Հինգշաբթի, 27 Հուլիսի 2017 11:02
Ալինա Հովհաննիսյան

Ինեկոբանկը զուտ շահույթն առաջին կիսամյակում տարեկան կտրվածքով ավելացրել է 81.3%, մինչև 3.6 մլրդ.դրամ

Ինեկոբանկը զուտ շահույթն առաջին կիսամյակում տարեկան կտրվածքով ավելացրել է 81.3%, մինչև 3.6 մլրդ.դրամ

Արմինֆո. Այսօր Ինեկոբանկ ՓԲԸ-ն ներկայացրել է 2017 թվականի 1-ին կիսամյակի իր ֆինանսական արդյունքները (ՖՀՄՍ-ների հիման վրա պատրաստված, աուդիտորի կողմից չստուգված)՝ հայտարարելով 3.6 մլրդ ՀՀ դրամ շահույթ (նախորդ տարվա նույն ժամանակաշրջանի նկատմամբ գրանցելով 81.3% աճ) և 15.8% ROE-ի ցուցանիշ։ Բանկը գերազանց արդյունքներ է ապահովել՝ հաջողությամբ պահպանելով առաջատարի իր դիրքը շուկայում և՛ զուտ շահույթով,  և՛ ROE-ի ցուցանիշով։ 

Ինչպես ԱրմԻՆֆո գործակալությանը տեղեկացվել է Բանկի մամուլի ծառայությունից, ակտիվների ծավալը հասել է 240 մլրդ ՀՀ դրամ՝ տարեսկզբի նկատմամբ գրանցելով 1.6% աճ, իսկ համախառն վարկային պորտֆելը գրանցել է 2.9% աճ՝ կազմելով 171 մլրդ ՀՀ դրամ։ Մասնավորապես, մանրածախ վարկերի պորտֆելն աճել է 6.1%-ով՝ կազմելով 63 մլրդ ՀՀ դրամ, իսկ կորպորատիվ վարկերի պորտֆելը պահպանել է տարեսկզբի մակարդակը՝ կազմելով 108 մլրդ ՀՀ դրամ։ Իրացվելիության ցուցանիշը (իրացվելի ակտիվների և ընդհանուր ակտիվների հարաբերակցություն) առ հունիսի 30-ը կազմել է 26.6%՝ նվազելով տարեսկզբի 27.2%-ից։

Պարտավորությունների ծավալը կազմել է 194 մլրդ ՀՀ դրամ՝ տարեսկզբի նկատմամբ գրանցելով 0.7% աճ։ Բանկն ունի պարտավորությունների բավականաչափ դիվերսիֆիկացված կառուցվածք, որի 55.7%-ը կազմում են հաճախորդներից ներգրավված միջոցները, իսկ 27.6%-ը միջազգային ֆինանսական կառույցներից ներգրավումներն են։ Հաճախորդներից ներգրավվումների ծավալը հունիսի 30-ի դրությամբ 108 մլրդ ՀՀ դրամ է, որի 77.6%-ը անհատների խնայողություններն են, իսկ 22.4%-ը՝ կորպորատիվ և ինստիտուցիոնալ սեգմենտների հաճախորդներինը։

Ակտիվների որակը բարելավվում է՝ հասնելով 2014-2015թթ․մակարդակին։ NPL ցուցանիշը (չաշխատող վարկերի տեսակարար կշիռը ընդհանուր վարկային պորտֆելում) 2017թ.-ի առաջին կիսամյակի վերջում 6.0% է կազմել՝ նախորդ տարվա նույն ժամանակահատվածի հետ համեմատած բարելավվելով 0.2 տոկոսային կետով։ NPL-ի ծածկման գործակիցը կազմել է 60.4%։

Սեփական կապիտալը 2017 թվականի հունիսի 30-ի դրությամբ կազմել է 46 մլրդ ՀՀ դրամ՝ տարեսկզբի նկատմամբ աճելով 5.6%-ով։ ՀՀ ԿԲ նորմատիվներով սահմանված կապիտալի համարժեքության գործակիցը կազմել է 15.4%։ Բոլոր հայաստանյան բանկերից պահանջվում է պահպանել սահմանված նորմատիվային կապիտալի նվազագույն 30 մլրդ ՀՀ դրամ մակարդակը և կապիտալի համարժեքության նվազագույն 12% ցուցանիշը։ Առ 2017թ. հունիսի 30-ը Ինեկոբանկը համապատասխանում է բոլոր սահմանված նորմատիվային ցուցանիշներին։

Զուտ տոկոսային եկամուտը 2017թ.-ի առաջին կիսամյակում նախորդ տարվա նույն ժամանակաշրջանի համեմատ աճել է 12.7%-ով՝ կազմելով 7.5 մլրդ ՀՀ դրամ։ Ընդհանուր գործառնական եկամտի ծավալը հասել է 9 մլրդ ՀՀ դրամի՝ աճելով 10.4%-ով։ Ծախսերի կրճատմանն ուղղված բանկի ջանքերը հանգեցրել են ծախս/եկամուտ (Cost/Income) ցուցանիշի 9.5 տոկոսային կետով բարելավման. տարեսկզբի 39.8%-ից 2017թ. 1-ին կիսամյակի վերջում այն նվազել է 30.4%-ի։ Ընդհանուր գործառնական ծախսերը կազմել են 2.8 մլրդ ՀՀ դրամ՝ նախորդ տարվա նույն ժամանակաշրջանի նկատմամբ նվազելով 16.1%-ով։

Արեժզրկումից կորուստները բարելավվել են 11.8%-ով՝ 2017 թվականի 1-ին կիսամյակում կազմելով 2.1 մլրդ ՀՀ դրամ։ Վարկային ռիսկի ցուցանիշը կազմել է 2.5%՝ 2016թ. 1-ին կիսամյակի համեմատ բարելավվելով 0.5 տոկոսային կետով։

2017 թվականի 1-ին կիսամյակի զուտ շահույթը 3.6 մլրդ ՀՀ դրամ է՝ նախորդ տարվա նույն ժամանակաշրջանի համեմատ աճելով 81.3%-ով։

Նշենք, որ «Ինեկոբանկը» հիմնադրվել է 1996 թվականին և համարվում է Հայաստանի ֆինանսական շուկայի ամենաարագ աճող բանկերից մեկը: 2015 թվականի դեկտեմբերին Ինեկոբանկին միացավ ՊրոԿրեդիտ Բանկը: 2015 թվականի դեկտեմբերի 16-ին ՎԶԵԲ-ը գրանցվեց որպես ԻՆԵԿՈԲԱՆԿԻ բաժնետեր: Արդյունքում, ներկայումս Բանկի բաժնետոմսերը տեղաբաշխված են հետևյալ կերպ: Ավետիս Բալոյան և Կարեն Սաֆարյան – մոտ 51%, ՎԶԵԲ - 22.7%, մնացած ներդրողներ`DEG և IFC - 9,6% և 7,1%: (ՀՀ դրամի միջին փոխարժեքը 2017 թվականի հունիսի 30-ին կազմել է 480.47 դրամ / $ 1):

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
27.05.2020
RUB6.830.02
USD483.910.09
EUR533.663.25
GBP597.531.90
CAD352.474.05
JPY44.950.01
CNY68.070.21
CHF499.34-0.37



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000