Արմինֆո. Հուլիսի 24-28-ը Հայաստանի արտարժույթի միջբանկային շուկայում ծավալն աճել է 3.7 անգամ, նախորդ շաբաթվա 28.7% անկումից հետո: Դրան զուգընթաց, արժույթի ներբանկային շուկայում դիտվեց դոլարի և ռուբլու նկատմամբ հետաքրքրության անկում, իսկ եվրոյի առքն ակտիվացավ: Արտարժույթի բորսայական հարթակն առայժմ դատարկ է:
Արդյունքում` հաշվետու շաբաթվա ընթացքում դոլարի նկատմամբ դրամը պահպանվեց 479 դրամ/դոլար մակարդակում, եվրոյի նկատմամբ թուլացավ`556-ից մինչև 560 դրամ/եվրո, իսկ ռուբլու նկատմամբ` 8-ից մինչև 8.1 դրամ/ռուբլի մակարդակ: Մեկ տարի առաջ, 2016 թվականի հուլիսի 28-ին դրամի փոխարժեքը դոլարի նկատմամբ կազմել էր 477.3 դրամ/1դոլար, եվրոյի նկատմամբ` 529,5 դրամ/1եվրո, իսկ ռուբլու նկատմամբ`7.3 դրամ/1ռուբլի, ինչը ներկա փոխարժեքի համեմատ ցույց է տալիս տվյալ արտարժույթների նկատմամբ դրամի տարեկան արժեզրկումը:
Ինչպես ԱրմԻնֆո-ին հաղորել են ՀՀ կենտրոնական բանկի մամուլի ծառայությունից, NASDAQ OMX Armenia բորսայական հարթակում երկու ամիս անընդմեջ գործարքներ չեն եղել: Մինչդեռ արտարժույթի միջբանկային շուկայում հուլիսի 24-28-ը գործարքների ծավալները կազմել են 26.8 մլն. դոլար, միջին կշռված փոխարժեքը` 478.93 դրամ/1դոլար (նախորդ շաբաթ`478.72 դրամ/1դոլար): Դրան զուգընթաց, արտարժույթի ներբանկային շուկայում բանկերի կողմից դոլարի առքի դինամիկան արագացրեց անկումը`3%-ից մինչև 17.1%, իսկ վաճառքի տրենդը 21% աճից հետո արձանագրեց 5.7% անկում: եվրոյի գնման աճն արագացավ`3.4% -ից մինչև 21.7%, իսկ վաճառքի գծով 12% աճը փոխարինվեց 2.9% անկումով, ռուբլու գնման 22% աճը փոխարինվեց 28.3% անկումով, իսկ առքի գծով 28% անկումը փոխարինվեց 25.6% աճով:
Արդյունքում` գնվել 76.4 մլն դոլար` 477.97 դրամ /1դոլար միջին փոխարժեքով, 11.2 մլն եվրո` 554.91 դրամ/1եվրո միջին փոխարժեքով եւ 1.2 մլրդ ռուբլի` 7.99 դրամ/1ռուբլի միջին փոխարժեքով, իսկ վաճառվել 93.4 մլն դոլար 479.34 դրամ/1դոլար միջին փոխարժեքով, 16.9 մլն եվրո 559.97 դրամ/1եվրո միջին փոխարժեքով, 559.3 մլն ռուբլի` 8.07 դրամ/1ռուբլի միջին փոխարժեքով:
Աղբյուրի համաձայն, նախորդ շաբաթ (հուլիսի 17-22-ը) Հայաստանի բանկերը տրամադրել են 64.2 մլրդ դրամի և 34 մլն դոլարի վարկեր: Դրան նախորդող ժամանակահատվածի համեմատ վարկերի ծավալների դինամիկան հետևյալն է. դրամային վարկերի ծավալների 18.6% աճն արագացավ մինչև 20%, իսկ դոլարային վարկերի ծավալների 70% աճը փոխարինվեց 55.8%% ակումով:
Նշենք, որ 2017 թվականի հունվար-մայիսին արտարժույթի բորսայական հարթակում ընդհանուր առմամբ իրականացվել են 3,3 մլն.դոլարի գործարքներ, մասնավորապես, 600 հազար-ական դոլարի գործարքներ են կատարվել հունվարին ու փետրվարին, համապատասխանաբար` 486.79 դրամ/ դոլար և 487.08 դրամ/դոլար փոխարժեքով, իսկ մարտին`1.5 մլն.դոլար, 485,55 դրամ/դոլար փոխարժեքով, իսկ մայիսին`600 հազար դոլար, 482.80 դրամ/դոլար փոխարժեքով: Կենտրոնական բանկը 2017-ի հունվար-մայիսին արժութային շուկայում գործարքներ է կատարել միայն հունվարին, վաճառելով 15 մլն. դոլար, 485.84 դրամ / դոլար փոխարժեքով:
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ՊԵԿ կայքում կարելի է գտնել տրանսպորտային միջոցի մասին ամբողջական տեղեկատվություն VIN համարով
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված