Հինգշաբթի, 29 Հունիսի 2017 17:47

Արմինֆո. 2018 թվականից գյուղատնտեսական վարկերը Հայաստանում տրամադրվելու են ավելի  մեղմ պայմաններով: Այս մասին հունիսի 29-ին կառավարության նիստից հետո հայտարարել է ՀՀ գյուղատնտեսության նախարար Իգնատի Առաքելյանը, պատասխանելով ԱրմԻնֆո գործակալության հարցին:

Ըստ նախարարի, ֆերմերներին ավելի մատչելի պայմաններով գյուղատնտեսական վարկերի տրամադրման հարցն արդեն քննարկվել է բանկային հատվածի ներկայացուցիչների հետ: Գյուղատնտեսության նախարարությունը, ինչպես նշել է նախարարը, նպատակ ունի զարգացնել մի ծրագիր, որը կնպաստի փոքր և միջին ֆերմերական տնտեսությունների խոշորացմանը և պայմաններ կստեղծի գյուղատնտեսության ոլորտի զարգացման համար:

Նախարարը հերքել է, որ գյուղատնտեսական վարկերի տոկոսադրույքների սուբսիդավորումը ժամանակավորապես սառեցվել է, և այժմ ամբողջ բեռը կրում միայն բանկերը: Պարզապես, նշել է նա, ավարտվել է սուբսիդավորման առաջին փուլը: Հուլիսին մեկնարկում է սուբսիդավորման երկրորդ փուլը: Ներկայումս գյուղատնտեսության նախարարությունը վերանայում է ծրագրի կետերը, մասնավորապես, վերանայվում են նախապայմանները, դեպի դրանց մատչելիության կողմը:

Միևնույն ժամանակ, նշենք, որ այսօրվա դրությամբ դեռ հստակություն չկա փոփոխությունների առումով: Սակայն, ինչպես հավաստիացրել է նախարարը,  գործընթացը խոստանում է ֆերմերների համար լինել ավելի հաճելի, իսկ տրամադրվող գյուղվարկավորումը` ավելի մեղմ: «Կառավարության կողմից տոկոսադրույքների սուբսիդավորման նպատակով հատկացվող ընդհանուր գումարը կպահպանվի: Հնարավոր է, որ մեծանա սուբսիդիաների չափը, ինչը թույլ կտա փոքր-ինչ նվազեցնել տոկոսադրույքը»,-բացատրել է նա:

Ինչպես ավելի վաղ հաղորդել էր ԱրմԻնֆո գործակալությունը, կառավարությունը գյուղատնտեսական վարկերի տոկոսադրույքների սուբսիդավորմանը 2017 թվականի ապրիլի 1-ից մինչև դեկտեմբերի 31-ը կհատկացնի 1100 մլն դրամ: Ըստ  գյուղնախարարության տվյալների, 2011-2016 թվականներին ֆերմերային տնտեսություններին տրամադրվել է 119.4 հազար մատչելի գյուղատնտեսական վարկեր,  99,1 մլրդ. դրամ: (մոտ $ 203 մլն): Սուբսիդավորման գումարը կազմել է մոտ 4,7 մլրդ դրամ: 2011-2014 թվականներին սուբսիդիաները սովորական ֆերմերների համար կազմել են 4% (14%-ից), և 6% են կազմել գյուղերում առավել անբարենպաստ պայմաններում ապրող 225 բնակիչների համար (ըստ կլիմայի և բերքատվության): Իսկ 2015-ից 6% սուբսիդիաներ կտրամադրվեն բոլոր ֆերմերներին, որոնք մասնակցում են պետական ​​ծրագրին:  Ընդհանուր առմամբ, 2016-ին տրամադրվել են 15 մլրդ դրամի վարկեր, երկու փուլոով, գարնանային և աշնանային դաշտային աշխատանքների համար, իսկ մոտ 20,4 հազար ֆերմերների տրամադրվել է 1163.0 մլն դրամի սուբսիդավորում:

Հիշեցնենք, որ ֆերմերների սուբսիդավորման պետական ծրագիրը հաստատվել էր 2011-ի ապրիլի 1-ին: Ֆինանսավորումը տեղի է ունեցել 14% տոկոսադրույքով, որի 4%-ը ֆինանսավորում է պետությունը, իսկ սահմանամերձ գյուղերում այն կազմում է 6%, 6 ամիս արտոնյալ ժամանակահատվածով: Վարկավորման միջին չափը կազմել է 625 հազար դրամ: 2015-ին կառավարությունը որոշեց բարձրացնել սուբսիդավորումը 3 մլն դրամով և 2 տարի ժամկետով: Սուբսիդիաների չափը կազմել է 6%, ինչի հաշվին գյուղացիները կարող գյուղատնտեսական վարկեր վերցնել, 8% տարեկան տոկոսադրույքով:

Ըստ ԱրմԻՆֆո գործակալության` Հայաստանի Բանկերի Ֆինանսական Վարկանիշների, 2017 թվականի հունվարի 1-ի դրությամբ գյուղատնտեսական վարկերի ծավալով ավանդաբար առջևում է ԱԿԲԱ-Կրեդիտ-Ագրիկոլ Բանկը, որի վարկային պորտֆելում այդ ոլորտի վարկերը կազմել են ավելի քան 37%: Բանկային համակարգի գյուղատնտեսական վարկերի ընդհանուր վարկային պորտֆելում ԱԿԲԱ-Կրեդիտ-Ագրիկոլ Բանկի մասնաբաժինը կազմել է ավելի քան 52%: Սակայն բանկը չի սահմանափակվում միայն գյուղատնտեսության ոլորտով, ակտիվորեն ֆինանսավորում է տարբեր ոլորտները, ինչպիսիք են ՓՄՁ, արդյունաբերության, առևտրի, հասարակական սննդի և սպասարկման ոլորտները, առաջատար լինելով նաև մանրածախ վարկավորման հատվածում:

ԱԿԲԱ-ԿՐԵԴԻՏ ԱԳՐԻԿՈԼ Բանկը Հայաստանում գործում է 1995 թվականից: 2006 թվականի սեպտեմբերից բանկի մեծամասնական բաժնետերն է եվրոպական խոշորագույն Credit Agricole S.A. բանկային խումբը, 15.56% բաժնեմասով, որին հաջորդում է SJSC «Sacam Internationalե-ը (Credit Agricole S.A. խմբի անդամ)`12.44%: Բանկի կապիտալին մասնակցում են նաև Գյուղացիական փոխօգնության 10 մարզային միություններ: