Արմինֆո. ՀՀ առողջապահության նախարար Լևոն Ալթունյանն ընդունել է Ասիական զարգացման բանկի պատվիրակությանը, Ռիե Հիրաոկայի գլխավորությամբ:
Ինչպես ԱրմԻնֆո գործակալությանը տեղեկացվել է նախարարության մամուլի ծառայությունից, ողջունելով Ասիական զարգացման բանկի պատվիրակությանը` ՀՀ առողջապահության նախարար Լևոն Ալթունյանը կարևորել է ոլորտում իրականացվող ծրագրերի, ինչպես նաև առկա խնդիրների լուծման գործում համագործակցության հնարավորություններ գտնելը։
Նախարարի տեղակալներ Սերգեյ Խաչատրյանը և Սամվել Մարգարյանը, աշխատակազմի ղեկավար Նելսոն Զուլոյանը Ասիական զարգացման բանկի առաքելության ղեկավար Ռիե Հիրաոկային և նրա գլխավորած պատվիրակությանը ներկայացրել են ոլորտի զարգացման ուղղություններն ու առաջնահերթությունները, նախարարության կողմից իրականացվող բարեփոխումներն ու ծրագրերը։
Մասնավորապես կարևորվել են ֆինանսական վերահսկողության բարելավման, պետական բյուջեից հատկացվող միջոցների առավել նպատակային և հասցեական ծախսման նպատակով իրականացվող քայլերը: Անդրադարձ է կատարվել նաև Էլեկտրոնային առողջապահական համակարգի, կլինիկական ուղեցույցների և պացիենտի վարման գործելակարգերի ներդրմանը, ինչպես նաև հիվանդանոցների կառավարման համակարգի զարգացմանը։
Քննարկումները միտված են եղել նշված ոլորտներում համագործակցության եզրեր գտնելուն։
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |