Հինգշաբթի, 6 Հուլիսի 2017 14:31

Արմինֆո. ՀՀ ֆինանսների նախարարությունը 2018 թվականի համար կանխատեսում է ՀՆԱ-ի 4.7% աճ, 2019-ին `5.4%, իսկ 2020-ին` 5.7%: ՀՀ կառավարության կողմից հուլիսի 6-ին հաստատվել է 2018-2020 թվականների միջնաժամկետ ծախսերի ծրագիրը, որը հանդիսանում է ընդհանուր բյուջետային գործընթացի անբաժանելի մասը և հիմք կծառայի 2018 թվականի պետբյուջեի մշակման համար: Ծրագրով պետական և հանրային սննդի մարմինների համար նախանշվում են հարկաբյուջետային քաղաքականության առաջնահերթությունները, ինչպես նաև պետական ծախսերի ռազմավարությունն առաջիկա երեք տարիներն: Փաստաթուղթը ներկայացրել է ֆինանսների նախարար Վարդան Արամյանը:

Ֆինանսների նախարար ևս մեկ անգամ հիշեցրել է, որ 2016-թվականը երկրի վրա արտաքին ցնցումների ազդեցության տարի էր, ինչի արդյունքում տարին ամփոփվեց  1.1% գնանկումով, ինչին Կենտրոնական բանկը, իր հերթին, արձագանքեց ռեպոների 2.5 տոկոսային կետով նվազեցմամբ: Հետագայում կառավարության քայլերն ուղղված կլինեն գնաճի պահպանմանը 4% (+/- 1.5%) մակարդակում, ինչպես նաև փոխարժեքի ռեժիմի ճկունույանը, ԿԲ կողմից իրականացվող նվազագույն միջամտություններով:

Ըստ Վարդան Արամյանի, ծրագրի ստեղծման ընթացքում հաշվի են առնվել 4 հիմնական սկզբունքներ: Առաջին հերթին, ՀՆԱ-ի նկատմամբ պետպարտքի կայունացումը և հետագա նվազեցումը, որը վերջին 3 տարիներին աճել է 13 տոկոսային կետով: Երկրորդ սկզբունքով կառավարությունը նպատակ ունի մեծացնել սեփական եկամուտները ծախսերի հսմեմատ: Երրորդ, կառավարությունը կձգտի մեծացնել կապիտալը ծախսերը դեֆիցիտի համեմատ: Այսպիսով, ինչպես հայտարարել է նախարարը, կառավարության արտաքին փոխառությունները կուղղվեն բացառապես կապիտալ ծախսերին, ամրապնդելով երկրի տնտեսական հիմքը: «Ինչպես ցույց է տալիս միջազգային պրակտիկան, պարտք վերցնելը վտանգավոր չէ, եթե փոխառու միջոցներն օգտագործվում են տնտեսական բազայի ամրապնդմանը, ինչը տանում է դեպի ՀՆԱ-ի հետագա աճին», - ասել է Արամյանը: Չորրորդ սկզբունքի շրջանակներում, հաշվի առնելով 2017-ին հարկային եկամուտների ագրեսիվ աճը, ֆինանսների նախարարությունն ակնկալում է հարկեր/ՀՆԱ հարաբերակցության միջինը`0,5 տոկոսային կետով աճ:

Անդրադառնալով նախագծի հիմքում ընկած մակրոտնտեսական հիմնական ցուցանիշներին, ֆինանսների նախարարը նշել է, որ ՀՆԱ-ի անվանական ծավալը 2018-ին կկազմի 5.785 մլրդ դրամ, 2019-ին `6.341 մլրդ.դրամ, իսկ 2020-ին `6,974 մլրդ.դրամ: ՀՆԱ-ի աճն առաջիկա 3 տարիներին կապահովվի ՀՆԱ-ի նկատմամբ կապիտալ ծախսերի ցուցանիշի ագրեսիվ ավելացման հաշվին, 2018-ին դրանք կաճեն մինչև ՀՆԱ-ի 3.8%-ը, 2019-ին`մինչև 4,8%, իսկ 2020-ին `5.5%: Բյուջեի դեֆիցիտն աստիճանաբար կնվազի և 2018 թվականին կնվազի մինչև ՀՆԱ-ի 2,7%-ը, 2019-ին `մինչև 2.4% -ը, իսկ 2020-ին`մինչև 2.1%:

«Ծրագրով բավականին ամբիցիոզ սեփական եկամուտների մուտքերի աճ և շատ կոշտ հաստատուն ծախսերի կառավարում ենք նախատեսում: Նախատեսում ենք՝ տնտեսված միջոցներն ուղղել դեպի տնտեսական աճ: Բավականին դժվար իրագործելի հայտանիշեր ենք դնում՝ հարկ-ՀՆԱ հարաբերակցության, արտաքին պարտքի կայունության, դեֆիցիտի վերաբերյալ: Բոլորիցս պահանջվելու է մաքսիմալ համակարգված աշխատանք»,-նշել է վարչապետը:

Ըստ վիճակագրական տվյալների, 2017-ի հունվար-մայիսին տնտեսական ակտիվության աճտ կազմել է 6.4%, հիմնականում արդյունաբերության, ծառայությունների և առևտրի ոլորտների հաշվին: ՀՀ արտաքին առևտրի շրջանառությունն աճել է 23.1%: Նույն  ժամանակահատվածում արտահանումն աճել է 20,9%, իսկ ներմուծումը`24,4%: Հայաստանի պետական ​​պարտքը 2017-ի հունիսին կազմել է $ 6,1 մլրդ, որից արտաքին պարտքը կազմել է $ 4,9 մլրդ, իսկ ներքին պարտքը`$ 1,2 մլրդ: Հայաստանի պետական ​​պարտքը տարեկան կտրավքծով աճել է 15.1%, այդ թվում, արտաքին պարտքը`11.4%, իսկ ներքին պարտքը`50%:

Նշենք, որ ՀԲ-ն ակնկալում է Հայաստանի ՀՆԱ-ի աճը 2017 –ին`2,7%, 2018-ին ` 3,1%, իսկ 2019-ին `3.4%: Ըստ ԱՄՀ կանխատեսման, ՀՆԱ-ի աճը Հայաստանում 2017-ին կկազմի 2.9%, ԵԶԲ կանխատեսմամբ`2.9% և Ասիական զարգացման բանկ`2.2%: ՀՀ Պետական ​​բյուջեով 2017-ի ՀՆԱ-ի աճը կկազմի 3,2%, բայց կառավարությունը հնչեցնում է 5% աճի ցուցանիշը: Ըստ ՀՀ ԿԲ նորացված կանխատեսման, Հայաստանի ՀՆԱ-ի աճը 2017-ին կկազմի 3,2-4,4%: Ըստ Fitch Ratings-ի`3.4% -ով, իսկ 2018-ին 3,6%: