոցառման ավարտին մասնակիցներին կհանձնվեն սերտիֆիկատներ։
ԻՆԳՈ ԱՐՄԵՆԻԱ ապահովագրական ընկերությունը ստեղծվել է 1997 թվականին։ Այն մատուցում է ապահովագրական ծառայություններ ֆիզիկական և իրավաբանական անձանց՝ շուկայում գրավելով առաջատարի դիրք։ Այս տարի ընկերությունը տոնում է իր գործունեության 20-ամյակը։ Ընկերությունը պարբերաբար հանդես է գալիս Հայաստանի զարգացմանը խթանող տարատեսակ նախաձեռնություններով։ ԻՆԳՈ ԱՐՄԵՆԻԱ-ն իր վրա է վերցնում կարևորագույն առաքելություն՝ նպաստել երկրի զարգացմանը և մարդկանց բարօրությանը՝ կառուցելով ամուր և մնայուն ապագա։
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |