«Ռոստելեկոմը» մեկնարկում է նոր MAXPLUS առաջարկը

Արմինֆո. «Ռոստելեկոմըե Հայաստանում ներկայացնում է նոր՝ MaxPlus առաջարկը, որի շնորհիվ ընկերության բաժանորդները, ի լրումն իրենց սակագնային փաթեթի հիմնական պայմանների, կստանան հավելյալ ծառայություններ աննախադեպ մատչելի պայմաններով։

Ինչպես ԱրմԻնֆո-ին հայտնել են ընկերության մամուլի ծառայությունում, MaxPlus առաջարկի շրջանակներում վճարելով ընդամենը 500 դրամ բաժանորդները կկարողանան օգտվել 5000 դրամ արժողությամբ բովանդակությունից՝

2,5 անգամ ավելի արագ Ինտերնետից, Մինչև 30 հավելյալ հեռուստաալիքներից (այդ թվում նաև Кинопремьера, Матч! Футбол 2 HD, РЕН ТВ, RU.TV, Карусель, այլ), Անսահմանափակ թվով սերիալներ դիտելու հնարավորությունից Սմարթ հեռուստատեսության Ֆիլմադարան ենթաբաժնից։

Ֆիլմադարան ենթաբաժնում ներկայացված սերիալների բազմազանությունը կգրավի անգամ ամենախստապահանջ հեռուստադիտողին՝ ներկայացնելով ֆիլմարտադրության բազմաժանդր որակյալ արտադրանք՝ թրիլլերներ, արկածային, պատմական, սարսափ, ֆանտաստիկ ֆիլմեր, դետեկտիվներ, մարտաֆիլմեր, այլ ժանրեր։

Այսպիսով, միանալով MaxPlus առաջարկին, Տրիո ծառայությունների փաթեթի բաժանորդները մեկ տարի շարունակ կստանան նշված առավելություններն՝ ի լրումն իրենց տրամադրված բարձրակարգ ծառայությունների՝ մեկ տարվա ընթացքում ավելացնելով ամսական ընդամենը 500 դրամ սակագնային փաթեթի ամսավճարին։

Մանրամասները ներկայացված են ընկերության պաշտոնական կայքում հետևյալ հղումով՝ www.rtarmenia.am/maxplus։

2012թ. դեկտեմբերից ՀՀ-ում հեռահաղորդակցության ոլորտի առաջատար օպերատորներից մեկը՝ՋԻԷՆՍԻ-ԱԼՖԱ ՓԲԸ-ն հաջողությամբ մատուցում է ինտերնետ հասանելիության և ֆիքսված հեռախոսակապի ծառայություններ Rostelecom ապրանքանիշի ներքո: 2013թ. սեպտեմբեր ամսից ընկերությունը «ՀԻԲՐԻԴ ՍՈԼՅՈՒՇՆԶե ընկերության հետ համատեղ մատուցում է նոր սերնդի Այփի հեռուստատեսության ծառայությունը ևս: «Ռոստելեկոմիե ցանցը Հայաստանում կառուցված  է օպտիկա-մանրաթելային մալուխով, որի երկարությունը կազմում է ավելի քան 3000 կմ` ծածկելով ՀՀ տարածքի 80%-ը: