Երևանում կկայանա «Ոչ էներգետիկ նպատակներով ատոմային տեխնոլոգիաների օգտագործումը` մարդկանց կյանքի որակի բարձրացման համար՚ սեմինարը

Արմինֆո. Սեպտեմբերի 15-ին Երևանում  Ռուսական գիտության և մշակույթի կենտրոնում «Ռոսատոմի՚ մասնակցությամբ կկայանա «Ոչ էներգետիկ նպատակներով ատոմային տեխնոլոգիաների օգտագործումը` մարդկանց կյանքի որակի բարձրացման համար՚ սեմինարը:

Միջոցառումը կազմակերպվել է միջուկային էներգետիկայի ոլորտում Ռուսաստանի և Հայաստանի համագործակցության շրջանակում: Հայաստանում ատոմային էներգետիկան կարևոր դեր է խաղում, մինչդեռ ատոմային (ճառագայթային) տեխնոլոգիաների կիրառման հնարավորությունները զգալիորեն ավելի լայն են: Հաճախ մենք, նույնսկ, չգիտենք որ արևադարձային մրգերը, ավտոդողերը, բջջային հեռախոսների չիպերը, թանկարժեք քարերն ու շատ այլ բաներ մեզ մոտ հայտնվում են ճառագայթային տեխնոլոգիաների կիրառմամբ մշակումից հետո: Ինչպե՞ս միջուկային բժշկության եղանակների օգնությամբ հաղթել քաղցկեղին, ի՞նչ է կիբեր-դանակը, ինչպե՞ս են միջուկային տեխնոլոգիաները ավելացնում բերքը, ինչպի՞սի շարժիչը կարող է տիեզերանավը հասցնել այլ գալակտիկաներ: Այս և այլ հարցերի պատասխանները կտան Ռուսաստանի, Ուկրաինայի և Բելառուսի փորձագետները:

Հիշեցնենք, որ «Ռոսատոմ՚ պետական կորպորացիան Հայաստանի գործընկերն է Մեծամորի ԱԷԿ արդիականացման նախագծում և ՀԱԷԿ-ն ապահովում է միջուկային վառելիքով: Երևանում Ռուսական գիտության և մշակույթի կենտրոնը բացվել է 2009 թվականի ապրիլին: Կենտրոնի գործունեթյան հիմնական ուղղություններն են երկկողմ հումանիտար համագործակցության զարգացումը մշակույթի, գիտության և կրթության բնագավառում, աջակցությունը ռուսաստանցիներին և ռուսական ոչ կառավարական կազմակերպություներին և այլն :