Հինգշաբթի, 27 Հուլիսի 2017 10:55
Էմմանուիլ Մկրտչյան

«Պոլիմետալ» ընկերությունը 2017 թվականի առաջին կիսամյակում Կապանի լեռնահարստացման կոմբինատում վերամշակել է 246 հազար տոննա հանքաքար

«Պոլիմետալ» ընկերությունը 2017 թվականի առաջին կիսամյակում Կապանի լեռնահարստացման կոմբինատում վերամշակել է 246 հազար տոննա հանքաքար

Արմինֆո. Կապանի լեռնահարստացման կոմբինատը, որը մտնում է Polymetal International plc ընկերությունների խմբի մեջ, 2017 թվականի առաջին կիսամյակում վերամշակել է 246 հազար տոնա հանքաքար: Միայն երկրորդ եռամսյակում վերամշակման ծավալները կազմել են 132 հազար տոնա` նախորդ տարվա նույն ժամանակահատվածի 64 հազար տոնայի դիմաց: Այդ մասին ասվում է ընթացիկ տարվա երկրորդ եռամսյակի արտադրական արդյունքների վերաբերյալ ընկերության հրապարակած հաշվետվությունում:

Հաշվետվության համաձայն, ոսկու պարունակությունը մեկ տոննա հանքաքարում կազմել է 2.6 գրամ, ինչը 17%-ով բարձր է 2016 թվականի երկրորդ եռամսյակի արդյունքների համեմատ, արծաթի պարունակություն կազմել է 45 գրամ (+ 6%), պղնձինը` 0.32% (+ 18%), իսկ ցինկինը` 1.31% (-13%): Ընդ որում, ոսկու կորզման գործակիցը կազմել է 86.3% (+ 3%), արծաթինը` 84.9% (+ 1%), պղնձինը` 91,6% (-1%) եւ ցինկինը` 90.8% (0%): Արդյունքում` երկրորդ կիսամյակում ոսկու արտադրության ծավալը կազմել է 8.6 հազար ունցիա (առաջին վեց ամիսներին` 14.4 հազար ունցիա), արծաթինը` 0.1 միլիոն ունցիա (0.2 մլն տ), պղնձինը ` 0.3 հազար տոննա (0.6 հազար տ) եւ ցինկինը` 1.2 հազար տոնա (2,3 հազար տ): Կորզվող գրեթե բոլոր մետաղների գծով ընկերությունը երկրորդ կիսամյակում ցուցադրել է արտադրության ծավալների ավելի քան երկնիշ աճ. ոսկունը` 153%,  արծաթինը` 128%, պղնձինը` 145% եւ ցինկինը` 73%:

Ընկերության կողմից շահագործվող հանքավայրում առաջին կիսամյակում լեռնանցման աշխատանքները (ստորգետնյա անցում) կազմել են 7,723 մետր: Առաջին կիսամյակում, ընդհանուր առմամբ, արդյունահանվել է 250 հազար տոնա մետաղի հանքաքար: Միայն երկրորդ եռամսյակում արդյունահանման ծավալները կազմել են 135 հազար տոնա, ինչը գրեթե երկու անգամ գերազանցում է 2016 թվականի նույն ժամանակահատվածի ցուցանիշները:

«Պոլիմետալը» գերազանց արտադրական արդյունքներ է ցուցադրել 2017 թվականի երկրորդ եռամսյակում եւ  հաստատւոմ է 2017 թվականի արտադրական ծրագիրը: Մենք նաև ուրախ ենք, որ մեր վերջին ձեռքբերումները` Կոմարովսկը եւ Կապանը, ցույց են տալիս տպավորիչ արդյունքներ», - հայտարարել «Պոլիմետալ» խմբի գլխավոր գործադիր տնօրեն Վիտալի Նեսիսը:

Ինչպես նշվում է հաղորդագրությունում, Կապանը շարունակում է ցուցադրել, գործնականում, բոլոր ցուցանիշների  բարելավում, ներառյալ արդյունահանման ծավալների զգալի ավելացումը, ինչը պայմանավորված է ստորգետնյա հանքի արտադրողունակության բարձրացմանն ուղղված միջոցների ներդրմամբ: Եռամսյակի ընթացքում ոսկու արտադրությունն ավելացել է 153% -ով 2016 թվականի երկրորդ եռամսյակի համեմատ` վերամշակման ծավալների աճի և պարունակությունների զգալի բարելավման հաշվին:

Նաև հաղորդվում է, որ JORC օրենսգրքին համապաատխսան պաշարների գնահատումը եւ Կապանի ու Լիճքվազի շահագործման համակցված ծրագիրը պատրաստ կլինեն 2017 թվականի երրորդ եռամսյակում` ինչպես և նախատեսվում էր:

Ընդհանուր առմամբ, «Պոլիմետալ» ընկերությունների խումբը 2017 թվականի առաջին կիսամյակում արտադրել է 558 հազար ունցիային համարժեք ոսկի, ինչը 7% ավելի է նախորդ տարվա համեմատ եւ համապատասխանում է 2017 թվի արտադրության ծրագրին: Երկրորդ եռամսյակում  ոսկու եւ արծաթի վաճառքի ծավալը ավելացել է 29%-ով եւ 19%-ով` համապատասխանաբար, ընդ որում, հասույթը կազմել է 385 մլն դոլար, 2016 թվականի համեմատ ավելանալով 26% -ով: Արտադրության և վաճառքի միջև ժամանակային խզումը կրճատվել է առաջին կիսամյակի համեմատ:

Զուտ պարտքն աննշան աճել է  2017 թվականի մարտի 31-ի 1.506 մլն դոլարից մինչև 1,583 մլն դոլար` հունիսի 30-ի դրությամբ, ընդ որում ընկերությունը վճարել է 2016 ֆինանսական տարվա վերջնական շահաբաժինները` 77 մլն դոլար (0.18 դոլար մեկ բաժնետոմսի դիմաց) և ակտիվորեն միջոցներ է ներդրել Կըզըլ նախագծի շինարարությունում:

«Պոլիմետալը» հաստատում է 2017 թվականի 1.4 մլն ունցիայի արտադրական ծրագիրը, ինչպես նաև 600-650 դոլար/ունցիա ոսկու համարժեք դրամական ծախսերի մասով և 775-825 դոլար/ունցիա ոսկու համարժեք միագումար ծախսերի մասով կանխատեսումները: Փաստացի ծախսերի ծավալը կախված կլինի ռուբլի/ԱՄՆ դոլար փոխարժեքի դինամիկայից, որն էական ազդեցություն է գործում ռուբլով գործառնական ծախսերի վրա: «Պոլիմետալը» 2017 թվականի օգոստոսի 29-ին կհրապարակի առաջին կիսամյակի ֆինանսական արդյունքները:

Հիշեցնենք, որ «Պոլիմետալ» ընկերությունը Հայաստանում իր գործունեությունն սկսել է 2015 թվականին` Սյունիքի մարզի հարավում Լիճքվազ-Թեյի բազմամետաղային հանքավայրի ձեռք բերմամբ: Ընկերությունը հանքաքարը վերամշակում է Կապանի լեռնահարստացման կոմբինատում, որը ձեռք է բերել 2016 թվականի ապրիլին:

«Պոլիմետալն» աշխարհի խոշորագույն առաջնային արծաթ արտադրողներից մեկն է, ներառված է Ռուսսատանում ոսկի արդյունահանող ընկերությունների առաջատար եռյակում: Թանկարժեք մետաղների արդյունահանում և երկրաբանահետախուզական աշխատանքներ է իրականացնում Ռուսաստանում, Ղազախստանում և Հայաստանում: «Պոլիմետալ ԻՆԹ» ինքնուրույն է իրականացնում հանքավայրերի յուրացման աշխատանքների ողջ համալիրը`  երկրաբանական հետախուզումից մինչև շահագործում: Ռազմավարության գլխավոր տարրը վերամշակման կենտրոնների ստեղծումն է, որոնք թույլ են տալիս առավելագույն արդյունավետությամբ և պատասխանատվությամբ օգտագործել ֆինանսական և մարդկային ռեսուրսները, նպաստում են ներդրված կապիտալի բարձր եկամտաբերության ապահովմանը: 2011 թվականի նոյեմբերին «Պոլիմետալ ԻՆԹ» ռուսական ընկերություններից առաջինը մրցանակային լիսթինգ  ստացավ Լոնդոնի ֆոնդային բորսայում (թիկեր POLY):

Հավելենք, որ «Պոլիմետալի» բաժնետիրական կապիտալի շուրջ 27% -ի վերջնական շահառուն (LSE, Մոսկվայի բորսայի: POLY, ADR `AUCOY) Ալեքսանդր Նեսիսի «ԻՍՏ» խումբն է, ընկերության 13%-ը պատկանում է Պյոտր Կելների չեխական PPF Group NV-ին: Բացի այդ, կանոնադրական կապիտալի շուրջ 1%-ը վերահսկում է ընկերության տնօրենի մենեջմենթը, 19%-ը` մասնավոր անձինք, և 40%-ը`  անհատ ներդրողներ:


Նորություններ


Արտ. փոխարժեքները
23.10.2020
RUB6.470.05
USD494.010.30
EUR585.250.48
GBP646.41-0.59
CAD376.760.89
JPY47.210.02
CNY74.06-0.21
CHF546.291.36



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000