Հինգշաբթի, 27 Հուլիսի 2017 11:01
Ալինա Հովհաննիսյան

Ամերիաբանկի պարտատոմսերի երկրորդ դրամային տրանշը ցուցակվել է ՆԱՍԴԱՔ ՕԷՄԷՔՍ Արմենիա Ֆոնդային բորսայում 

Ամերիաբանկի պարտատոմսերի երկրորդ դրամային տրանշը ցուցակվել է ՆԱՍԴԱՔ ՕԷՄԷՔՍ Արմենիա Ֆոնդային բորսայում 

Արմինֆո. 2017թ.-ի հուլիսի 26-ին «ԱՄԵՐԻԱԲԱՆԿ» ՓԲԸ-ի ՀՀ դրամով արտահայտված անվանական արժեկտրոնային պարտատոմսերը ցուցակվել և ընդգրկվել են ՆԱՍԴԱՔ ՕԷՄԷՔՍ Արմենիայի պարտատոմսերի հիմնական (Abond) ցուցակում, ինչպես նաև ցուցակման պահից թույլատրվել են նշված պարտատոմսերով հասցեական առևտուրը և ռեպո գործարքների կնքումը:

Ինչպես ԱրմԻՆֆո գործակալությանը տեղեկացվել է Բորսայի մամուլի ծառայությունից, ընկերության պարտատոմսերի այս թողարկումը ներառում է 15,000 հատ անվանական, արժեկտրոնային պարտատոմս` 100,000 ՀՀ դրամ անվանական արժեքով, արժեկտրոնի 9% տոկոսադրույքով և 12 ամիս շրջանառության ժամկետով: Պարտատոմսերը (ISIN - AMAMRBB17ER1) բորսայում կշրջանառվեն AMRBB7 բորսայական հապավմամբ:

Հիշեցնենք, որ Բանկի նշված պարտատոմսերը տեղաբաշխվել էին ՆԱՍԴԱՔ ՕԷՄԷՔՍ Արմենիայում ս.թ. հուլիսի 13-ին, որի ընթացքում ընկերությունը ներգրավել էր 1,500,187,400 ՀՀ դրամ: Տեղաբաշխված պարտատոմսերի կտրման գինը կազմել է 100,000 ՀՀ դրամ, կտրման եկամտաբերությունը` 9%, իսկ միջին կշռված եկամտաբերությունը՝ 8.9867%:

Ըստ ՆԱՍԴԱՔ ՕԷՄԷՔՍ Արմենիա-ի տվյալների, հուլիսի 26-ի դրությամբ բորսայում շրջանառվում են Ամերիաբանկի պարտատոմսերի 5 թողարկումները`երկու դրամային - 2,5 մլրդ դրամ ծավալով և երեք դոլարային - 35 մլն դոլար ծավալով: Առաջին թողարկումը եղել է դոլարային` 15 մլն.դոլար ծավալով, թողարկված 2016-ի մարտի 25-ին, ընդգրկվելով ցուցակման թերթիկում 2016-ի հուլիսի-ին: Երկրորդ թողարկումը`դրամով, 1 մլրդ դրամ ծավալով, թողարկվել է 2016-ի նոյեմբերի 1-ին և ցուցակվել 2017 թվականի հունվարին: Երրորդ թողարկումը`դոլարային - 5 մլն.դոլար ծավալով, 2016-ի նոյեմբերի 21-ին, ցուցակվել է 2017-ի փետրվարի 8-ին: Չորրորդ թողարկումը եղել է դոլարային, 15 մլն.դոլար ծավալով, թողարկվել է 2017-ի փետրվարի 1-ին և ցուցակվել ապրիլի 20-ին: Այնուհետև, 2017-ի հուլիսի 13-ին տեղի է ունեցել հինգերորդ տրանշը, ՀՀ դրամով և 1,5 մլրդ դրամ ծավալով, որը ցուցակվել է հուլիսի 26-ին: Դոլարային բոլոր երեք թողարկումների շրջանառության ժամկետը կազմում է 27 ամիս, իսկ ՀՀ դրամով թողարկումները`առաջինը -  երկու տարով, իսկ երկրորդը – մեկ տարով: Արժեկտրոնների վճարումները նախատեսված են եռամսյակային կտրվածքով, բացառությամբ դրամային մեկ տարով թողարկման – կիսամյակի կտրվածքով: Դոլարով պարտատոմսերի արժեկտրոնի եկամտաբերությունը մեկնարկից հետո 6.75%-ից իջել է մինչև 5,6%, իսկ ՀՀ դրամով պարտատոմսերինը`10.75%-ից մինչև 9%:

Նշենք, որ հուլիսի 27-ի դրությամբ ՆԱՍԴԱՔ ՕԷՄԷՔՍ Արմենիա բորսայում շրջանառվում են 9 թողարկողների դրամային պարտատոմսերի 13 թողարկումները, որից 6-ի թողարկողները բանկեր են:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
26.03.2020
RUB6.35-0.05
USD497.241.31
EUR544.336.59
GBP592.36-1.02
CAD351.265.42
JPY45.200.69
CNY70.340.24
CHF511.775.00



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000