Արմինֆո. Ամերիկյան «ՄաքԼին Փաուեր Սիսթեմզ» ընկերություն ուսումնասիրում է Հայաստանի էլեկտրաէներգետիկ համալիրում ներդրումներ իրականացնելու հնարավորությունները: Այդ մասին մայիսի 17-ին Երեւանում մեկնարկած՝ Հայաստանում վերականգնվող էներգիայի զարգացման հեռանկարներին նվիրված համաժողովի ժամանակ ասել է ընկերության ղեկավար Մարգարեթ ՄաքԼինը:
Նրա խոսքով, ընկերությունը սարքավորում է արտադրում էլեկտրաէներգիայի բաշխման և հաղորդման օբյեկտների համար: Խոսքը վերաբերում է արտադրող օբյեկտներից էլեկտրաէներգիայի ձեռքբերմանը և այն վերջնական սպառողին հասցնելուն: Ընկերությունն ընդհանուր առմամբ արտադրում է 20 հազար անուն արտադրանք՝ տվյալ ցիկլում աշխատանքների առավել արդյունավետ կազմակերպման նպատակով: Այս առումով ընկերությունն ուսումնասիրում է հայաստանյան շուկայում իր ներկայության տարբերակները: Մասնավորապես, նախատեսվում է ուսումնասիրել արդյունաբերության և գյուղատնտեսության էլեկտրամատակարարման մեխանիզմները:
Պատասխանելով նոր էլեկտրական ենթակայանների և էլեկտրահաղորդման օդային գծերի կառուցման համար սարքավորումների մատակարարման հայտամրցույթներին ընկերության հնարավոր մասնակցության վերաբերյալ ԱրմԻնֆո-ի հարցին՝ Մարգարեթ ՄաքԼինը նշել է, որ այդ հարցը նույնպես ուսումնասիրության առարկա է: «Եթե նման հայտամրցույթ հայտարարվի, մենք անպայման կմասնակցենք դրան»,- նշել է ընկերության ղեկավարը:
RUB | 4.37 | -0.01 |
USD | 401.96 | -0.67 |
EUR | 438.10 | -0.36 |
GBP | 511.98 | -1.33 |
CAD | 296.82 | -0.70 |
JPY | 26.96 | -0.10 |
CNY | 55.84 | -0.11 |
CHF | 455.17 | -0.60 |