Հինգշաբթի, 7 Սեպտեմբերի 2017 14:41
Էմմանուիլ Մկրտչյան

Փորձագետներ. Աշխարհաքաղաքական լարվածությունն ու քաղաքական անկայունությունն ԱՄՆ-ում կպահպանեն ոսկու գնի հետագա աճը

Փորձագետներ. Աշխարհաքաղաքական լարվածությունն ու քաղաքական անկայունությունն ԱՄՆ-ում կպահպանեն ոսկու գնի հետագա աճը

Արմինֆո. 2017 թվականի երկրորդ կիսամյակում միջազգային շուկաներում ոսկու գների աճը կշարունակվի աշխարհաքաղաքական լարվածության և ԱՄՆ-ում քաղաքական անկայունության հետագա աճի պատճառով: Այդպիսի կանխատեսում է ներառում Polymetal International plc ընկերությունների խմբի գործունեության կիսամյակային հաշվետվությունում ընդգրկված թանկարժեք մետաղների շուկայի ընդհանուր ամփոփումը:

 

Հաշվետվությունում նշված է, որ 2017 թվականի առաջին կիսամյակում ոսկու գներն 8 տոկոսով ավելացել են` ԱՄՆ կառավարության վարած քաղաքականությանը, ԴՊՀ տոկոսադրույքների բարձրացմանը և ԱՄՆ սահմաններից դուրս ընդհանուր քաղաքական անորոշությանն առնչվող մտավախությունների ֆոնին: Առաջին եռամսյակում ակտիվ մեկնարկից հետո ոսկու գների աճը երկրորդ եռամսյակում դանդաղել էր, քանի որ աշխարհաքաղաքական լարվածության աճին առնչվող մտավախություններն աստիճանաբար նվազել էին: Ոսկու նկատմամբ գլոբալ պահանջարկը 2017 թվականի առաջին կիսամյակում կրճատվել էր 14%-ով, մինչև 2,0041 տոննա` նախորդ տարվա նույն ժամանակահատվածի համեմատ: Չնայած այն հանգամանքին, որ ETF (ներդրումային բորսայական հիմնադրամներ) միջոցների հոսքը 2017 թվականի առաջին կիսամյակում զգալիորեն նվազել էր` նախորդ տարվա առաջին կիսամյակի ակտիվ պահանջարկի համեմատ, ոսկու նկատմամբ հետաքրքրությունն ինստիտուցիոնալ ներդրողների շրջանում պահպանվել էր: Կենտրոնական բանկերի կողմից ոսկու նկատմամբ  պահանջարկն աճում  էր չափավոր տեմպերով: Ավելացել են ներդրումները ձուլակտորներում և մետաղադրամներում, ինչպես նաև` ոսկերչական իրերի նկատմամբ պահանջարկը, չնայած այն հանգամանքին, որ այն մնում է ցածր երկարաժամկետ հեռանկարում: Առաջին կիսամյակում ընդհանուր առաջարկը նվազել է  5 տոկոսով` Չինաստանւոմ և Ավստրալիայում ոսկու արտադրության կտրուկ նվազման առնչությամբ: Ոսկու բեկոտվածքի արատդրության ծավալը նույնպես կրճատվել է` հրահրելով առաջարկի անկում: Կիսամյակի վերջին ոսկու գինը կազմել է  1,242 ԱՄՆ դոլար 1 ունցիայի դիմաց` տարեսկզբից  ավելանալով 8 տոկոսով:  LBMA ոսկու միջին գինը կազմել է 1,238 ԱՄՆ դոլար 1 ունցիայի դիմաց` 1 տոկոսով ավելանալով նախորդ տարվա նույն ժամանակահատվածի համեմատ: Արծաթի գների փոփոխման դինամիկան, ընդհանուր առմամբ, կրկնել է ոսկու գների փոփոխման դինամիկան, սակայն` ավելի բարձր փոփոխականությամբ. միջին գինն ավելացել է 8 տոկոսով` 2016 թվականի առաջին կիսամյակում 1 ունցիայի դիմաց 15.8 ԱՄՆ դոլարից  մինչև 1 ունցիայի դիմաց 17.2 ԱՄՆ դոլար` 2017 թվականի առաջին կիսամյակում, ընդ որում, ընթացիկ գինը 2017 թվականի հունիսի 30-ի դրությամբ կազմել է 1 ունցիայի դիմաց 16.5 ԱՄՆ դոլար` 2017 թվականի հունվարի 1-ի համեմատ ավելանալով  1 տոկոսով:

 

Աշխարհում առաջնային արծաթի խոշորագույն արտադրողներից մեկը` Polymetal-ը, Ռուսաստանի ոսկի արդյունահանող առաջատար ընկերությունների եռյակում է: Թանկարժեք մետաղների արդյունահանում  և երկրաբանահետախուզական աշխատանքներ է իրականացնում  Ռուսսատանում,  Ղազախստանում և Հայաստանում: Polymetal Int-ն ինքնուրույն է իրակաանցնում հանքավայրերի յուրացման աշխատանքների ողջ համալիրը` երկրաբանական հետախուզումից մինչև շահագործում: Ռազմավարության գլխավոր տարրը վերամշակման կենտրոնների ստեղծումն է, որոնք թույլ են տալիս արդյունավետությամբ և պատասխանատվությամբ օգտագործել ֆինանսական և մարդկային ռեսուրսները, նպաստում են ներդրված կապիտալի բարձր եկամտաբերության հասնելուն: 2011 թվականի նոյեմբերին Polymetal Int-ը` առաջինը ռուսական ընկերություններից, մրցանակային ցուցակում է ստացել Լոնդոնի ֆոնդային բորսայում (թիքեր POLY):

 

Հիշեցնենք, որ Polymetal ընկերությունը Հայաստանում իր գործունեությունն սկսել է 2015 թվականին` ձեռք բերելով Լիճքվազ-Թեյի բազմամետաղական հանքավայրը Սյունիքի մարզի հարավում: Ընկերությունը շահագործում է  Կապանի հարստացման ֆաբրիկան, որը ձեռք է բերել 2016 թվականի ապրիլին:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
20.02.2020
RUB7.50-0.03
USD478.37-0.26
EUR516.69-0.37
GBP617.34-5.17
CAD361.03-0.58
JPY42.72-0.70
CNY68.31-0.05
CHF486.790.18



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000