Հայաստանից ոսկու արտահանումը 2017 թ. I-ին կիսամյակումն ավելացել է տարեկան 53%-ով՝ թանկարժեք մետաղի մաքսային արժեքի 42,7% աճի դեպքում

Արմինֆո. 2017 թ. I-ին կիսամյակում Հայաստանից արտահանվել է 2242.2 կգ ոսկի (ներառյալ գալվանական ոսկեզօծում/՝մեկ տարի առաջվա 1465.6 կգ փոխարեն: ՀՀ Մաքսային ծառայության տվյալների համաձայն՝ կշռային արտահայտմամբ ոսկու արտահանումն ավելացել է 53%-ով՝ մեկ տարի առաջվա 4,3%-ի փոխարեն: 

Արտահանված ոսկու մաքսային արժեքը 2017 թ. I  կիսամյակում վերականգնել է 2015 թ. աճի տեմպերը, մասնավորապես՝ տարեկան աճը կազմել է 42,7%, մինչև $75.6 մլն՝ մեկ տարի առաջվա 8%-ի փոխարեն, և 42% աճ 2015 թ. նույն ժամանակաշրջանի համար:

Միաժամանակ 2017 թ. I –ին կիսամյակում զգալիորեն ավելացել է ներմուծված ոսկու քաշը՝ 5,7 անգամ, մինչև 119.4 կգ, հետևաբար՝ բարձրացել է նաև մաքսային արժեքը՝ 5,6 անգամ, մինչև $4.7 մլն: Որպես համեմատություն՝ նշենք, որ 2016  թ. I-ին կիսամյակում ներմուծված ոսկու քաշը կրճատվել է տարեկան 27%-ով՝ մաքսային արժեքի 25,3% նվազման զուգահեռ:

Հաշվետու շրջանում Հայաստանն ամբողջ ծավալով ոսկի է արտահանել Շվեյցարիա: Ներմուծումը բաժին է ընկել Շվեյցարիային (57%), ԱՄԷ-ին (39%) և ՌԴ-ին (4%):

Փորձագետների կարծիքով, 2017 թ. կշարունակվի ոսկու գնանշումների անկայունությունը: Անկայունությունը՝ կապված Դոնլադ Թրամփի քաղաքականության, ԵՄ-ից Մեծ Բրիտանիայի դուրս գալու և Չինաստանի տնտեսության դանդաղման հետ, կազդի թանկարժեք մետաղների գների դինամիկայի վրա: Բացի այդ, շատ բան կախված կլինի ԴՊՀ տոկոսադրույքի բարձրացման տեմպերից: 2017 թ. կպահպանվի անորոշության բարձր աստիճանը, ինչը կապված է քաղաքական և տնտեսական տարբեր մարտահրավերների հետ: Արդյունքում թանկարժեք մետաղների գնանշումները կստանան աճի զգալի դրայվեր, ինչն անդրադառնում է 2017 թ. ոսկու գների լավատեսական կանխատեսման վրա:

Անկայունությունն առաջին հերթին կապված է Brexit-ի և Մեծ Բրիտանիայի ու Եվրամիության «ամուսնալուծության» գործընթացի հետ: Բացի այդ, Դոնալդ Թրամփի անսպասելի հաղթանակը պակաս կանխատեսելի կդարձնի ԱՄՆ քաղաքականությունը: Առևտրային պատերազմները և միգրանտների հետ կապված ցավոտ հարցը վկայում է ամերիկյան արտաքին քաղաքականությունում սպասվող մասշտաբային փոփոխությունների մասին: Փորձագետները հնարավոր են համարում նաև  բյուջետային խթանման ընդլայնումը, ինչը կհանգեցնի  ինֆլյացիայի տեմպերի արագացման: Արդյունքում ոսկու պահանջարկը դրական դինամիկա կցուցաբերի: Անկայունության ևս մեկ գործոն են լոկալ հակամարտությունները և ճգնաժամերը, որոնք հանգեցնում են աշխարհաքաղաքական լարվածության աճի: Սիրիայում հակամարտության խորացումը և ուկրաինական ճգնաժամի կարգավորման ձգձումը կհանգեցնեն թանկարժեք մետաղների գների ավելացման: Նման պայմաններում ոսկու գինը  հետագա աճի լավ հեռանկարներ ունի: Արդյունքում ոսկու գնանշումներն ընթացիկ տարում կավելանան մինչև $1350-1400/ունցիա: Սակայն, ԴՊՀ դրամավարկային քաղաքականության խստացումը կարող է խանգարել ոսկու գնանշումների բարձրացմանը: Շատ բան կախված կլինի նաև պահանջարկի ցուցանիշներից: