Չորեքշաբթի, 2 Օգոստոսի 2017 14:52

Արմինֆո. Դեպի Հայաստան ֆիզիկական անձանց դրամական փոխանցումների ներհոսքը 2017 թվականի I կիսամյակում աճել է 16,4%, մինչև 724,8 մլն.դոլար, իսկ արտահոսքն ավելացել է 20.1%, մինչև 442,5 մլն.դոլար: Արդյունքում, զուտ ներհոսքը տարեկան կտրվածքով ավելացել է 11.1%: Ըստ ՀՀ ԿԲ տվյալների, ներհոսքի կառուցվածքում Ռուսաստանի մասնաբաժինը կազմել է 56.4% կամ 408,6 մլն.դոլար, իսկ արտահոսքի կառուցվածքում`40.4% կամ 178,6 մլն.դոլար: Ռուսաստանից ստացվող տրանսֆերտների ներհոսքն առաջին կիսամյակում աճել է 15.5%, իսկ արտահոսքը նվազել է 6,2%, արդյունքում, զուտ ներհոսքը Ռուսաստանից կազմել է 23,9%:

 

Համեմատության համար նշենք, որ 2016-ի առաջին կիսամյակում դեպի Հայաստան տրանսֆերտների ներհոսքը կրճատվել էր 8.8%, իսկ արտահոսքն աճել էր 5.2%, ինչի հետևանքով զուտ ներհոսքը նվազեցրել էր 23.5%: