Հինգշաբթի, 3 Օգոստոսի 2017 14:51
Նաիրա Բադալյան

Տրանսպորտի նախարարության շենքը կօտարվի դասական աճուրդում` 27 մլն դոլարի դիմաց

Արմինֆո. Տրանսպորտի, կապի և տեղեկատվական տեխնոլոգիաների նախարարության շենքն աճուրդի կհանվի: Այդ մասին որոշմանը կառավարությունը հավանություն է տվել օգոստոսի 3-ի նիստում, ի թիվս այն հարցերի, որոնք ենթակա չեն նախարարների կաբինետի նիստում քննարկման:

 

Նալբանդյան 28 հասցեում գտնվող շենքը կօտարվի դասական աճուրդում: Շենքի մակերեսը կազմում է 7,8 հազար քմ, նախնական արժեքը` 13 223 400 652 դրամ (շուրջ 27 մլն դոլար): Հնարավոր գնորդը պարտավոր կլինի վճարել հողամասի կադաստրային արժեքը` 151 239 348 դրամ:

 

Ավելի վաղ, 2016 թվականի վերջին ՀՀ կառավարությանն առընթեր Պետական գույքի  կառավարման վարչության ղեկավար Արման Սահակյանը մամուլի ասուլիսում հայտարարել էր, որ 28 մլն դոլարով աճուրդի դրված  Տրանսպորտի նախարարության շենքն իր գնորդին չէր գտել: Կառավարությունը ծրագրում էր, որ շենքը կօտարվի դասական աճուրդում և կգնահատվի 13,2 մլրդ դրամ: Սահակյանի ասելով, աճուրդը պետք է տեղի ունենար նոյեմբերի 14-ին վարչության աճուրդների կենտրոնում, սակայն սակարկությունը չկայացավ`  գնորդների բացակայության պատճառով: Ինչպես պարզաբանել է վարչության պետը, Տրանսպորտի նախարարության շենքը հրապարակային աճուրդի էր դրվել հնարավոր հովանավորչության մասին հետագա շահարկումները բացառելու նպատակով: Պատասխանելով այն դիտողությանը, որ մայրաքաղաքի կենտրոնում գտնվող ողջ շենքի գինը հավասարազոր է մեկ խանութի գնի, Սահակյանը հարց էր տվել. «Չեմ կարծում, թե Հայաստանում կա 28 մլն դոլար արժողությամբ խանութ»: Պարզաբանելով, որ մեկ քառակուսի մետրի արժեքը գնահատվել է 3,5 հազար դոլարի չափ, պաշտոնյան նշել էր, որ երկրի կառավարությունը համանման գործարք է կնքել` վաճառելով ԱԳՆ հին շենքը: «Չեմ կարծում, թե այդ գույքի շուկայական արժեքը նշանակված գնից ավելի բարձր է», - հայտարարել է նա:

 

Մեկնաբանելով Տրանսպորտի նախարարության շենքն արգենտինահայ գործարար Էդուարդո Էռնեկյանի կողմից ձեռք բերելու հնարավորությունը, որը նաև ԱԳՆ հին շենքի գնորդն է` ի դեմս «Տանգո» ընկերության, Սահակյանը նշել էր, որ վերջինը Տրանսպորտի նախարարության շենքի գնման նկատմամբ հետաքրքրություն չի դրսևորել: «Ամեն դեպքում` կարծում եմ, որ եթե մեզ հաջողվի իրականացնել Տրանսպորտի նախարարության շենքին առնչվող գործարքը, ապա դա, միանշանակ, կդառնա ամենակարևոր և հաջողված գործարքներից մեկը մեր երկրի համար», - եզրափակել է Պետական գույքի կառավարման վարչության ղեկավարը:

 

Նշենք, որ Հանրապետության հրապարակում գտնվող ԱԳՆ շենքը կառավարության որոշմամբ  51,3 մլն դոլարի դիմաց վաճառվել է արգենտինահայ գործարար Էդուարդո Էռնեկյանին պատկանող «Տանգո» ՓԲԸ-ին: Ավելի վաղ ակնկալվում էր, որ ԱԳՆ փոխարեն կհայտնվի Kempinski խմբի հինգաստղանի հյուրանոց: Կառավարության որոշման նախագծում նշված է, որ, մասնավորապես, գնորդը պարտավորվում է իրականացնել անհրաժեշտ ծավալի ներդրումներ և ԱԳՆ շենքը վերակառուցումից հետո վերածել համաշխարհային ճանաչում ունեցող միջազգային բրենդի հինգաստղանի հյուրանոցի` պահպանելով շենքի արտաքին տեսքը: Էդուարդո Էռնեկյանին է պատկանում «Հայաստանի միջազգային օդանավակայաններ« ընկերությունը, «Կոնվերսբանկ» ՓԲԸ-ն, գործարարը նաև խոշոր նախագծեր է իրագործում գյուղատնտեսության ոլորտում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
26.05.2020
RUB6.810.05
USD483.820.82
EUR530.413.84
GBP595.637.09
CAD348.422.70
JPY44.940.10
CNY67.870.03
CHF499.712.54



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000