Արմինֆո. Արդշինբանկը «Լույս» կրթական հիմնադրամին 100 մլն դրամի չափով ֆինանսական միջոցներ է տրամադրել՝ նպատակ ունենալով աջակցել աշխարհի լավագույն բարձրագույն ուսումնական հաստատություններում սովորող հայ երիտասարդներին: Ինչպես ԱրմԻնֆո-ին հայտնել են բանկի մամուլի ծառայությունից, բանկն արդեն հինգերորդ անգամ է կատարում նվիրատվություն ի նպաստ «Լույսե հիմնադրամի, և այս տարի նույնպես Բանկի կողմից տրամադրված ֆինանսական միջոցները կկիրառվեն հիմնադրամի կրթաթոշակային ծրագրի խթանման նպատակով:
Արդշինբանկի Վարչության նախագահ Մհեր Գրիգորյանը նշել է, որ որակյալ ուսումնական և կրթական ծրագրերի աջակցությունը Բանկի սոցիալական պատասխանատվության ռազմավարության կարևոր ուղղություններից մեկն է: Նա բարձր է գնահատել «Լույս» հիմնադրամի կողմից իրականացվող ծրագրերը, քանի որ դրանք հնարավորություն են ընձեռում խելացի և տաղանդավոր երիտասարդներին ձեռք բերել այնպիսի արդիական, որակյալ գիտելիքներ և հմտություններ, որոնք կնպաստեն երկրի զարգացմանը:
«Այսօր ժամանակակից աշխարհը շատ արագ է զարգանում և ես առավել քան համոզված եմ, որ հենց նման կրթված երիտասարդների միջոցով է հնարավոր արդյունավետ կերպով ճիշտ գնահատել բոլոր մարտահրավերները, լինել մրցունակ, ներկայանալի և ճիշտ կողմնորոշվել անընդմեջ փոփոխվող աշխարհում»,-նշել է Արդշինբանկի Վարչության նախագահ Մհեր Գրիգորյանը:
RUB | 4.27 | 0.00 |
USD | 394.46 | -0.25 |
EUR | 425.62 | -1.93 |
GBP | 497.65 | -0.91 |
CAD | 290.11 | -0.27 |
JPY | 26.06 | -0.05 |
CNY | 54.57 | -0.05 |
CHF | 435.72 | -0.13 |