Արմինֆո. Ամերիկայի հայ ազգային կոմիտեն (ANCA) Սպիտակ տան, Պետդեպարտամենտի և Կոնգրեսի ներկայացուցիչների հետ խորհրդատվությունների ընացքում քննարկել է օտարերկրյա օգնության ընդլայնմանը Հայոց ցեղասպանության ճանաճմանն առնչվող հարցեր, ինչպես նաև ադրբեջանական ագրեսիայի նկատմամբ վերահսկողության միջոցները:
ANCA հաղորդման համաձայն, հատուկ ուշադրություն է դարձվել կոմիտեի գերակայություններին 2018 ֆինանսական տարում օտարերկրյա օգնության վերաբերյալ օրինգածում` Արցախին օգնության ավելացման հեռանկներին` ականազերծման ապահովման նպատակով, Հայաստանում ԱՄՆ տնտեսական աջակցության պահպանմանը, ինչպես նաև Հայաստանին ԱՄՆ աջակցության ընդլայնմանը` որպես անվտանգության գոտի մերձավորարևելյան փախստականների համար:
Միևնույն ժամանակ, ANCA պատվիրակությունը, որը գլխավորել է կոմիտեի նախագահ Րաֆֆի Համբարյանը, պնդել է այնպիսի առանցքային դրույթներ, ինչպես` կրկնակի հարկումից խուսափելու շուրջ համաձայնագիրը և օդային բեռնափոխադրումները Լոս Անջելեսի ու Երևանի միջև: Անդրադարձ է եղել Վաշինգտոնում Թուրքիայի նախագահի թեկնապահների կողմից ցուցարարների նկատմամբ կիրառված բռնությանն առնչվող միաջադեպին: Նշվել է ԱՄՆ-Թուրքիա հարաբերությունների արմատական վերագնահատման անհրաժեշտությունը` հաշվի առնելով Հայոց ցեղասպանության ճանաչմանն առնչվող նրա քաղաքականությունը:
Հիշեցնենք, որ ԱՄՆ նախագահ Դոնալդ Թրամփի վարչակազմը Կոնգրեսի համար հրապարակել է 2018 ֆինանսական տարվա իր բյուջետային հանձնարարականները (FY18): Ինչպես ԱրմԻնֆո-ին հաղորդեցին Ամերիկայի հայկական համագումարի մամուլի ծառայությունից, ներկայացվող FY18 բյուջեն առաջարկում է, ընդհանուր առմամբ, 29%-ով, իսկ Եվրոպայի ու Եվրասիայի երկրների համար 60%-ով կրճատել տրամադրվող օգնությունը: Փաստաթղթի համաձայն, FY18-ում Հայաստանին տրամադրվող օգնությունը կրճատվել է 67%-ով` նախորդ ֆինանսական տարվա 20,4 միլիոնից դոլարից մինչև 6,8 մլն դոլար: Վրաստանի և Ուկրաինայի համար նախատեսվում է, համապատասխանաբար 58% և 70%-ով կրճատում: Ադրբեջանին օգնությունը կրճատվել է 90%-ով, և նախատեսվում է այդ երկրին տրամադրել, ընդհանուր առմամբ, 1 մլն դոլար: ԱՀՀ գործադիր տնօրեն Բրայան Արդունին հայտարարել է, որ Համագումարը կշարունակի առաջ մղել առանցքային առաջնահերթությունները ՝ ի շահ Հայաստանի ժողովրդի և հայ-ամերիկյան հարաբերությունների: «Քանի որ ներկայիս վարչակազմը կրճատում է արտասահմանյան օգնությունը բոլոր ուղղություններով, պետք է համոզվենք, որ Հայաստանը ռեսուրսներ ունի արտակարգ հումանիտար կարիքները բավարարելու համար, որոնք առաջացել են փախստականների հետ կապված ներկայիս իրավիճակի, Թուրքայի կողմից շրջափակման, ինչպես նաև Ադրբեջանի կողմից հրադադարի ռեժիմի պարբերաբար խախտումների պատճառով», - ամփոփել է Արդունին: Նշենք, որ 2017 թվականին ԱՄՆ Սենատի հատկացումների կոմիտեն Հայաստանին տրամադրել է 24,1 մլն դոլարի ֆինանսական օգնություն, Ադրբեջանին` 10,9 մլն դոլարի: Սենատը նաև հանձնարարել է 1 մլն դոլար տրամադրել որպես ռազմական օգնություն, ևս 600 հազար դոլար` ռազմական վարժանքների անցկացման համար: Ընդհանուր առմամբ, Հայաստանին հատկացված օգնությունը 3 մլն դոլարով ավելի էր, քան բյուջեից խնդրել էր ԱՄՆ նախագահ Բարաք Օբաման: 1998 թվականից ի վեր Արցախին հատկացվող օգնությունը մնացել է անփոփոխ: Հիշեցնենք, որ 2016 ֆինանսական տարում ԱՄՆ Սենատի հատկացումների կոմիտեն Հայաստանին տրամադրել էր 20.06 մլն դոլար օգնություն, ինչպես նաև 1.7 մլն դոլար` որպես ռազմական օգնություն, ևս 600 հազար դոլար` ռազմական մարզումներ անցկացնելու համար: Ադրբեջանի և Վրաստանի համար ԱՄՆ օրենսդիրներն առաջարկել են, համապատասխանաբար, 8.778 մլն դոլարի և 54 մլն դոլարի օգնություն:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը