Հինգշաբթի, 27 Հուլիսի 2017 10:52

Արմինֆո. Ռուսական միջուկային  վառելիքն իր որակով և  հուսալիությամբ աշխարհում մրցակից չունի: Այդպիսի կարծիքի է «Հայատոմ» ԳՀԻ գլխավոր տնօրեն, «Հայկական ատոմային էլեկտրակայան» ՓԲԸ տնօրենների խորհրդի նախագահ, պրոֆեսոր Վահրամ Պետրոսյանը:

ԱրմԻնֆո-ի թղթակցի հետ զրույցում պրոֆեսորն ընդգծել է, որ «Էլեկտրոստալ»  գործարանում արտադրվող միջուկային  վառելիքը որոշ մոդիֆիկացիաներով կարող է կիրառվել, գործնականում, աշխարհի բոլոր ատոմակայաններում: «Դա եզակի գործարան է, որտեղ այսօր արտադրվող բարձրագույն որակի միջուկային վառելիքն  աշխարհում մրցակից չունի», - նշել է պրոֆեսորը: Նա նշել է, որ Հայաստանի ԱԷԿ-ը երբեք չի բախվում խնդիրների, որոնք առնչվեն «Ռոսատոմի» կառուցվածքում ներառված «ՏՎԷԼ» ընկերության մատակարարած վառելիքին: Պրոֆեսորի հավաստմամբ, ԱԷԿ համար վառելիքի մատակարարումները միշտ իրակնացվել են ժամանակին և բարձր որակով:

Նա հավեկլել է, որ օգտագործված միջուկային վառելիքը պահեստավորվում է համապատասխան պահեստարանում: Այդ նպատակով Հայաստանի պետական բյուջեի միջոցներով շահագործման է հանձնվել պահեստարանի երեք մոդուլ, որտեղ մինչև 2026 թիվը կարելի է օգտագործված միջուկային վառելիք պահել: Այդ ժամկետից հետո կայանում կկառուցվի չորրորդ մոդուլը:

Հայաստանի կառավարությանն առընթեր միջուկային անվտանգության կարգավորման պետական կոմիտեն 2000 թվականի օգոստոսի 1-ին ՀԱԷԿ-ին 20 տարի ժամկետով շահագործման լիցենիզա է տվել: NUHOMS-56  տեսակի պահեստարանը բաղկացած է 616 ջերմամեկուսացնող կոնտեյներներով 11 հորիզոնական մոդուլներից: 2005 թվականին Հայաստանի խորհրդարանը որոշում էր կայացրել պահեստարանի ընդլայնման մասին, ինչը հնարավորություն կընձեռի առնվազն 50 տարով պահեստավորել մինչև 1890 կոնտեյներ:

«ՏՎԷԼ» ԲԸ ստեղծվել է 1996 թվականի սեպտեմբերի 12-ին` «Ռոսատոմ» պետական կորպորացիայի կազմում: «ՏՎԷԼ»-ը ռուսական ԱԷԿ-ների համար միջուկային վառելիքի միակ մատակարարն է: «ՏՎԷԼ»-ը միջուկային վառելիքով ապահովում է աշխարհի 14 երկրների 57 էներգետիկ ռեակտորներ, հետազոտական ռեակտորներ, ինչպես նաև ռուսական ատոմային նավատորմի տրանսպորտային ռեակտորները: Աշխարհի յուրաքանչյուր վեցեորդ էներգետիկ ռեակտոր աշխատում է ՏՎԷԼ-ում արտադրված վառելիքով: 2013 թվականի սեպտեմբերի 3-ին Հայաստանի իր պաշտոնակից Սերժ Սարգսյանի հետ բանակցություններից հետո  ՌԴ նախագահ Վլադիմիր Պուտինը հայտարարել էր, որ «Ռոսատոմը» և հայ փորձագետները պայմանավորվել են աշխատել ՀԱԷԿ գործող էներգաբլոկի շահագործման ժամկետը մինչև 2016 թիվը երկարաձգելու նախագծի վրա: Այդ նպատակով Ռուսաստանի Դաշնությունը 270 մլն դոլարի արտահանման վարկ և 30 մլն դոլարի դրամաշնորհ է  տրամադրել Հայաստանին: