Չորեքշաբթի, 23 Օգոստոսի 2017 17:56

Արմինֆո. «Թանկարժեք մետաղների և թանկարժեք քարերի պետական ​​գանձարանը»  թանկարժեք մետաղների գները բարձրացրել է 0,9%-ով` նախորդ շաբաթվա 0,8% աճից հետո: Նման դինամիկան ընթացիկ շաբաթ պայմանավորված էր արծաթի և պալլադիումի գներով, որոնց անկումը փոխարինվել է վերելքով, ինչպես նաև` ոսկու գնի շարունակվող աճով, որոնց ֆոնին պլատինիումն սկսել է էժանանալ:

Ինչպես ԱրմԻնֆո գործակալությանը հաղորդել են ՀՀ ֆինանսների նախարարության «Թանկարժեք մետաղների և թանկարժեք քարերի պետական ​​գանձարան» գործակալությունից, 2017 թվականի  օգոստոսի 21-ից մինչև 27-ը  սահմանվել են թանկարժեք մետաղների հետևյալ գները. մեկ գրամ ոսկու վաճառքի գինը` 19717,08  դրամ (շաբաթական աճի արագացում` 0,3%-ից մինչև 0,8%), արծաթինը` 259,86 դրամ (շաբաթական դինամիկան` 0,1% անկումից մինչև 1,3% աճ), պլատինիումինը` 14917,03 դրամ (շաբաթական աճի դինամիկան փոխվել է 2,8% աճից մինչև 0,5% անկում), պալլադիումինը` 13964,67 դրամ (շաբաթական դինամիկան 0,1% անկում մինչև 1,9% աճ):