Երկուշաբթի, 31 Հուլիսի 2017 16:28

Արմինֆո. Եվրասիական զարգացման բանկը (ԵԱԶԲ) հաստատել է երկրորդ 2017 թվականին երկրորդ եռամսյակում, Հայաստանի համար նախատեսված ներդրումա-ծրագրային վարկերի մեկը, $ 20 մլն. ծավալով: Հայաստանի համար մեկ այլ վարկ է հաստատվել Սևծովյան առևտրի և զարգացման բանկի (ՍԱԶԲ) կողմից $ 4 մլն. ծավալով: Այս մասին ասվում է այսօր հրապարակված «Միջազգային զարգացման բանկերի 2017 թվականի II եռամսյակի ներդրումային գործունեության» զեկույցում, որը պատրաստել է Եվրասիական զարգացման բանկի Ռազմավարական և ճյուղային վերլուծության վարչությունը: Տոկոսային առումով Հայաստանի մասնաբաժինը կազմել է միջազգային զարգացման բանկերի ներդրումա- ֆինանսավորման ծրագրերի (ՆՖԾ) ընդհանուր գումարի 2%-ը:

 

Ըստ զեկույցի, ՆՖԾ ամենամեծ գումարը երկրորդ եռամսյակում հաստատվել Ղազախստանի համար - $ 759 մլն, որին հաջորդում են`Ուկրաինան - $ 163 մլն, Բելառուսը - $ 73 մլն. Ադրբեջանը - $ 9 մլն, Ղրղզստանը - $ 5 մլն, իսկ Մոլդովան, Տաջիկստանը, Թուրքմենստանը և Ուզբեկստանը երկրորդ եռամսյակում չունեն ՆՖԾ հաստատված ծրագրեր:

 

Ինչ վերաբերում է հատուկ սուվերեն վարկերին, տեխնիկական աջակցությանը և դրամաշնորհներին, ապա երկրորդ եռամսյակում Հայաստանի համար հաստատված են Ասիական զարգացման բանկի (ԱԶԲ) վարկերը` $ 1 մլն, ինչպես նաև ԵԱԶԲ-ի կողմից`$ 2 մլն: Սուվերեն վարկերի ամենամեծ ծավալը հաստատվել է Ուզբեկստանի համար`$ 732 մլն, Տաջիկստանի - $ 346 մլն, Ուկրաինայի $ 153 մլն, Ղրղզստանի $ 44 մլն և Մոլդովային համար - $ 25 մլն:

 

Նշվում է, որ 2-րդ եռամսյակում ԱԶԲ-ն որոշել է Հայաստանին տրամադրել $ 0,5 մլն.-ի տեխնիկական աջակցություն, ԱԶԲ տեխնիկական աջակցության հատուկ ֆոնդի միջոցներից, «Ֆինանսական շուկայի զարգացման ծրագիր և արդյունավետ պետական կառավարում» նախագծի շրջանակներում: Ծրագրի նախապատրաստման տեխնիկական աջակցությունն ուղղված է կառավարությանն օժանդակելուն`միջազգային և ազգային փորձագետների աջակցությամբ նախագծի փորձագիտական գնահատման առումով:

 

Իր հերթին, ԵԱԶԲ հաստատել է նաև Արդշինբանկին $ 20 մլն. ներդրումա-նախագհծային վարկի տրամադրումը, վերականգնվող վարկային գծի տեսքով և երեք տարի ժամկետով: Միջոցները նախատեսված են «Արդշինբանկ» ՓԲԸ հաճախորդների արտաքին առևտրի գործարքների ֆինանսավորմանն ԵԱԶԲ անդամ-երկրներում: Տրամադրվող միջոցների 100%-ը կուղղվի ԵԱԶԲ անդամ-երկրների միջև արտահանման-ներմուծման գործարքների ֆինանսավորմանը: Ֆինանսավորումը կարող է տրամադրվել ԱՄՆ դոլարով, եվրոյով կամ ռուսական ռուբլով, կամ էլ տվյալ անդամ-երկրի արժույթով: Որպես սուվերեն վարկ, տեխնիկական աջակցություն և դրամաշնորհ ՎԶԵԲ-ը հաստատել է ՀՀ ֆինանսների նախարարությանը $ 2,28 մլն.-ի տրամադրումը, Կոտայքի և Գեղարքունիքի մարզերում կոշտ թափոնների նոր պահեստարանի կառուցման նպատակով, Արևելյան գործընկերության հիմնադրամի միջոցներից, էներգաարդյունավետության և շրջակա միջավայրի ծրագրի շրջանակներում (E5P): Միջոցները կտարադրվեն դրամաշնորհի տեսքով: Ծրագիրը մեկնարկել է 2014 թվականի դեկտեմբերին, երբ ՎԶԵԲ-ը հատկացրեց 3,5 մլն.եվրոյի վարկը, որը համալրվեց 3,5 մլն.եվրո դրամաշնորհով, ԵՄ գործընկերության ներդրումային գործիքի կողմից:

 

Ներդրումա-ծրագրային վարկերի գծով ՍԱԶԲ-ն հաստատել է Հայաստանի Ազգային հիփոթեքային ընկերությանը $ 4,16 մլն. վարկրի տրամադրումը, որը կտրամադրվի ազգային արժույթով, և որն ապահովված է ՍԱԶԲ 2 մլրդ.դրամ ծավալով պարտատոմսերի տեղաբաշխումով: Տեղաբաշխումից ստացված միջոցները կուղղվեն Հայաստանի հիփոթեքային շուկայի զարգացմանը, այդ թվում`հիփոթեքային վարկերի վերաֆինանսավորմանը, համապատասխան ֆինանսական կառույցների չափանիշների, որոնք համաձայնեցված են ՍԱԶԲ կողմից:

 

Ընդհանուր առմամբ, 2017 թվականի երկրորդ եռամսյակում, ըստ ԵԱԶԲ վերլուծաբանների, միջազգային զարգացման բանկերը (ՄԶԲ) ԱՊՀ երկրներում  ֆինանսավորումն ավելացրել են 125%, իսկ I եռամսյակի համեմատ`մինչև 2.36 մլրդ ԱՄՆ դոլարով: Երկրորդ եռամսյակում ՄԶԲ-ները ԱՊՀ երկրների համար (Հայաստան, Ադրբեջան, Բելառուս, Ղազախստան, Ղրղզստանի, Մոլդովայ, Ռուսաստան, Տաջիկստան, Թուրքմենստան, Ուկրաինա և Ուզբեկստան) հաստատել են ծրագրերը, որից 45%-ը կուղղվի մասնավոր հատվածի ֆինանսավորմանը (I եռամսյակի համեմատ աճը `4,8), 55%-ը կուղղվի կառավարական մարմինների մասնակցությամբ սուվերեն ֆինանսավորմանը (առաջին եռամսյակի համեմատ աճը`1,6 անգամ):

 

Եվրասիական զարգացման բանկը (ԵԱԶԲ) միջազգային ֆինանսական հաստատությունն է, որը հիմնվալ է Ռուսաստանի և Ղազախստանի կողմից 2006 թվականի հունվարին, մասնակից-երկրներում շուկայական տնտեսության խթանմանը, նրանց կայուն տնտեսական աճին և փոխադարձ առևտրի և տնտեսական հարաբերությունների ընդլայնմանը և զարգացմանը: ԵԱԶԲ կանոնադրական կապիտալը կազմում է $ 7 մլրդ.: Բանկի անդամ երկրներն են`Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը:-