Արմինֆո. Beeline-ի աջակցությամբ Արամ Խաչատրյանի տուն թանգարանում տեղի ունեցավ համերգ «Դասական երաժշտության զարգացմանե հիմնադրամի սաների մասնակցությամբ։
«Մենք պարբերաբար կազմակերպում ենք նմանատիպ համերգներ։ Դա շատ կարեւոր է երիտասարդ երաժիշտների համար, քանի որ նման համերգները յուրօրինակ քննություն են հանդիսանում նրանց համար։ Հանդիսատեսի առաջ ելույթ ունենալով՝ նրանք կարող են ցույց տալ իրենց միջանկյալ աշխատանքի արդյունքները և վերահաստատել իրենց ստեղծագործական ներուժը և զարգացման հեռանկարները։ Beeline-ն երկար տարիների ընթացքում հնարավորություն է տալիս մեզ և երիտասարդ երաժիշտներին հետևողական աշխատել՝ զարգացնել ունակությունները, բարձունքների հասնել, տարեցտարի կազմել մասնագիտական զարգացման ծրագիր։ Մեզ համար շատ կարեւոր է այսպիսի հետեւողական աջակցությունը, քանի որ այն վաղվա օրվա հանդեպ վստահություն է ներշնչում։ Մենք շնորհակալ ենք Beeline-ին համագործակցության համարե, - ասել է Կարեն Քոչարյանը՝ «Դասական երաժշտության զարգացմանե հիմնադրամի հոգաբարձուների խորհրդի անդամը եւ Խաչատրյանի անվան եռյակի թավջութակահարը։
«Դասական երաժշտության զարգացմանե հիմնադրամի հետ համագործակցությունը մենք դիտարկում ենք, որպես երկարաժամկետ ներդրում աճող սերնդի զարգացման գործընթացում: Ես ուրախ եմ տեսնել, որ մեր ներդրումն իր պտուղներն է տալիս ի դեմս երիտասարդ և տաղանդավոր երաժիշտների, ովքեր այսօր ելույթ ունեցան մեր առջև: Beeline-ը շարունակում է աջակցել հիմնադրամի գործունեությանը, քանի որ համարում է, որ այս ոլորտին աջակցությունը կդարձնի մարդկանց կյանքը էլ ավելի լավըե, - նշել է Հայաստանում Beeline-ի Գլխավոր տնօրեն Անդրեյ Պյատախինը։
Համերգին մասնակցեցին՝ երիտասարդ դաշնակահար Գուր Սարգսյանը, որը վերջերս երկրորդ տեղն է զբաղեցրել Թիֆլիսում անցկացված Դաշնակահարների Միջազգային մրցույթում, ալտահար Հովհաննես Մինասյանը եւ ջութակահար Սոնա Արզումանյանը։ Համերգին ելույթ ունեցան նաեւ «Դասական երաժշտության զարգացմանե հիմնադրամի հոգաբարձուների խորհրդի անդամներ եւ Խաչատրյանի անվան եռյակի երաժիշտներ՝ դաշնակահար Արմինե Գրիգորյանը եւ ջութակահար Կարեն Շահգալդյանը։
Հիշեցնենք, որ «Դասական երաժշտության զարգացմանե հիմնադրամը ստեղծվել է Ա. Խաչատրյանի անվան եռյակի երաժիշտների կողմից 2010թ.-ին։ Հիմնադրամի հիմնական գործունեությունն ուղղված է կրթական և բարեգործական ծրագրերի իրականացմանը դասական երաժշտության ոլորտում: Beeline-ը հանդիսանում է Հիմնադրամի մշտական գործընկերը 2011թ–ից ի վեր։
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը