«ԻՆԳՈ Արմենիա» ԱԸ վարպետաց դասեր է կազմակերպել Հայաստանի պետական տնտեսագիտական համալսարանի և Հայաստանում ֆրանսիական համալսարանի ուսանողների համար

Արմինֆո. «ԻՆԳՈ Արմենիա» ԱԸ Հայաստանի պետական տնտեսագիտական համալսարանի և Հայաստանում ֆրանսիական համալսարանի հետ համագործակցության շրջանակում ուսանողների համար կազմակերպել է մեկամսյա վարպետաց դասեր, որին բանախոսություններով հանդես են եկել ընկերության տարբեր բաժինների ներկայացուցիչները:

Ինչպես ԱրմԻնֆո-ին հաղորդեցին ընկերության մամուլի ծառայությունից, վարպետաց դասերի նպատակն էր ուսանողներին փոխանցել գործնական գիտելիքներ՝ ուսանողների մասնագիտական հմտությունները զարգացնելու համար:

«ԻՆԳՈ Արմենիա» ԱՓԲԸ-ի գործադիր տնօրեն Արևշատ Մելիքսեթյանի խոսքով, ապահովագրական շուկան միշտ կարիք ունի երիտասարդ ու բանիմաց աշխատակիցների: «Ինչպես նաև՝ հավաստագրեր ստացած ուսանողները հնարավորություն կստանան ամռանը ընկերության տարբեր բաժիններում փորձառություն անցնելու և թափուր հաստիքների առկայության դեպքում առաջնահերթ կդիտարկվեն նրանց ինքնակենսագրականները», - ասել է նա:

Դասընթացների ավարտին մասնակիցներին հանձնվել են սերտիֆիկատներ:

«ԻՆԳՈ Արմենիա» ապահովագրական ընկերությունն ստեղծվել է 1997 թվականին։ Ապահովագրական շուկայում ընկերությունն առաջատար դիրքեր է զբաղեցնում` տրամադրելով ապահովագրական ծառայություններ ֆիզիկական և իրավաբանական անձանց։ «ԻՆԳՈ Արմենիա» ապահովագրական ընկերությունն առաջատար է ապահովագրական դասերի լիցենզիաների գծով. Աշխատում է գոյություն ունեցող 19-ից 16-ով և միակն է, որ զբաղվում է ջրային տրանսպորտի ապահովագրութամբ: 2017 թվականին ընկերությունը տոնում է իր գործունեության 20-ամյակը։