Երեթշաբթի, 16 Մայիսի 2017 11:04

Արմինֆո. Հայաստանի ապահովագրական ընկերությունների ընդհանուր զուտ շահույթը 2017 թվականի I եռամսյակում նվազել է  տարեկան կտրվածքով է 60.3%-ով (նախորդ տարվա 2,1 անգամ աճի դիմաց), կազմելով 518.9 մլն դրամ կամ  1.1 մլն դոլար:

Տարեկան դինամիկայի վատթարացումը պայմանավորված է ապահովագրական փոխհատուցումների թրենդի 1, 9% անկումից 32,6% աճի անցմամբ` ապահովագների հակառակ պատկերի պայմաններում` 6.7% աճից  1,1% անկում: Միայն I  եռամսյակում ապահովագրողների զուտ շահույթն աճել է 2.2 անգամ, ինչը պայմանավորված է ապահովագների աճով` փոխհատուցումների գրեթե պահպանված ծավալի ֆոնին: Ընդ որում, եռամսյակային կտրվածքով մեկ ընկերության հաջողվել է վնասից հասնել լուրջ շահույթի (3.2 անգամ աճ), երկու ընկերություններ զգալիորեն ավելացրել շահույթը (64-77%), երկու ընկերություններ կարողացել են նվազեցնել կորուստը (19-78%), իսկ միայն մեկի շահույթը նվազել է (54.5%):

Ըստ ԱրմԻնֆո ԼԳ պատրաստած «Հայաստանի ապահովագրական ընկերությունների ռենքինգի» տվյալների, տարեկան կտրվածքով (2017 թ. I եռամսյակում` 2016 թ. I եռամսյակի համեմատ) շահույթի անկում է դիտվել բոլոր վեց ապահովագրական ընկերություններում, ընդ որում առավելագույնը` «Սիլ Ինշուրանսում» եւ «ՌԵՍՈ»-ում` 2,9- 2.8 անգամ` դրականից անցնելով բացասականի:

Զուտ շահույթի մակարդակով առաջին տեղում է «Ռոսգոսստրախ Արմենիա» ԱԸ` 198.9 մլն դրամ (տարեկան անկումը 67.5%): Երկրորդ տեղում «ԻՆԳՈ Արմենիա» ԱԸ-ն է`  149.9 մլն դրամ (տարեկան անկումը 26,3%): Առաջատար եռյակը եզրափակում է «Արմենիա Ինշուրանս» ԱԸ` 146,5 մլն դրամ (տարեկան անկումը 6,6%): Ապա գալիս են «Նաիրի  Ինշուրանս» ԱԸ` 104,8 մլն դրամ  շահույթով (տարեկան անկումը `55,5%): Բացասական ցուցանիշներով ցուցակը եզրափակում են «Սիլ Ինշուրանս» ԱԸ` 15,02 մլն դրամ (տարեկան անկումը 2.9 անգամ) և « ՌԵՍՈ» ԱԸ` 66.15 մլն դրամ (տարեկան անկումը 2,8 անգամ), ընդ որում, երկուսն էլ շահույթից անցել են վնասի:

Ապահովագների միագումար ծավալը 2017 թվականի I եռամսյակումում, IFRS ստանդարտներով ԱԸ հաշվետվությունների համաձայն, կազմել է 9,4 մլրդ դրամ (19.3 մլն դոլար), իսկ ապահովագրական փոխհատուցումներինը` 4.3 մլրդ դրամ ( 8.9 մլն դոլար):  Միայն I եռամսյակում ապահովագներն աճել են 3.1%-ով` փոխհատուցումների ընդամենը 0.7% աճի պայմաններում: Արդյունքում` ապահովագրության գծով միագումար շահույթը եռամսյակային կտրվածքով ավելացել է 5,2 %-ով, սակայն տարեկան կտրվածքով նվազել է 18,6% -ով (նախորդ տարվա  11.8% աճի դիմաց), կազմելով 5,1 մլրդ դրամ (10.5 մլն դոլար): Ապահովագրության գծով ամենաբարձր շահույթը 2017 թվականի I եռամսյակում արձանագրել է «Ռոսգոսստրախ Արմենիան»` 1.6 մլրդ դրամ (տարեկան անկումը 16.5%, եռամսյակային աճը 49.3%), իսկ երկրորդ տեղը զբաղեցրել է «ԻՆԳՈ Արմենիան»` 1.5 մլրդ  դրամ (1.9% տարեկան աճ, 21,7% եռամսյակային անկում), իսկ երրորդ տեղը զբաղեցնում է «Նաիրի Ինշուրանսը»` 779.7 մլն դրամ (տարեկան 17,2% անկում, եռամսյակում` 16,4%): Չորրորդ, հինգերորդ եւ վեցերորդ դիրքերը շարունակում են զբաղեցնել «Սիլ Ինշուրանսը», «ՌԵՍՈ» -ն եւ «Արմենիա Ինշուրանսը»`  համապատասխանաբար 743 մլն, 272.8 մլն եւ 243.3 մլն դրամ, ընդ որում, վերջին երկու ԱԸ-ում  այդ ցուցանիշը նվազել է, ինչպես տարեկան, այնպես էլ եռամսյակային կտրվածքով, մինչդեռ «Սիլ Ինշուրանսում» էական եռամսյակային աճը նվազագույնի է  հասցրել տարեկան անկման տեմպերը:

Նշենք, որ Հայաստանի ապահովագրական շուկայում գործում է 6 ընկերություն, որոնք աշխատում են գոյություն ունեցող ապահովագրության  19 կարգերից  17-ի գծով` բացառությամբ երկաթուղային տրանսպորտի ապահովագրությունը և դատական ​​եւ արտադատական ​​ծախսերի ապահովագրությանը: 16 կարգերի համար լիցենզավորված է «ԻՆԳՈ Արմենիա» ապահովագրական ընկերությունը (միակն է, որ իրականացնում է  ջրային տրանսպորտի ապահովագրություն), 15 կարգերի համար լիցենզավորված է «Ռոսգոսստրախ Արմենիա» ապահովագրական ընկերությունը (վարկային ռիսկերի ապահովագրություն իրականացնող միակ ընկերությունն է): (Դոլարի նկատմամբ դրամի հաշվարկային փոխարժեքը 2017 թվականի մարտի 31-ի դրությամբ կազմել է 483,45 դրամ/1դոլար):