Ուրբաթ, 19 Մայիսի 2017 17:11
Ալինա Հովհաննիսյան

Կոնվերս Բանկի նախաձեռնությամբ կայացել է գերմանական երաժշտության երեկո, նվիրված  Բունդեսթագի կողմից Հայոց ցեղասպանությունը դատապարտող բանաձևի ընդունման մեկամյակին

Կոնվերս Բանկի նախաձեռնությամբ կայացել է գերմանական երաժշտության երեկո, նվիրված  Բունդեսթագի կողմից Հայոց ցեղասպանությունը դատապարտող բանաձևի ընդունման մեկամյակին

Արմինֆո. Մայիսի 15-ին  Կոնվերս Բանկի  նախաձեռնությամբ կայացավ  գերմանական երաժշտության երեկո՝ նվիրված  Բունդեսթագի կողմից Հայոց ցեղասպանությունը դատապարտող բանաձևի ընդունման մեկամյակին:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, երեկոյի հյուրերի թվում էին Հայաստանում օտարերկրյա դիվանագիտական կորպուսի ներկայացուցիչներ, արվեստագետներ, գործարարներ:

«Մենք երախտապարտ ենք  Գերմանիայի Դաշնային Հանրապետությանը՝ Հայոց  Ցեղասպանության դատապարտման հարցում  իր  դիրքորոշման համար: Սա  լավ  օրինակ  է՝ հաստատելու,  որ  համամարդակային  արժեքները, մշակույթը  կնճռոտ հարցերը լուծելու և առաջ շարժվելու լավագույն  ճանապարհն են»,-  ողջունելով միջոցառման հյուրերին՝  դիվանագետների, արվեստագետների և գործարարների, ասաց Կոնվերս Բանկի Գործադիր տնօրեն Արթուր Հակոբյանը:

Հայաստանում Ամերիկյան Համալսարանի  դասախոս, պատմաբան Թոմ Սամուելյանը , կարևորևելով մարդկության դեմ հանցագործությունների ճանաչումն ու դատապարտումը, հույս հայտնեց, որ Հայոց ցեղասպանության ճանաչումը  թույլ կտա վերականգնել պատմական արդարությունը և  կոտորված հայերի իրավահաջորդներին  ապագայում  իրավունքների վերականգնման հնարավորություն կընձեռի:

Հայաստանում ԳԴՀ Արտակարգ և լիազոր դեսպան  պարոն Բերնհարդ Մաթիաս Քիսլերը հիմնականում, իր հերթին,  հիմնականում խոսեց  հայ-գերմանական կապերի ու դրանց զարգացման հնարավորությունների մասին: «Բուդեսթագի կողմից  Հայոց ցեղասպանությունը դատապարտող բանաձևի ընդունումից հետո Մեզ շնորհակալություն հայտնելու համար ԳԴՀ  դեսպանատան առջև էին հավաքվել հայ երիտասարդներ և վանկարկում էին «Դանքե Դոյչլանդ, Դանքե շոն»: Ես հպարտությամբ կարող եմ ասել, որ նման վերաբերմունքի արժանացած  միակ դեսպանն եմ Հայաստանում»,- իր խոսքը եզրափակեց դեսպանը՝  ազդարարելով գերմանական երաժշտության երեկոյի մեկնարկը:

Երեկոյի ընթացքում հնչեցին Բախի, Շուբերտի, Բրամսի, Շումանի ,Վագների, ինչպես նաև հայ կոմպոզիտորների  ստեղծագործություններ՝  այդ թվում դաշնակահար Հայկ Մելիքյանի, Հայաստանի վաստակավոր արտիստ Աննա Մայիլյանի կատարմամբ:

Նշենք, որ Կոնվերս բանկը Հայաստանում գործում է 1996 թվականի սեպտեմբերից: 2017 թվականի հունվարի 1-ի դրությամբ բանկի բաժնետերերն են`Advanced Global Investments LLC`80,94%, «Հայփոստ Թրասթ Մենեջմենթ Բի.Վի.» ընկերություն` 14.06% և Էջմիածնի Մայր տաճար` 5%, բայց 100% բաժնետոմսերի անուղղակի տնօրինողն է Holding Company "Blakery Assets" LTD ընկերությունը: 

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
02.04.2020
RUB6.430.03
USD504.50-0.46
EUR551.62-0.45
GBP628.414.33
CAD357.503.19
JPY47.010.09
CNY71.06-0.29
CHF521.99-0.20



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000