Արմինֆո. Polymetal International plc ընկերությունների խումբը 2017 թվականի առաջին կիսամյակում Կապանի լեռնահարստացուցիչ կոմբինատում (ԼՀԿ) ներդրել է 13 մլն.դոլար: Ներդրումները հիմնականում վերաբերվում են ստորգետնյա կորզման և գեոլոգիական հետախուզման սարքավորումների գնմանը, ներառյալ հորատումը Լիճքվազ-Թեյի հանքավայրում: Ինչպես նշվում է ընկերության կիսամյակային ֆինանսական հաշվետվություններում, հասույթը Կապանի ԼՀԿ շահագործումից 2017-ի առաջին 6 ամիսներին կազմել է 20 մլն.դոլար:
Զգալիորեն բարելավվել են ցուցանիշները, որոնք կապված մեկ ունցիա ոսկու համարժեքի գումարային ծասխերի հետ: Ոսկու համարժեքի իրացումը հաշվետու ժամանակահատվածում Կապանում կազմել է 17 հազար ունցիա, իսկ դրամական ծախսերը`795 դոլար մեկ ունցիայի դիմաց, 1.186 դոլար/ունցիայի փոխարեն, նվազելով 33%: 2016-ի 2-րդ կիսամյակում այդ ցուցանիշը կազմել է 865 դոլար/ունցիա: Ըստ հաշվետվության, ծախսերի նվազումը տեղի է ունեցել արտադրական և ֆինանսական առողջացման շնորհիվ, ինչպես նաև ստորգետնյա լեռնային աշխատանքներում նեղ վայրերը վերացնելու հաշվին:
Նշվում է, որ ընկերությունների խմբի գծով 2017-ի առաջին կիսամյակում մեկ ունցիայի գծով ծախսերը նախորդ տարվա նույն ժամանակահատվածի համեմատ ավելացել են 28%, իսկ 2016-ի 2-րդ կիսամյակի համեմատ`9%, կազմելով 656 դոլար/ունցիա: Ռուսական ռուբլու փոխարժեքի շարունակվող աճը բացասական ազդեցություն կունենա ծախսերի վրա դոլարային արտահայտությամբ, ինչը մասնակիորեն փոխհատուցվում է կայուն գործառնական արդյունքներով Վարվարի և Սվետլոյի հանքավայրերում, ինչպես նաև Կապանի ԼՀԿ-ում:
Միևնույն ժամանակ, մեկ ունցիա ոսկու համարժեքի դրամական ընդհանուր ծախսերը 2017-ի առաջին կիսամյակում Կապանի հանքավայրում կազմել են 1,197 ԱՄՆ դոլար / ունցիա, 2016-ի առաջին կիսամյակի 1.930 ԱՄՆ դոլար/ունցիայի փոխարեն, նվազելով 38%: Անցյալ տարվա երկրորդ կեսին դրանք կազմել են 1,184 ԱՄՆ դոլար / ունցիա:
Ըստ զեկույցի, այսպես կոչված, ճշտված EBITDA-ն Կապանի ձեռնարկության գծով 2017-ի առաջին կիսամյակի ավարտին կազմել է 7 մլն.դոլար, մինչդեռ, նախորդ տարվա նույն ժամանակահատվածի վերջին գտնվել էր 2 մլն.դոլար բացասական մակարդակում:
Հիշեցնենք, որ Կապանի լեռնահարստացուցիչ կոմբինատը (ԼՀԿ) Polymetal International plc խմբի անդամ է, 2017-ի առաջին կիսամյակում վերամշակել է 246 հազար տոննա հանքանյութ: Միայն II եռամսյակում վերամշակման ծավալները կազմել են 132 հազար տոննա, ոսկու պարունակությունը մեկ տոննա հանքաքարում կազմել է է 2.6 գրամ, ինչը 17% ավելի է 2016-ի 2-րդ եռամսյակի համեմատ, իսկ արծաթի պարունակությունը կազմել է 45 գրամ (+6%), պղինձ – 0.32% (+18%), ցինկ – 1.31% (-13%): Ընդ որում, ոսկու կորզման գործակիցը կազմել է 86.3% (+ 3%), արծաթինը` 84.9% (+ 1%), պղինձ`91,6% (-1%) և ցինկ` 90.8% (0%): Արդյունքում, II կիսամյակում ոսկու արտադրության ծավալը կազմել է 8,6 հազար ունցիա (առաջին վեց ամիսներին`14.4 հազ. տոննա), արծաթ - 0,1 միլիոն ունցիա (02 միլիոն տոննա), պղինձ - 0,3 հազար տոննա (06 հազար տոննա) և ցինկ - 1,2 հազար տոննա (2,3 հազար տոննա): Գրեթե բոլոր կորզվող մետաղների գծով ընկերությունն արձանագրել է արտադրությն ավելի քան երկնիշ աճ` ոսկի - 153%, արծաթ - 128%, պղինձ - 145% և Ցինկ - 73%:
Հիշեցնենք, որ Polymetal ընկերութոյւնն իր գործունեությունը Հայաստանում սկսել է 2015 թվականից, ձեռք բերելով «Լիճքվազ» ՓԲԸ-ն, որն ուներ ընդերքի օգտագործման իրավունք, կապված Լիճքվազ-Թեյի ոսկու հանքավայրերի շահագործման հետ, որտեղ ստորգետնյա հանքավայրի շահագործման հանձնելուց հետո տարեկան կարդյունահանի 300 հազար տոննա հանքանյութ: Հանքանյութը կվերամշակվի Կապանի ԼՀԿ-ում, որն ընկերությունը ձեռք է բերել 2016-ի ապրիլին:
Աշխարհում առաջնային արծաթի խոշորագույն արտադրողներից մեկը` Polymetal-ը, Ռուսաստանի ոսկի արդյունահանող առաջատար ընկերությունների եռյակում է: Թանկարժեք մետաղների արդյունահանում և երկրաբանահետախուզական աշխատանքներ է իրականացնում Ռուսսատանում, Ղազախստանում և Հայաստանում: Polymetal Int-ն ինքնուրույն է իրակաանցնում հանքավայրերի յուրացման աշխատանքների ողջ համալիրը` երկրաբանական հետախուզումից մինչև շահագործում: Ռազմավարության գլխավոր տարրը վերամշակման կենտրոնների ստեղծումն է, որոնք թույլ են տալիս արդյունավետությամբ և պատասխանատվությամբ օգտագործել ֆինանսական և մարդկային ռեսուրսները, նպաստում են ներդրված կապիտալի բարձր եկամտաբերության հասնելուն: 2011 թվականի նոյեմբերին Polymetal Int-ը` առաջինը ռուսական ընկերություններից, մրցանակային ցուցակում է ստացել Լոնդոնի ֆոնդային բորսայում (թիքեր POLY):
Հավելենք, որ «Պոլիմետալի» բաժնետիրական կապիտալի շուրջ 27% -ի վերջնական շահառուն (LSE, Մոսկվայի բորսայի: POLY, ADR `AUCOY) Ալեքսանդր Նեսիսի «ԻՍՏ» խումբն է, ընկերության 13%-ը պատկանում է Պյոտր Կելների չեխական PPF Group NV-ին: Բացի այդ, կանոնադրական կապիտալի շուրջ 1%-ը վերահսկում է ընկերության տնօրենի մենեջմենթը, 19%-ը` մասնավոր անձինք, և 40%-ը` անհատ ներդրողներ:
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
Արժեւորվող դրամին առնչվող դրամա. արդյո՞ք երկար կտեւի. Հայկազ Ֆանյան
Հայաստանի գնաճը սոցիալական աղետ է. տնտեսագետ