Արմինֆո. Հունիսի 19-ին Մոսկվայում մեկնարկել է «ԱտոմԷքսպո 2017» IX միջազգային համաժողովը, որը կտևի մինչև հունիսի 21-ը: Ինչպես հայտնում է ԱրմԻնֆո-ի հատուկ թղթակիցը, միջոցառումն ամեն տարի անցկացվում է «Ռոսատոմ» պետական կորպորացիայի նախաձեռնությամբ և հանդիսանում է միջազգային խոշորագույն ցուցահանդեսային և գործարար հարթակ, որում քննարկվում են ատոմային ոլորտի արդի վիճակը և դրա հետագա զարգացման միտումները: Այս տարի համաժողովի գլխավոր թեման է՝ «Ատոմային տեխնոլոգիաներ՝ անվտանգություն, էկոլոգիա, կայունություն»: Համաժողովի մասնակիցներին հագեցած գործարար ծրագիր է սպասում:
Հիմնական իրադարձությունը «Ատոմը՝ ապագայի անածխածնային էներգետիկայի հիմք» լիագումար նիստը կհանդիսանա, որի ընթացքում ռուսական և օտարերկրյա գերատեսչությունների, ընկերությունների, միջազգային կազմակերպությունների ղեկավարներ և առաջատար փորձագետներ կքննարկեն ապագայի էներգետիկան՝ անվտանգության, էկոլոգիայի, տնտեսության և կայուն զարգացման տեակետից: Գործարար ծրագրի շրջանակներում նախատեսված են կլոր սեղաններ՝ «Նորարարական տեխնոլոգիական լուծումներն ատոմային էներգետիկայի կենսական ցիկլում՝ որպես կայուն զարգացման պայման», «Լրացուցիչ տեխնոլոգիաներ», «Նորարարական ապրանքներ և «Բեկում» նախագիծ», «Ռոսատոմի նախագծերում ներդրումների աճի դրայվերներ», «Միջուկային էներգիա. ապագայի էներգիա, թե՞ անցյալի վերապրուկ», «Ատոմային ճյուղի էկոլոգիական անվտանգության ռազմավարություն», «Թվային ապագա. հաջորդ քայլ ատոմային տեխնոլոգիաների զարգացման գործում», «Էներգիայի վերականգնվող աղբյուրների զարգացումը ՌԴ-ում. իրավիճակի գնահատում ԷՎԱ հզորության մատակարման պայմանագրերի հերթական մրցույթի նախաշեմին», «Միջուկային գիտության և տեխնոլոգիաների կենտրոնների կոմերցիոն և ոչ կոմերցիոն կիրառում», «Փոքր հզորության ԱԷԿ» և այլն: Ընթացիկ տարում համաժողովին մասնակցում են 62 երկրի ներկայացուցիչներ՝ ներկայացնելով ավելի քան 600 ընկերություն: Ընդհանուր առմամբ համաժողովին մասնակցում է ավելի քան 5 հազար մարդ:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |