ՎՏԲ-Հայաստան Բանկը ավտովարկերի տոկոսադրույքները նվազեցրել է մինչև 17%

Արմինֆո. ՎՏԲ-Հայաստան Բանկը հնարավորություն է ընձեռում ձեռք բերել ավտոմեքենաներ,  առաջարկելով ավելի մատչելի, նվազեցված տոկոսադրույքներով ավտովարկեր։

Ինչպես ԱրմԻՆֆո գործակալությանը տեղեկացվել է Բանկի մամուլի ծառայությունից, այսուհետ Բանկի հաճախորդները կկարողանան ձևակերպել ինչպես առաջնային, այնպես էլ երկրորդային շուկայից ավտոմեքենաների ձեռք բերման վարկեր՝ սկսած 14 %-ից։ Բանկը շուկայում տրամադրում է նաև աննախադեպ հնարավորություն՝ արդեն ներմուծված ավտոմեքենաների վարկավորում, որոնք Հայաստանի Հանրապետություն են ներկրվել ավտովարկի հայտի ներկայացումից առաջ 30 օրվա ընթացքում։

Աղբյուրի համաձայն, ավտովարկերը տրամադրվում են հետևյալ պայմաններով, մասնավորապես, նվազագույն տոկոսադրույքը կազմում է 14%, վարկի մարման ժամկետը՝ մինչև 5 տարի, վարկի գումարը տատանվում է 500 հազարից մինչև 24 մլն դրամի սահմաններում, իսկ կանխավճարն սկսվում է 20%-ից: Ավտոմեքենայի արտադրման առավելագույն ժամկետը պետք է կազմի 10 տարի։

Հայտ ներկայացնելու համար պահանջվում է փաստաթղթերի նվազագույն փաթեթ (անձը հաստատող փաստաթուղթ և սոցիալական քարտ (հանրային ծառայությունների համարանիշ), իսկ եկամտի մասին տեղեկանքը պահանջվում է միայն այն դեպքում, երբ հաճախորդն այն չի ստանում ՎՏԲ-Հայաստան Բանկի միջոցով։ Հայտով նախնական որոշումն ընդունվում է նվազաույն ժամկետներում, մասնավորապես, առաջնային շուկայի դեպքում՝ մինչև 5 ժամ, իսկ երկրորդային շուկայի դեպքում՝ մինչև 2 աշխատանքային օր։

Ավտոմեքենայի գնահատման համար անհրաժեշտ չէ օգտվել անկախ գնահատող ընկերության ծառայություններից։ Բանկն անվճար անցկացնում է ավտոմեքենայի գնահատումը։

Վարկի ողջ ընթացքում Բանկի կողմից իրականցվում է վարկառուի և ավտոմեքենայի ապահովագրություն։ Վարկ ստանալու համար կարող են դիմել 23 տարեկանը լրացած ՀՀ ռեզիդենտ-ֆիզիկական անձիք։

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշների, 2017 թվականի հունվարի 1-ի դրությամբ, ՎՏԲ-Հայաստան Բանկը մանրածախ վարկավորման 78.01 դրամ ծավալով գտնվում է լավագույն եռյակում: Բանկի վարկային  ընդհանուր պորտֆելում մանրածախ մասնաբաժինը կազմում է ավելի քան 47%: Իսկ մանրածախ վարկավորման ընդհանուր ծավալներում ՎՏԲ-Հայաստան Բանկի մասնաբաժինը կազմել է 11%: Սպառողական վարկերի գծով բանկը 2- րդ տեղում է, 62,7 մլրդ դրամ ծավալով, որը կազմում է վարկային պորտֆելի 38.4% -ը: Բանկերի սպառողական վարկավորման ընդհանուր ծավալներում ՎՏԲ-Հայաստան Բանկի մասնաբաժինը կազմել է մոտ 13%: Բանկի ավտովարկավորման ծավալը կազմել է 1,6 մլրդ կամ բանկի սպառողական վարկավորման 3% -ը: Ավտովարկավորման պորտֆելով բանկը գտնվում է երկրորդ տեղում:

Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի 67 մասնաճյուղ, իր ներկայությունն ապահովելով ոչ միայն մայրաքաղաքում, այլև մարզերում: