«Տարոն-Ավիա»-ի կողմից լիզինգով ձեռքբերված «Բոինգ 737-500» օդանավը առաջին փուլում չվերթներ կիրականացնի ռուսական մի շարք քաղաքներ

Արմինֆո.

«Տարոն-Ավիա» ավիաընկերության կողմից լիզինգով ձեռքբերված «Բոինգ 737-500» օդանավը առաջին փուլում չվերթներ կիրականացնի ռուսական մի շարք քաղաքներ: Ձմռան շրջանում ավիաընկերության թռիչքների աշխարհագրությունը կընդլայնվի: Այդ մասին ԱրմԻնֆո-ի թղթակցին հայտնել է «Տարոն-Ավիա» ավիաընկերության կոմերցիայի գծով տնօրենի տեղակալ Կարեն Կարագյոզյանը:

Նրա խոսքով, ավիաընկերությունը չվերթներ կիրականացնի Դոնի Ռոստով, Սամարա, Կրասնոդար և Մոսկվա ուղղություններով։ Հիշեցնենք նաև, որ ավիաընկերության առաջին օդանավը կրում է «Մհեր Մկրտչյանե անվանումը:  Ձմռանն ավիաընկերությունը չվերթներ կիրականացնի այլ ուղղություններով:

Օգոստոսի 31-ին Գյումրու «Շիրակե օդանավակայանում վայրէջք է կատարել «Տարոն-Ավիաե ավիաընկերության երկրորդ օդանավը, որը կրում է «Արամ Խաչատրյանե անվանումը՝ ի պատիվ անվանի հայ կոմպոզիտոր Արամ Խաչատրյանի։ ՀՀ կառավարությանն առընթեր քաղաքացիական ավիացիայի գլխավոր վարչության պետ Սերգեյ Ավետիսյանը, խոսելով «Տարոն-Ավիաե-ի՝ նոր օդանավով համալրվելու մասին, նշել է. «Շատ ուրախալի լուր է բոլորիս համար: Սա նշանակում է՝ Գյումրու «Շիրակե օդանավակայանը զարգանում է, աշխատանքներն ընթանում են իրենց բնականոն հունով: Ուղևորահոսքը և պահանջարկը ևս դինամիկ աճ են գրանցումե:

Ավելի վաղ ՔԱԳՎ մամուլի ծառայույունը հաղորդագրություն էր տարածել, համաձայն որի՝ Հայաստանի Հանրապետության երկու օդանավակայանների ուղևորահոսքը 2017 թվականի հունվար-հուլիս ամիսներին կազմել է 1,373,856 մարդ, որը 28 տոկոսով գերազանցում է նախորդ տարվա նույն ամիսների ցուցանիշը: