Հինգշաբթի, 18 Մայիսի 2017 17:19

Արմինֆո.Հայկական ատոմային էլեկտրակայանը «Հայաստանի էլեկտրական ցանցեր» /ՀԷՑ/ ընկերության համար որոշիչ դեր ունի: Այդ մասին ԱրմԻնֆո-ի թղթակցին հայտարարել է «ՀԷՑ» գլխավոր տնօրեն Կարեն Հարությունյանը:

 

Նրա խոսքով, եթե կայանի աշխատանքը դադարեցվում է 15-20 օրով, ընկերությունը էլեկտրաէներգիա է ձեռք բերում ջերմային գեներացիայի օբյեկտնրից՝ թանկ սակագնով: Որպես հետևանք՝ ցանցերի ֆինանսական ռեսուրսները, շահույթ ստանալու փոխարեն, ուղղվում են այդ խնդրի լուծմանը: «ՀԱԷԿ գործունեությունը շատ կարևոր նշանակություն ունի ընկերության համար»,- ընդգծել է Կարեն Հարությունայնը՝ հույս հայտնելով, որ ՀՀ կառավարության և «Ռոսատոմ» ընկերության իրականացրած քաղաքականությունը բարենպաստ կլինի ընկերության համար:

 

Նա  նշել է նաև պլանային նորոգման և վերալիցքավորման աշխատանքների իրականացման նպատակով մայիս-հուլիսին կայանի աշխատանքի դադարեցման կարևորությունը, երբ հանրապետությունում չկան ջրի հետ կապված խնդիրներ և հիդրոէներգետիկ օբյետկներից էլեկտրաէներգիա ձեռքբերելու հնարավորություն կա: Բացի այդ, ՀԱԷԿ հզորությունների համալրման նպատակով, որի աշխատանքը մայիսի 10-ից դադարեցվել է նորոգման աշխատանքների իրականացման համար, էլեկտրաէներգիայի մատակարարումներ կիրականացվեն նաև հարևան Վրաստանից: «Պլանային նորոգման և վերալիցքավորման աշխատանքների իրականացման նպատակով ՀԱԷԿ աշխատանքի դադարեցման ժամկետը պատահական չի ընտրվել: Դա արվել է՝ վերջնական սպառողների համար սակագնի վրա ճնշումը նվազագույնի հասցնելու նպատակով: Ամեն բան արվում է, որպեսզի ՀԱԷԿ-ում նորոգման աշխատանքները, որի բաժինը երկրի ընդհանուր էլեկտրաէներգետիկ հաշվեկշռում կազմում է շուրջ 30%, իրականացվեն առավելագույն արդյունավետությամբ»:,- ընդգծել  է «ՀԷՑ» գլխավոր տնօրեն:

 

«Հայաստանի էլեկտրական ցանցեր» ՓԲԸ Տնօրենների խորհրդի նախագահ Կարեն Դարբինյանն իր հերթին հիշեցրել է, որ կայանում իրականացվող ծրագրի շնորհիվ՝ ՀԱԷԿ N2 էներգաբլոկի շահագործման ժամկետը կերկարաձգվի 10 տարով: Իսկ դա նշանակում է տևական ժամանակահատվածով էլեկտրաէներգիայի մատչելի գնով կայուն արտադրություն:  

 

Հիշեցնենք, որ մայիսի 10-ին Հայաստանի ատոմային էլեկտրակայանը դուրս է բերվել էներգաարտադրության ցանցից՝ հերթական պլանային նորոգման և վերալիցքավորման աշխատանքների իրականացման նպատակով։ Ըստ նախատեսված ժամանակացույցի, էներգաբլոկը ցանցին կմիանա հուլիսի 9-ին։ Ավելի վաղ ԱրմԻնֆո-ին հարցազրույցում Հայկական ատոմակայանի 2-րդ էներգոբլոկի շահագործման ժամկետի երկարաձգման նախագծի ղեկավար Վլադիմիր Բրեդովը հայտնել էր, որ պլանային նախազգուշական վերանորոգման ընթացքում կիրականացվեն մեծ ծավալի աշխատանքներ: Հիմնական շեշտադրումը կլինի անվտանգության վրա`կիրականացվեն սարքավորումների վերանորոգման, ինչպես նաև սարքավորումների գործիքային հետազոտման աշխատանքներ: Վերանորոգման աշխատանքներին կօգնեն Կոլայի և Նովորոնեժսկի ատոմակայանների մասնագետները, քանի որ այդ կայանները կառուցված են միանման, իսկ գիտական ղեկավարությունն իրականացնում է «ЦНИИТМАШե ընկերությունը, որը հանդիսանում է Ռոսատոմի ճյուղերից մեկը: «Ինչ վերաբերվում է գործիքային հետազոտությանը, ապա այստեղ հիմնական խնդիրն է` հաշվարկել և հաստատել սարքավորումների մնացորդային ռեսուրսը: Այսինքն, անհրաժեշտ է ստուգել ԱԷԿ-ի սարքավորումների հետագա շահագործման հնարավորությունները: Ինչպես հասկանում եք, կայանում կան շատ սարքավորումներ, հետևաբար, գործիքային հետազոտությունը բաշխված է ըստ տարիների, առանց վնասելու կայանի անվտանգությունը: Անցյալ տարի մենք սկսեցինա այդ գործընթացը, այս տարի հետազոտվող սարքավորումների ծավալը անցյալ տարվա համեմատ, վերահսկող մարմնի պահանջով, կավելանա 50% (150 տեսակի սարքավորում),: Հուսով ենք հաջորդ տարի  ավարտել գործիքային հետազոտությունը, իսկ 2019-ին արդյունքները փոխանցել վերահսկող մարմնին` Միջուկային անվտանգության կարգավորման պետական մարմնին: Հուսով եմ, որ ամեն ինչ կախված կլինի հետազոտման արդյունքներից և պետական մարմնի որոշումից»,- ընդգծել էր Բրեդովը: «Հայաստանի էլեկտրական ցանցեր» ՓԲ ընկերությունն ստեղծվել է 2002թ. մայիսին չորս պետական տարածաշրջանային էլեկտրաէներգիայի բաշխման և իրացման ցանցերի («Երևանի էլեկտրական ցանցեր», «Հյուսիսային էլեկտրական ցանցեր», «Հարավային էլեկտրական ցանցեր» և «Կենտրոնական էլեկտրական ցանցեր») միաձուլման արդյունքում: Ընկերությունը հիմնականում զբաղվում է էլեկտրաէներգիայի բաշխմամբ և իրացմամբ: Ցանցերի ընդհանուր երկարությունը կազմում է 36 հազ. կմ: Ընկերությունը Հայաստանի Հանրապետության տարածքում ունի էլեկտրաէներգիայի բաշխման բացառիկ արտոնագիր: Էլեկտրաէներգիայի բաշխումն իրականացվում է ՀՀ հանրային ծառայությունները կարգավորող հանձնաժողովի կողմից հաստատագրված սակագներով: Ընկերությունը սպասարկում է մոտ 985 000 սպառողի: