Փորձագետ. Արտահանման մասնաբաժինը Հայաստանի ՀՆԱ-ում 5 տարում կարելի է հասցնել 45%-ի, եթե ամեն տարի ծավալներն ավելացնել 700-800 մլն.դոլարով

Արմինֆո. Արտահանման մասնաբաժինը Հայաստանի ՀՆԱ-ում 5 տարում կարելի է հասցնել 40-45%-ի, եթե ամեն տարի ծավալներն ավելացնել 700-800 մլն.դոլարով: Այս մասին հուլիսի 7-ին կայացած մամուլի ասուլիսում հայտարարել է Հայրենական ապրանք արտադրողների միության նախագահ Վազգեն Սաֆարյանը, մեկնաբանելով նմախագահի մայիսյան հայտարարությունը երկրի խորհրդարանում, կապված կառավարության ծրագրի հետ:

Նա նշել է, որ 2016-ի արդյունքներով Հայաստանի արտաքին առևտրի ծավալը գերազանցել է 5 մլրդ.դոլարը, որից 1,7 մլրդ.դոլար կազմել են արտահանման և 3,2 մլրդ.դոլար` ներմուծման ծավալները: Միևնույն ժամանակ, նա նշել է, Հայաստանի արտահանման մոտ 40% -ը բաժին է ընկնում հանքարդյունաբերության ոլորտին, մյուսը 40%-ը`սննդի և ըմպելիքների արդյունաբերությանը, որոնց հիմնական մասը գնում է ռուսական շուկա:

Խոսելով արտահանման հեռանկարների մասին 2017 թվականին, փորձագետը նշել է. «Այո, անցյալ տարի մենք կարողացանք Ռուսաստան արտահանել ավելի քան 130 հազար տոննա գյուղատնտեսական արտադրանք, արտահանման ծավալներն այդ հատվածում ավելացնելով մոտ 53%: Դա, անկասկած, դրական միտում է: Բայց այստեղ հիմնական դերը խաղաց սեզոնային գործոնը, ինչի շնորհիվ տարին բերքատու էր: Իսկ եթե հաշվի առնենք նաև Ռուսաստանի տնտեսության ոչ այնքան կայուն զարգացումը և պղնձի գների տատանումը միջազգային շուկաներում, մենք մեծ պրոբլեմ ենք տեսնում ցուցանիշների կատարման առումով, ինչի մասին ավելի վաղ հայտարարել էր երկրի նախագահը», - բացատրեց նա:

Առավել խոստումնալից հնարավորությունների շարքում Վազգեն Սաֆարյանը նշել է Իրանի հետ համագործակցությունն ու հարաբերությունները խորացումը, քանի որ նրանք նույնպես ցանկություն ունեն ինտեգրվել ԵԱՏՄ-ին: «2016-ին Իրանի ՀՆԱ-ն մեծացել է 1%, մինչև 377 մլրդ.դոլար, ընդ որում, մեկ շնչի հաշվով ՀՆԱ-ն կազմում է 4.6 հազար դոլար, իսկ Հայաստանում այս ցուցանիշը կազմում է 3,5 հազար դոլար: Կարող ենք ասել, որ Հայաստանի և Իրանի սոցիալական իրավիճակները գրեթե նույն են», - ասել է նա: Այս առումով փորձագետն ընդգծել է, որ Հայաստանը պետք է լուրջ աշխատանք կատարի, ուղղված տնտեսական հարաբերությունների զարգացմանն Իրանի հետ, մասնավորապես, համատեղ ձեռնարկությունների ստեղծում Մեղրի ազատ առևտրի գոտում, դեպի Եվրասիական շուկա արտահանումներ իրականացնելու նպատակով:

Ըստ ՀՀ Ազգային վիճակագրական ծառայության տվյալներ, Հայաստանի ՀՆԱ-ն 2016 թ. աճել է 0.2%, մինչև 5.068 տրլն դրամ: Արտաքին առևտրաշրջանառության ծավալն աճել է 7,4%, մինչև $ 5.1 մլրդ, այդ թվում, արտահանման ծավալն աճել է 20%, մինչև $ 1,8 մլրդ, իսկ ներմուծման ծավալը`1,6%, մինչև $ 3,3 մլրդ: Հայստանի արտաքին առևտրի գործընկերների շարքում առաջատարը Ռուսաստանն է, ապահովելով փոխադարձ առևտրի $ 1.4 մլրդ ծավալ, տարեկան աճը`15,1%: Իրանի հետ երկկողմ ապրանքաշրջանառությունը կազմել է $ 238,8 մլն, տարեկան անկումը`14.7%, այդ թվում`արտահանման անկումը կազմել է 8.4%, իսկ ներմուծման անկումը`17.3%: