Արմինֆո. Վերակառուցման և զարգացման եվրոպական բանկը (ՎԶԵԲ) ԱՐԱՐԱՏԲԱՆԿ-ին կտրամադրի 2 վարկ, ազգային արժույթով, որոնց ընդհանուր գումարը կկազմի 10 մլն.դոլար: Ստորագրումը ըեղի է ունեցել սեպտեմբերի 4-ին: Ծրագիրով, ֆինանսավորումից բացի, նախատեսվում է նաև տեխնիկական աջակցություն վերջնական շահառուներին, խորհրդատվություն, ռիսկերի կառավարման աջակցություն և կին ձեռներեցների մասնագիտական վերապատրաստում:
ԱՐԱՐԱՏԲԱՆԿԻ գործադիր տնօրեն Աշոտ Օսիպյանը նշել է, որ վարկերը կտրամադրվեն տարեկան 11% տոկոսադրույքով, մինչև 5 տարի մարման ժամկետով: Նրա խոսքերով, միջոցները հնարավորություն կտան բավարել կին-ձեռներեցների, ինչպես նաև միկրո, փոքր և միջին բիզնեսի ներկայացուցիչների ֆինանսավորման պահանջարկը: Այս առումով նա ընդգծել է, որ այսօր բանկն արդեն 270 մլն.դրամ ընդհանուր գումարի հայտեր ունի կին ձեռներեցներից: «Ես բարձր եմ գնահատում հարաբերությունները ՎԶԵԲ-ի հետ, և ուրախ եմ տեղեկացնել, որ այս տարի ԱՐԱՐԱՏԲԱՆԿ- ՎԶԵԲ համագործակցությունն արդեն 10 տարեկան է: Այդ ընթացքում մեզ հաջողվել է ներգրավել ավելի քան 120 միլիոն դոլարի վարկային միջոցներ, որոնք ուղղվել են ֆինանսավորմանը տնտեսության տարբեր ոլորտներում և նպաստելով Հայաստանի ՀՆԱ-ի աճին: Շնորհիվ այս համագործակցության մենք կարողացանք ներդնել միջազգային լավագույն բանկային տեխնոլոգիաներ, որոնք ԱՐԱՐԱՏԲԱՆԿ-ին թույլ են տալիս դառնալ երկրի առաջատար բանկերից մեկը, ունենալ մրցակցային առավելություններ շուկայում, բազմիցս ճանաչվելով լավագույնը միջազգային գործընկերների կողմից», - ասաց Ա.Ասիպյանը:
Նշելով, որ կին ձեռներեցները և ՓՄՁ-ները միշտ եղել են ԱՐԱՐԱՏԲԱՆԿ-ի ուշադրության կենտրոնում, Օսիպյանը հավելել է, որ ծրագիրը նոր հնարավորություններ է բացում բիզնեսի զարգացման համար: «Կին-ձեռներեցների ֆինանսավորման առաջին փորձը մենք սկսել ենք Ասիական զարգացման բանկի (ԱԶԲ) հետ, ինչի կապակցությամբ հարկ է նշել, որ կանայք ավելի պատասխանատու վարկառուներ են – բանկի վարկային պորտֆելը որևէ պրոբլեմ չի ունեցել, կապված վարկերի մարման հետ», - ընդգծեց նա:
Իր հերթին, ՎԶԵԲ տնօրենների խորհրդի նախագահ Սոմա Չակրաբարտին նշել է. «Մենք ուրախ ենք շարունակել մեր արդյունավետ համագործակցությունն ԱՐԱՐԱՏԲԱՆԿԻ: Այս գործարքն ընդգծում է բանկի առաքելությունը`նպաստել Հայաստանում մասնավոր բիզնեսի զարգացմանը և խթանել կանանց ձեռներեցությունը: Վստահ եմ, որ այս վարկային գիծը, ինչպես նաև լրացուցիչ խորհրդատվությունը և ոչ ֆինանսական աջակցությունը կօգնեն կանանց ընդլայնել իրենց բիզնեսը»:
Խոսելով Հայաստանի տնտեսական իրավիճակից, ՎԶԵԲ ղեկավարը կարևորել է ոչ միայն ֆինանսավորումը, այլև Բանկի կողմից տրամադրվող տեխնիկական օժանդակությունը: Նա նշել է, որ ՎԶԵԲ-ի մասնագետներն աջակցում են ՀՀ օրենսդրության արդիականացմանը, կապիտալի շուկայի զարգացմանը, մասնավոր-պետություն ձևաչափով: Ըստ նրա, ՎԶԵԲ-ը մտադիր է աջակցել Հայաստանին, մեծացնել գործարար միջավայրի գրավչությունը, ինչպես ներքին, այնպես էլ արտաքին ներդրումների ներգրավման նպատակով: «Հայաստանում դեռ շատ անելիքներ կան: Բայց, այնուամենայնիվ, պետք է նշեմ, որ Հայաստանի կառավարությունը զգալի քայլեր է ձեռնարկել այդ ուղղությամբ», - հայտարարել է Ս.Խակաբարտին:
Նշենք, որ ՎԶԵԲ «Կանայք բիզնեսում» ծրագրին, որն իրականացվում է Եվրոպական Արևելյան հարևանության շրջանակներում, մասնակցում են Հայաստանը, Ուկրաինան, Վրաստանը, Բելառուսը, Ադրբեջանը և Մոլդովան: ՎԶԵԲ-ը 25 երկրներում հաջողությամբ է իրականացրել նշված ծրագրերը: Այդ միջոցներով տեղական բանկերը վարկեր են տրամադրում մատչելի պայմաններով, ընդ որում, կին ձեռներեցներին տրամադրվում է բիզնես խորհրդատվություն և վերապատրաստում: Հայաստանում ի գործունեության մեկնարկից ի վեր, 1992 թվականից, ՎԶԵԲ իրականացրել է 188 ծրագիր, մասնավորապես, ֆինանսական, կորպորատիվ, ենթակառուցվածքների և էներգետիկայի ոլորտներում, ներդնելով մոտ 1.11 միլիարդ. եվրո, որից 88% -ն ուղղվել է մասնավոր հատվածին:
Ըստ ԱրմԻնֆո գորչծակալության` Հայաստանի Բանկերի Ֆինանսական Վարկանիշի, 2017 թվականի հուլիսի 1-ի դրոթյամբ ԱՐԱՐԱՏԲԱՆԿԸ 3-րդ տեղն է զբաղեցնում ՓՄՁ վարկավորման ծավալներով - 38.7%, իսկ բացարձակ մեծությամբ` 6-րդ տեղը - 46 մլրդ դրամ: ԱՐԱՐԱՏԲԱՆԿ-ի ընդհանուր վարկային պորտֆելում ՓՄՁ վարկավորման մասնաբաժինը հասնում է 37.6% -ի: Բանկերի միագումար վարկային ներդրումների ընդհանուր ծավալում ԱՐԱՐԱՏԲԱՆԿ-ի մասնաբաժինը տարեկան կտրվածքով աճել է` 5,6% -ից մինչև 7,5%: Հուլիսի 1-ի դրությամբ ԱՐԱՐԱՏԲԱՆԿ-ի մեծամասնական բաժնետերերն են`«Ֆլեշ» ընկերություն - 72,73%, ՎԶԵԲ - 18,14%, Rural Impulse Fund II (բելգիական Incofin Investment Management –Incofin IM ի անդամ) - 8,58%: ԱՐԱՐԱՏԲԱՆԿԸ երրորդն է մասնաճյուղերի ընդհանուր թվով`60 մասնաճյուղ, ինչպես նաև մարզային մասնաճյուղերով (29): «ԱՐԱՐԱՏԲԱՆԿ» ԲԲԸ-ն գործում է 2005 թ. նոյեմբերից:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին