Արմինֆո. 2017 թվականի սեպտեմբերի 1-ից Հայաստանում ուժի մեջ կմտնի պետծառայողներին սոցփաթեթի շրջանակներում տրամադրվող բժշկական ծառայությունների նոր կարգը: Համապատասխան փոփոխությունների օրինագիծը, հաստավել է ՀՀ կառավարության հուլիսի 27-ի նիստում: «Այս օրինագիծը կարելի է դիտարկել որպես փորձնական, հետագայում Հայաստանում պարտադիր բժշկական ապահովագրության համակարգի ներդրման համար»,-հայտարարել է ՀՀ առողջապահության նախարար Լևան Ալթունյանը, պատասխանելով ԱրմԻՆֆո գործակալության հարցին:
Ըստ նախարարի, ծրագրի շահառուները սեպտեմբերի 1-ից կարող են դիմել իրենց ապահովագրողին, ներկայացնելով անձնագիր կամ ID-քարտ: «Ոչ մի ուրիշ փաստաթուղթ և տեղեկանք չի պահանջվի: Այնուհետև ուժի մեջ կմտնեն փոխհարաբերություններն ապահովագրական ընկերությունների և բուժհաստատությունների միջև»,-պարզաբանել է նա:
Բացի այդ, ծրագրի շրջանակներում օրինագծով նախատեսում է բժշկական ծառայությունների հետվճարային համակարգ: Հաշվարկները բժշկական հաստատությունների հետ իրականացվում են ֆինանսական տարվա սկզբին: գործող կարգի հիմնական թերությունն այն է, ըստ նախարարի, որ բուժհաստատությունները, որոնք հիվանդների համար ցանկալի են, մինչև օրացուցային տարվա վերջն արդեն ծախսում են իրենց հատկացված սահմանաչափը: «Այսուհետ գումարը կպահպանվի ապահովագրական ընկերության պահուստային ֆոնդում և կլինիկայի հաշվին կփոխանցվեն ծրագրի շահառուի զանգից հետո», - բացատրել է Ալթունյանը, նշելով, որ պետական ծառայողները սոցիալական փաթեթի կարող են իրենք ընտրել բժշկական հաստատությունը:
Շահառուների թիվն այս փուլում, նշել է նախարարը, կազմում է 80-ից մինչև 100 հազար մարդ: Փորձնական ծրագրի հաջող իրականացման դեպքում, 6 ամիսը լրանալուց հետո, առողջապահության նախարարությունը կառաջարկի որոշման նախագիծը, որի համաձայն ծրագրում կներգրավվեն ևս 612 հազար սոցիալապես խոցելի քաղաքացիներ: Իսկ դրանից մեկ տարի անց, դրական արդյունքների ստացումից հետո, երկրում կմեկնարկի պարտադիր բժշկական ապահովագրության ներդրման գործընթացը:
Ըստ նախարարի, պարտադիր սոցիալական առողջապահական ապահովագրության համակարգի ներդրման հարցում առողջապահության նախարարությունը տրամադրված է վճռականորեն և հուսով է, որ կառավարությունը չի կրճատի առողջապահական սուբսիդիաները: Եթե, այնուամենայնիվ, կառավարությունը որոշի նվազեցնել առողջապահական ծախսերը, ինչպես նախատեսված է 2018-2022 թվականների միջնաժամկետ ծախսերի ծրագրով, առողջապահության նախարարությունը, որը նախկինում նախաձեռնել էր ոլորտի արդյունավետության բարձրացման ծրագրի մշակումը`հիմնականում բժշկական ծախսերի կրճատման միջոցով, հուսով է տնտեսված միջոցների հաշվին կրճատել բյուջեն, չնվազեցնելով մատուցվող ծառայությունների որակը, միաժամանակ պահպանելով ծրագիրը 612 հազար անապահով քաղաքացիների համար: Դրա համար անհրաժեշտ 14 մլրդ դրամ գումարը (մեկ անձի համար տարեկան 25-28 հազ. դրամ հաշվարկով) կտրամադրվի է առողջապահության նախարարության բյուջեից, և մասամբ` սոցիալական ապահովության բյուջեից:
Հայաստանում պարտադիր բժշկական ապահովագրության համակարգի ներդրումն ակտիվացավ դեռ 2014-ին: Ինչպես այն ժամանակ հայտարարեց պետական առողջապահական գործակալության ղեկավար Սարո Ծատուրյանը, պարտադիր բժշկական ապահովագրության հայեցակարգը մշակվել և ներկայացվել է ՀՀ կառավարությանը, բայց գորչծընթացն անհայտ պատճառներով կանգնեցվել է: Նախատեսվում էր, որ բժշկական ապահովագրությունը պարտադիր է լինելու բոլոր աշխատող քաղաքացիների համար, թե պետական, և թե մասնավոր հատվածներում: Նա նշել էր, որ աշխատանքները կշարունակվեն, եթե լինի քաղաքական որոշում:
Այս թեմային վերադարձան միայն Լևոն Ալթունյանին առողջապահության նախարար նշանակվելուց հետո, ով մինչ այդ ղեկավարում էր «ԻՆԳՈ Արմենիա» ապահովագրական ընկերությունը: 2016 թվականի հոկտեմբեր 13-ին, ԱրմԻնֆո-ին մեկնաբանելով Հայաստանում պարտադիր բժշկական ապահովագրության հեռանկարները, նա ասել էր,որ դա համարվում է հնարավոր: «Կարծում եմ, որ մեր կառավարությունը կուսումնասիրի և արդյունքում նախապատվությունը կտա ՊԲԱ-ին, որպես առողջապահական ծառայությունների ֆինանսավորման միակ արդյունավետ ճանապարհի», - ասել էր նա:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը