Ուրբաթ, 19 Մայիսի 2017 16:47
Ալինա Հովհաննիսյան

Ռոստելեկոմի «Азбука Интернета» հայալեզու դասընթացները մեկնարկեցին Շիրակում

Ռոստելեկոմի «Азбука Интернета» հայալեզու դասընթացները մեկնարկեցին Շիրակում

Արմինֆո. Ամասիայում մեկնարկեց «Азбука Интернета» (Ինտերնետի Այբբենարան) խորագիրը կրող առաջին դասընթացը միջին և բարձր (50+) տարիքի բնակիչների համար։ Սա թվով երկրորդ դասընթացն է, որ անց է կացվում հայերեն լեզվով, առաջինը մեկնարկել է Ալավերդի քաղաքում։

Հայալեզու դասընթացներն Ամասիայում «Ռոստելեկոմը» կազմակերպել և իրականացնում է Վորլդ Վիժն Հայաստանի հետ համագործակցության շրջանակներում․ դասընթացներն անց են կացնում տարածքային ծրագրերի երիտասարդ կամավորները գրադարանի շենքում տեղակայված համակարգչային սրահում։

Ինչպես ԱրմԻնֆո գործակալությանը տեղեկացվել է Ընկերության մամուլի ծառայությունից, կամավորները նախապես մասնակցում են տարեցներին դասավանդման առանձնահատկությունների և մոտեցումների վերաբերյալ սեմինար-դասընթացի, տեղեկանում աշխատանքի հոգեբանական և մեթոդական նրբություններին, հետո միայն սկսում դասավանդել։

 «Ամասիայում դասընթացները շարունակական բնույթ կկրեն, քանի որ գրանցվել ցանկացողները շատ են, մինչդեռ ծրագրի արդյունավետության համար նպատակահարմար է խմբում ընդգրկել առավելագույնը 10 մասնակցի։ Բոլոր ցանկացողները գրանցվում են՝ նաև հետագայում կազմակերպվելիք դասընթացներին մասնակցելու համար։ Գրանցվածների թվում են ինչպես մանկավարժներ, ինժեներներ, այնպես էլ բժշկական անձնակազմի ներկայացուցիչներ, այլ մասնագետներ, ինչը միանշանակ խոսում է դասընթացի կարևորության և առկա պահանջարկի մասին»,- նշում է «Ռոստելեկոմ» Հայաստանի ներկայացուցիչ Սիրանուշ Գյուրջինյանը։

Դասընթացի նպատակն է աջակցել միջին և բարձր (50+) տարիքի անձանց շրջանում համակարգչից և համացանցից օգտվելու հմտությունների զարգացմանը, նախագիծը հատուկ մշակում է անցել և հեշտությամբ յուրացվում է թիրախային խմբի կողմից։ Ընդհանուր տևողությունը 12 դասաժամ է, խմբում ընդգրկված են 50+ տարիքի տասը մասնակիցներ։

Հայախոս լսարանի համար դասընթացն առաջին  անգամ իրականացվում է Ամասիայում և Ալավերդիում։ 2015-2016թթ. ծրագիրն իրականացվել է Հայաստանում Ռուսաստանի մշակույթի և գիտության կենտրոնի (Россотрудничество) հետ համատեղ Վ․Պլեխանովի անվան համալսարանի երևանյան մասնաճյուղի համակարգչային լսարաններում, դասավանդել են բուհի ուսանող-կամավորները, և մասնակցել են հիմնականում ռուսախոս տարեցներ։ Այժմ արդեն ձեռնարկը թարգմանվել է հայերեն լեզվով և նախագիծն ընդլայնել է շահառուների շրջանակը՝ ընդգրկելով բոլոր 50+ բնակիչներին, ինչպես Երևանում, այնպես էլ ՀՀ մարզերում։

Նշենք, որ 2012թ. դեկտեմբերից ՀՀ-ում հեռահաղորդակցության ոլորտի առաջատար օպերատորներից մեկը՝ՋԻԷՆՍԻ-ԱԼՖԱ ՓԲԸ-ն հաջողությամբ մատուցում է ինտերնետ հասանելիության և ֆիքսված հեռախոսակապի ծառայություններ Rostelecom ապրանքանիշի ներքո: 2013թ. սեպտեմբեր ամսից ընկերությունը «ՀԻԲՐԻԴ ՍՈԼՅՈՒՇՆԶ» ընկերության հետ համատեղ մատուցում է նոր սերնդի Այփի հեռուստատեսության ծառայությունը ևս։ 2015թ․ սեպտեմբերին ընկերությունը ներկայացրել է լիովին նոր Սմարթ հեռուստատեսությունը, որն առանձնանում է իր նորարարական լուծումներով և հնարավորություններով։ «Ռոստելեկոմի» ցանցը Հայաստանում կառուցված  է օպտիկա-մանրաթելային մալուխով, որի երկարությունը կազմում է ավելի քան 3000 կմ` ծածկելով ՀՀ տարածքի 80%-ը: Իրանի և Վրաստանի օպերատորների միջոցով «Ռոստելեկոմի» ցանցը փոխկապակցված  է տարածաշրջանի հիմնական մայրուղային ցանցերի և տրաֆիկի փոխանակման խոշորագույն կենտրոնների հետ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
02.04.2020
RUB6.430.03
USD504.50-0.46
EUR551.62-0.45
GBP628.414.33
CAD357.503.19
JPY47.010.09
CNY71.06-0.29
CHF521.99-0.20



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000