Ուրբաթ, 26 Մայիսի 2017 14:50
Ալեքսանդր Ավանեսով

Տիգրան Սարգսյան. «2017 թ. սկզբին ԵԱՏՄ բոլոր հինգ երկրներում տնտեսական աճ է արձանագրվել»

Տիգրան Սարգսյան. «2017 թ. սկզբին ԵԱՏՄ բոլոր հինգ երկրներում տնտեսական աճ է արձանագրվել»

Արմինֆո. Եվրասիական տնտեսական միության /ԵԱՏՄ/ երկրների տնտեսությունների վիճակը, Եվրասիական տնտեսական հանձնաժողովի /ԵԱՏՀ/ գործունեության հիմնական ուղղությունները և դրան բիզնեսի մասնակցության հնարավորություններն են մայիսի 25-ին քննարկվել Եվրասիական տնտեսական հանձնաժողովի կոլեգիայի նախագահ Տիգրան Սարգսյանի հետ «Գործարար Ռուսաստան» գլխավոր և տարածաշրջանային խորհուրդների անդամների հանդիպմանը:

Ինչպես նշել է Տիգրան Սարգսյանը, 2017 թվականի սկզբին ԵԱՏՄ-ում 2014 թվականից ի վեր առաջին անգամ բոլոր հինգ երկրներում տնտեսական աճ է արձանագրվել: 2017 թվականի հունվար-մարտին Միության պետությունների արտաքին առևտրի ծավալն անցյալ տարվա նույն ժամանակաշրջանի համեմատ ավելացել է 29,6 տոկոսով: Փոխադարձ առևտրի աճը կազմել է 31,1 տոկոս: «Մեծանում Է ԵԱՏՄ-ի գծով գործընկեր երկրներից ներդրումներ կատարող ընկերությունների թիվը,-ընդգծել է ԵԱՏՀ-ի կոլեգիայի նախագահը:-Աճում են տնտեսության իրական հատվածը, բեռնափոխադրումների և ուղևորաշրջանառության ծավալները: Մինչեւ 2019 թվականը հանձնաժողովի կանխատեսումը կայուն նպաստավոր է»:

Միայն 2016-2017 թվականներին ԵԱՏՄ-ի երկրները պայմանավորվել են ներքին շուկայում 60 խոչընդոտների վերացման մասին: Սկզբունքային պայմանավորվածություններ են ձեռք բերվել էլեկտրաԷներգիայի, նավթի, գազի, տրանսպորտի ոլորտներում: Համատեղ նախագծեր են առաջանում տիեզերքի, հաստոցաշինության, գյուղատնտեսության, նոր տեխնոլոգիաների ոլորտներում: Գործարկվել է դեղամիջոցների և բժշկական իրերի ընդհանուր շուկան: Բարեփոխված է  մաքսային օրենսդրությունը, մշակվում է ապրանքների տեղաշարժի նկատմամբ հսկողության նախագիծ, կատարվում Է դրանց մակնշում:

Ակտիվորեն առաջ է մղվում միջազգային օրակարգը: Փոխվարչապետերի հսկողության տակ է Միության թվային օրակարգը: Այս ամենը դրական է անդրադառնում ձեռնարկատիրական մթնոլորտի վրա: 

Տիգրան Սարգսյանը ձեռնարկատերերին տեղեկացրել է բիզնես հանրության հետ հանձնաժողովի փոխգործակցության ձևաչափերի մասին: Գործում Է ԵԱՏՄ-ի Գործարար խորհուրդը, որի մեջ մտնում են մասնակից բոլոր երկրների բիզնես-ասոցիացիաները: Վերջինիս խնդիրն է՝ կոնսոլիդացված դիրքորոշում ձեւավորել միութենական որոշումների նախագծերի շուրջ և նախաձեռնություններ առաջ քաշել: ԵԱՏՀ-ի և բիզնեսի գործակցության ևս մեկ ձևաչափ են կոնսուլտատիվ կոմիտեները և  աշխատանքային խմբերը, որտեղ մշակվում են փաստաթղթերի նախագծերը:

Հանձնաժողովն ապահովում է որոշումների նախագծերի հանրային քննարկումը, որին կարող է մասնակցել Միության երկրների բիզնես հանրության ցանկացած ներկայացուցիչ: 2016 թ. հաշվի Է առնվել ստացված դիտողությունների և առաջարկների ընդհանուր թվի շուրջ 80 տոկոսը:

«Խոչընդոտների վերացումը, սահմանափակումների կրճատումը ԵԱՏՀ-ի գործունեության կարևոր ուղղությունն է,-ընդգծել է Տիգրան Սարգսյանը:-Միայն 2016 թվականին Միության մարմինների կողմից ընդունված բոլոր որոշումների թվի առնվազն 30 տոկոսն ուղղված է խոչընդոտների վերացմանը և Միության ներքին շուկայի գործունեության բարելավմանը: Ներկայումս բացահայտված է 185 տարբեր խոչընդոտ, և երկրները պայմանավորվել են, որ արդեն մոտ ժամանակներս կվերացնեն դրանց մեկ երրորդը»

Հանձնաժողովի գործունեության գերակա ուղղություններից մեկը ԵԱՏՀ-ի կոլեգիայի նախագահը համարել է թվային օրակարգի իրագործումը: «Կյանքն արագորեն փոխվում է, և ժամանակակից ընդհանուր շուկաներն ակնհայտորեն անկարելի է ձևավորել առանց թվայնացման,-ընդգծել է Տիգրան Սարգսյանը:-Անցյալ տարվա դեկտեմբերին նախագահները հայտարարություն են ընդունել այն մասին, որ մենք պետք է ԵԱՏՄ-ի ընդհանուր թվային օրակարգ ձևավորենք: Ստեղծվել է բարձր մակարդակի աշխատանքային խումբ: Մենք պետք է մինչև այս տարվա նոյեմբեր կառավարությունների ղեկավարներին ներկայացնենք Միության թվային տրանսֆորմացիայի իրականացման ծրագիր» :

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
01.06.2020
RUB6.920.09
USD483.02-0.89
EUR536.783.12
GBP598.370.84
CAD351.85-0.62
JPY44.89-0.06
CNY67.73-0.34
CHF502.673.33



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000