Ուրբաթ, 8 Սեպտեմբերի 2017 17:19

Արմինֆո. Ռուսաստանը գոհ է Հայաստանի հետ առևտրի շրջանառության մակարդակից: Այս մասին սեպտեմբերի 8-ին Երևանում լրագրողներին հայտնել է Ռուսաստանի արդյունաբերության և առևտրի նախարարի առաջին տեղակալ Գլեբ Նիկիտինը:

Ըստ նրա, այս փուլում շրջանառության դինամիկան դրական է, «թեև եղան ճգնաժամային տարիներ և ոչ միայն հայ-ռուսական հարաբերություններում, ընդ որում, սկզբունքորեն, ամբողջ արտաքին առևտրական գործունեությունում դրանք այնքան էլ հաջող չէին»: «Այժմ առևտրի շրջանառությունն աճում է, ռուսական արտահանումը առաջին հինգ ամիսներին նախորդ տարվա համեմատ աճել է մոտ 30%», - ասել է Նիկիտինը: Դրանից ելնելով, ինչպես նշել է փոխնախարարը, անհնար է այդ դինամիկան դիտել հոռետեսորեն: «Մենք բավարարված ենք, գտնում ենք ենք, որ ներուժը շատ ավելի մեծ է, դեռ շատ անելիքներ կան: Առաջին հերթին պետք է իրականացնել կոոպերացիա, ոչ թե առևտրի, այլ համատեղ ծրագրերի: Կարծում եմ, որ Հայաստանի հնարավորութոյւններն այս մասով թերի է գնահատված ռուսական արդյունաբերողների և ներդրողների կողմից, և մենք դրա վրա պետք է աշխատենք», - ասել է ՌԴ արդյունաբերության և առևտրի նախարարի առաջին տեղակալը:

Նշենք, որ համաձայն ՀՀ Ազգային վիճակագրական ծառայության տվյալների, առևտրի շրջանառությունը Հայաստանի և Ռուսաստանի միջև 2017-ի I կիսամյակում աճել է 23,7%, մինչև $ 737,5 մլն: Դա պայմանավորված էր արտահանման 27.3% աճով, մինչև $ 219,3 մլն, իսկ ներմուծումն աճել է 22.3%, մինչև  518.2 մլն դոլար:

Ըստ Եվրասիական տնտեսական հանձնաժողովի տվյալների, փոխադարձ առևտրի ծավալը Հայաստանի և ԵԱՏՄ միջև 2016 թվականի արդյունքներով կազմել է 392.1 մլն դոլար, տարեկան աճը`ավելի քան 53%: Հայաստանի գրեթե ողջ առևտուրը բաժին է ընկնում Ռուսաստանին (95%): Իսկ ԵԱՏՄ մյուս երկրների հետ Հայաստանի առևտրի շրջանառության աճը հետևյալն է`Ղազախստան - 43%, Բելառուս - 2,1 անգամ, իսկ Ղրղզստանի հետ, գրեթե եռապատկվել է: Ըստ ԵՏՀ ինտեգրման և մակրոտնտեսագիտության գծով նախարարի Տատյանա Վալովայայի, անցյալ տարի Հայաստանը ԵԱՏՄ-ում զբաղեցրել է առաջին տեղը արդյունաբերական արտադրության աճի տեմպերով`մոտ 6,7%: Գրեթե նույն ցուցանիշն է արձանագրել գյուղատնտեսական արտադրությունը: Ամենից շատ աճել է մրգերի, ալկոհոլային և ոչ ալկոհոլային խմիչքների արտահանումը: Հայաստանի գլխավոր արտաքին տնտեսական գործընկերը Ռուսաստանն է, որի մասնաբաժինը 2016-ին կազմել է հանրապետության ողջ արտաքին առևտրի մոտ մեկ քառորդը (24.3%): Երկու երկրների միջև ընդհանուր ապրանքաշրջանառությունն անցյալ տարի, ըստ Ռուսաստանի դաշնային մաքսային ծառայության, կազմել է ավելի քան 1.3 մլրդ. դոլար: