Արմինֆո. Հայաստանի արտարժույթի միջբանկային շուկայում հունիսի 26-30-ը ծավալը կտրուկ աճել է` 2,6 անգամ, նախորդ շաբաթվա 1,5% անկումից հետո: Դրան զուգընթաց, ներբանկային շուկայում աշխուժացել է դոլարի վաճառքը, ինչի ֆոնին ընթացել է եվրոյի և ռուբլու աշխույժ գնում: Այդ պայմաններում արտարժույթի բորսայական հարթակն արդեն մեկ ամսից ավելի մնում է դատարկ:
Արդյունքում` հաշվետու շաբաթվա ընթացքում դոլարի նկատմամբ դրամի փոխարժեքի արժեվորումը փոխարինվել է արժեզրկմամբ` 480,5-ից մինչև 481 դրամ/դոլար մակարդակ, ռուբլու նկատմամբ փոխվել է 8-ից մինչև 8.1 դրամ/ռուբլի մակարդակ, իսկ եվրոյի նկատմամբ նախկին 537-ից կտրուկ արժեզրկվել է մինչև մինչև 550 դրամ/եվրո: 2016 թվականի հունիսի 30-ի դրությամբ դրամի փոխարժեքը դոլարի նկատմամբ կազմել էր 476,5 դրամ/դոլար, եվրոյի նկատմամբ` 529 դրամ/եվրո, իսկ ռուբլու նկատմամբ` 7,5 դրամ/ռուբլի, ինչը ներկա փոխարժեքի համեմատ ցույց է տալիս դրամի տարեկան արժեզրկում ինչպես դոլարի ու եվրոյի, այնպես ռուբլու նկատմամբ:
Ինչպես ԱրմԻնֆո-ին հաղորել են ՀՀ կենտրոնական բանկի մամուլի ծառայությունից, հունիսի 26-30-ը NASDAQ OMX Armenia բորսայական հարթակում գործարքներ չեն եղել, այդ լռությունը պահպանվում է ավելի քան մեկ ամիս: Ընդ որում, արտարժույթի միջբանկային շուկայում գործարքների ծավալները կազմել են 16,950 մլն դոլար, միջին փոխարժեքը` 480,98 դրամ/դոլար (նախորդ շաբաթ`480,68 դրամ/դոլար): Արտարժույթի միջբանկային շուկայում շաբաթն սկսվել է 2,7 մլն դոլարից, երեքշաբթի հասնելով 7,2 մլն դոլար առավելագույն ծավալի, ինչից հետո չորեքշաբթի արձանագրվել է 800 հազար դոլար նվազագույն ծավալ, հինգշաբթի ավելանալով մինչև 2,750 մլն դոլար, և ուրբաթ` մինչև 3,5 մլն դոլար: Դրան զուգընթաց, արտարժույթի ներբանկային շուկայում բանկերի կողմից դոլարի առքի աճը դանդաղել է 20%-ից մինչև 4,2%, իսկ վաճառքի դինամիկան 0,3% անկումից փոխվել է 19,7% աճի: Եվրոյի վաճառքի թրենդը պահպանվել է բացասական 0,1% մակարդակում, իսկ գնման վեկտորը կտրուկ փոխվել է 39,1% անկումից 2,4 անգամ աճի, ընդ որում ռուբլուն անռչվող գործարքների տարբեր ուղղվածության դինամիկան պահպանվել է, սակայն այս անգամ արձանագրվել է վաճառքի 13,6% անկում` նախորդ շաբաթվա 20,1% աճի դիմաց, մինչդեռ գնման 5,9% անկումը փոխարինվել է 16,6% աճով: Արդյունքում` գնվել է 98.9 մլն դոլար, 479.80 դրամ/1դոլար միջին փոխարժեքով, 19.7 մլն եվրո, 541.76 դրամ/1եվրո միջին փոխարժեքով և 1.3 մլրդ ռուբլի 8.07 դրամ/1ռուբլի միջին փոխարժեքով, իսկ վաճառվել է 111.3 մլն դոլար, 480.98 դրամ/1դոլար միջին փոխարժեքով, 13.5 մլն եվրո 543.7 դրամ/1եվրո միջին փոխարժեքով և 436.8 մլն ռուբլի 8.16 դրամ/1ռուբլի միջին փոխարժեքով:
Աղբյուրի համաձայն, նախորդ շաբաթ (հունիսի 19—ից մինչև 27) Հայաստանի բանկերը տրամադրել են 46.7 մլրդ դրամի և 73.9 մլն դոլարի վարկեր: Դրան նախորդող ժամանակահատվածի համեմատ վարկերի ծավալների դինամիկան հետևյալն է. դրամային վարկերի ծավալների անկումը դանդաղել է` 36%-ից ,մինչև 13%, իսկ դոլարային վարկերի ծավալների աճն արագացել է 37,5%-ից մինչև 95,5%:
Ջիհադ Ազուր. Բուռն աճի պայմաններում կարևոր է խուսափել տնտեսության գերտաքացումից, զսպել գնաճը և ամրապնդել անբարենպաստ ցնցումներին դիմակայելու ունակությունը
Հայաստանին անհրաժեշտ է արդեն փորձարկված ատոմային էներգաբլոկ. մասնագետ
Տնտեսագետ. առանց արդյունաբերության զարգացման միջնաժամկետ հեռանկարում Հայաստանում լուրջ տնտեսական աճ ակնկալելու հարկ չկա
"Սեպուհ-1" ձեռնարկությունը երկարաժամկետ հեռանկարում մտադիր է կազմակերպել գծային արտադրություն, ինչը թույլ կտա ավտոմեքենաներ արտահանել ԵԱՏՄ երկրների շուկա
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում