Արմինֆո. ՀՀ Կառավարության 2017-2022 թվականների նոր ծրագիրը նախատեսում է տնտեսական ներուժի և մակրոտնտեսական կայունության աստիճանաբար ավելացում:
Այս նպատակով կառավարությունը մտադիր է բարձրացնել պետական պարտքի կառավարման արդյունավետությունը: Մասնավորապես, մինչև տարեվերջ նախատեսվում է ներդնել պետական պարտատոմսերի առաջնային շուկայի մասնակիցների վարքագծի գնահատման համակարգը: 2018-ի սկզբից նախատեսվում է նոր հարկաբյուջետային նորմերի ներդրումը, որոնք չեն խոչընդոտում տնտեսական աճին, իսկ երկարաժամկետ հեռանկարում ուղղված են պարտքի կայունացմանը: Մինչև 2019-ի վերջը կառավարությունը նախատեսում է ներդնել նոր գործիքներ, տնտեսության վրա հարկաբյուջետային քաղաքականության ազդեցությունը գնահատելու նպատակով: Իսկ մինչև 2022-ի վերջը նախատեսվում է ներդնել բյոըջետային շրջանակներ, որոնք ընդգրկելով միջնաժամկետ նախատեսում են կապիտալ ծախսերի հետևողական բարձրացում, հնարավորին չափով պահպանելով ընթացիկ ծախսերի չափավոր իրականացումը, ապահովելով դրանց արդյունավետությունը:
Միևնույն ժամանակ, միջպետական առևտրի և միջսահմանային գործարքների խթանման համար կընդլայնվեն մի շարք համաձայնագրերի շրջանակները, բացառելով կրկնակի հարկումը: Մասնավորապես, 2019-2022 թվականներին նախատեսվում է պայմանագրերի կնքում առնվազն 5 երկրների հետ:
Ծրագրով նախատեսվում է, եկամուտների կարգավորման քաղաքականությունը նպատակ կունենա հստակ և կանխատեսելի միջավայր ապահովել բիզնեսի և օտարերկրյա ներդրողների համար, ինչը հնարավորություն կտա արդարացի բաշխել ռեսուրսները տնտեսությունում և դրանք վերաուղղել արտահանմանն ուղղված արտադրություններին:
Միջոցները նպատակային, արդյունավետ և խնայողաբար օգտագործելու համար Հայաստանի կառավարությունն առաջիկա տարիներին նախատեսում է պետբյուջեից ներդրվող ֆինանսական ցուցանիշների գնահատման համակարգից անցնել քանակական և որակական ամփոփիչ ցուցանիշների համակարգին, զուգահեռաբար ամրապնդելով ֆինանսական կարգապահությունը: Այս առումով պետք է միասնական մեթոդաբանական բազա ապահովել ծրագրային բյուջետավորման ներդրման համար, ինչպես նաև բարձրացնել պետական ֆինանսների ավտոմատացված կառավարումը, ընդլայնել էլեկտրոնային գնումների շրջանակը և խստացնել վերահսկողությունը ֆինանսական հոսքերի նկատմամբ`երկրի ներսում:
Հանրային հատվածի ակտիվների և պարտավորությունների հաշվառման և արդյունավետ կառավարման, ինչպես նաև բյուջետային միջոցների նպատակային օգտագործման համար կառավարությունն անհրաժեշտ է համարում ներդրել հաշվապահական և ֆինանսական հաշվետվության նոր ստանդարտներ:
Կառավարությունը, հեռանկարային և կայուն աճի ապահովման տեսանկյունից իր ծրագրում կարևորում է ֆինանսական շուկաների զարգացումը և ընդլայնումը, ինչը թույլ կտա ներքին խնայողոթյուններն ուղղել արդյունավետ ներդրումային նախագծերիի իրականացմանը:
Ստվերային տնտեսության կրճատումը, կուտակային կենսաթոշակային համակարգի գործարկումը, իսկ դրանց արդյունքում`ներքին խնայողությունների ձևավորումը և դրանց ազդեցությունը ֆինանսական համակարգի վրա, թույլ կտա ընդլայնել գործիքները և ֆինանսական շուկայի շրջանակը, ինչն էլ իր հերթին կբարձրացնի ֆինանսական ռեսուրսների նկատմամբ հասանելիությունը:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
