«ՎՏԲ-Հայաստան Բանկը» վարկավորման նոր ծրագիր է գործարկում փոքր բիզնեսի հաճախորդների համար

Արմինֆո. «ՎՏԲ-Հայաստան Բանկը» գործարկել է ՀՀ բանկային շուկայում վարկավորման բացառիկ ծրագիր փոքր բիզնեսի հաճախորդների համար:

Ինչպես ԱրմԻնֆո-ին հաղորդեցին, այսուհետ փոքր բիզնեսի հաճախորդ հանդիսացող իրավաբանական անձինք, անհատ ձեռնարկատերերը կունենան հնարավորություն ստանալու անգրավ վարկեր՝ առանց հաճախորդի գործունեության ֆինանսական մանրակրկիտ վերլուծության` մինչև 7 մլն. ՀՀ դրամ սկսած 13.9% տոկոսադրույքից։ Վարկ տրամադրելու որոշումը կայացվում է ընդամենը 8-ից 10 ժամվա ընթացքում հեշտացված ընթացակարգով:

Մասնավորապես, մինչև 1 մլն ՀՀ դրամ վարկերը տրամադրվում են  Բանկի պահանջներին համապատասխանող ընդամենը 1 երաշխավորի առկայությամբ, իսկ 1 մլն ՀՀ դրամը գերազանցող վարկերը` 2 երաշխավորների առկայությամբ: Վարկերը տրամադրվում են ինչպես բիզնես խնդիրների լուծման (շրջանառվող և հիմնական միջոցների համալրման), այնպես էլ այլ բանկերում և վարկային կազմակերպություններում առկա վարկային պարտավորությունների մարման նպատակով:

Ծառայության մասին մանրամասն տեղեկատվություն կարելի է ստանալ ՎՏԲ-Հայաստան Բանկի մասնաճյուղերում կամ զանգահարելով Բանկի միասնական տեղեկատվական կենտրոն` 87-87 հեռախոսահամարով:

Ըստ ԱրմԻնֆո գործակալության պատրաստած «Հայաստանի Բանկերի Ֆինանսական Վարկանիշների», 2017 թվականի հունվարի 1-ի դրությամբ «ՎՏԲ-Հայաստան Բանկը»պատրաստած ՓՄՁ վարկավորման գծով առաջատար եռյակում է` 80.4 մլրդ դրամ ծավալով: Բանկի ընդհանուր վարկային պորտֆելում ՓՄՁ վարկերի մասնաբաժինը գերազանցում է 48% -ը: Իսկ ՓՄՁ վարկավորման ընդհանուր ծավալում «ՎՏԲ-Հայաստան Բանկի» մասնաբաժինը հասնում է շուկայի մոտ 13%-ին:

Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի 67 մասնաճյուղ, իր ներկայությունն ապահովելով ոչ միայն մայրաքաղաքում, այլև մարզերում: