Արմինֆո. Հայ համայնքը ռուսաստանյան բիզնեսի հզոր մասն է, որը ներկայացված է թե օլիգարխների, թե լուրջ մակարդակի կորպորացիաների, թե փոքր և միջին ձեռներեցության բազմաթիվ ներկայացուցիչների կողմից, որոնք զբաղվում են արտահանման մատակարարումներով: «Լիահույս եմ, որ Ռուսաստանում հայ գործարարների համար խոչընդոտներ չկան: Մենք կձգտենք, որպեսզի Ռուսաստանում հայ գործարարների համար դրանք հետագայում էլ չծագեն, քանի որ հայ համայնքի ներկայացուցիչների տնտեսական գործունեությունը կարևոր ավանդ է ինչպես Հայաստանի, այնպես էլ Ռուսաստանի զարգացման գործում», - հայտարարել է «Ռուսաստանի արտահանման կենտրոն» ԲԸ արտահանման քաղաքականության և վերլուծության գծով տնօրեն Միխայիլ Սնեգը, ով երևան է ժամանել` մասնակցելու «ԵԱՏՄ. Հայաստան-համագործակցություն» գործարար համաժողովին:
Նա, մասնավորապես, նշել է, որ հայկական բիզնեսը լայնորեն ներկայացված է աշխարհով մեկ` դա համարելով ազգի ու երկրի առանձնահատկությունը: Փորձագետի կարծիքով, ունենալով նման մրցակցային առավելություն, հայկական բիզնեսի ներկայացուցիչների համար ավելի հեշտ է ստեղծել համագործակցության «կամուրջներ»: «Դա, ըստ էության, այն է, ինչով չեն կարող պարծենալ ուրիշները: Բավական չէ, որ հայ համայնքը բազմամարդ է, այն նաև տնտեսապես ակտիվ է», - ընդգծել է նա:
Վերադառնալով արտահանման գործունեությանը` Մ.Սնեգը նշել է, որ հայկական արտադրանքը հարգանք և հետաքրքրություն է վայելում ռուսաստանյան շուկայում: «Վերջին ժամանակներս մատակարարումներն աճում են: Աճում են նաև, ընդհանուր առմամբ, Հայստանի ոչ հումքային արտահանման ծավալները: Ընդ որում, աճում են արտահանումները, հատկապես, դեպի Ռուսաստան: Մենք լավ արդյունք ենք տեսնում 2016 թվականին, շատ լավ արդյունք ենք ակնկալում նաև 2017 թվականին», - ասել է փորձագետը: Որպես ավանդաբար ռուսական շուկա արտահանվող արտադրանք Մ.Սնեգը նշել է, առաջին հերթին, արդյունաբերական համալիրի արտադրանքը, ներառյալ միրգն ու բանջարեղենը, ոգելից խմիչքները, թեթև արդյունաբերության ապրանքները, որոշ հումքային և վերամշակող ձեռնարկությունների արտադրանքը:
Նշենք, որ «Ռուսաստանի արտահանման կենտրոն» ԲԸ ստեղծվել է որպես մասնագիտացված կազմակերպություն, որը «մեկ պատուհան» է տրամադրում աջակցության ֆինանսական և ոչ ֆինանսական միջոցների բնագավառի արտահանողների հետ աշխատողների համար, այդ թվում` պրոֆիլային նախարարությունների և գերատեսչությունների հետ փոխգործակցության միջոցով, որոնք իրականացնում են Ռուսաստանի Դաշնության արտաքին տնտեսական գործունեության զարգացման գործառույթներ:
ՀՀ ազգային վիճակագրական ծառայության տվյալների համաձայն, Հայաստանի և ՌԴ միջև արտաքին առևտրի շրջանառությունը 2016 թվականին կազմել է 1.4 մլրդ դոլար` 15,1% տարեկան աճով: Ընդ որում արտահանումն ավելացել է 51,5%-ով, մինչև 371 մլն դոլար` ներմուծման 5,7%-ով, մինչև 995.9 մլն դոլար աճի պայմաններում: 2017 թվականի առաջին եռամսյակում Հայաստանի և Ռուսաստանի միջև ապրանքաշրջանառության ծավալներն ավելացել են 18,2%-ով, մինչև 360.8 մլն դոլար: Մասնավորապես, արտահանումն ավելացել է 39,3%-ով, մինչև 100.5 մլն դոլար, իսկ ներմուծումը` 11,6%-ով, մինչև 260.3 մլն դոլար:
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
Հայաստանում արժեթղթերի թողարկմանն ու վարկանիշավորմանն աջակցության պետական ծրագրից օգտվել է ընդամենը երկու ընկերություն
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ