«Կոնվերս Բանկ» ՓԲԸ 1 մլրդ.դրամ ծավալով դրամային պարտատոմսերը ցուցակվել են ՆԱՍԴԱՔ ՕԷՄԷՔՍ Արմենիայում

Արմինֆո. 2017թ.-ի սեպտեմբերի 15-ին «ԿՈՆՎԵՐՍ ԲԱՆԿ» ՓԲԸ -ի ՀՀ դրամով արտահայտված արժեկտրոնային պարտատոմսերը ցուցակվել և ընդգրկվել են ՆԱՍԴԱՔ ՕԷՄԷՔՍ Արմենիայի պարտատոմսերի հիմնական (Abond) ցուցակում, ինչպես նաև ցուցակման պահից թույլատրվել են նշված պարտատոմսերով հասցեական առևտուրը և ռեպո գործարքների կնքումը: 

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, ընկերության պարտատոմսերի նշված թողարկումը ներառում է 10,000 հատ անվանական, արժեկտրոնային պարտատոմս` 100,000 ՀՀ դրամ անվանական արժեքով, արժեկտրոնի 10.5% տոկոսադրույքով և 24 ամիս շրջանառության ժամկետով: Պարտատոմսերը (ISIN - AMCOVSB23ER7) բորսայում կշրջանառվեն COVSB3 բորսայական հապավմամբ:

ՆԱՍԴԱՔ ՕԷՄԷՔՍ Արմենիայում ցուցակված և առևտրին թույլատրված արժեթղթերի մասին լրացուցիչ տեղեկությունները հասանելի են ընկերության պաշտոնական կայքի (www.nasdaqomx.am) «Ֆինանսական գործիքներ» բաժնում:  

Այս տարի սա Կոնվերս բանկի կողմից թողարկված պարտատոմսերի երկրորդ տրանշն է: Մասնավորապես, առաջինը`6 մլն դոլար ծավալով, թողարկվել է 2017 թ. մայիսի 5-ին, որի առաջնային տեղաբաշխումն ավարտվել է մայիսի 16-ին, որից հետո, մայիսի 26-ին այդ հարցը (COVSB2) ցուցակվել է ՆԱՍԴԱՔ ՕԷՄԷՔՍ Արմենիա բորսայում և այդ պահից շրջանառվում է կորպորատիվ պարտատոմսերի շուկայում, Abond հիմնական ցուցակում: Դոլարային թողարկումը պարունակում է 60,000 արժեկտրոնային պարտատոմսեր, որոնց անվանական արժեքը կազմում է 100 դոլար, մարման ժամկետը`2 տարի, արժեկտրոնային եկամտաբերությունը - տարեկան 5.75%: Արժեկտրոնի վճարումները տրամադրվում են յուրաքանչյուր վեց ամիսը մեկ անգամ:

Կոնվերս Բանկ ՓԲԸ-ն գործում է 1996 թվականի սեպտեմբերից: 2017 թվականի հուլիսի 1-ի դրությամբ Բանկի բաժնետերերն են`«Ըդվանսդ Գլոբալ Ինվեսթմենթս» ԷլԷլՍի-ն (80.94 տոկոս), «ՀայՓոստ Թրասթ Մենեջմենթ» Բի. ՎԻ. Ընկերությունը (14.06 տոկոս) և Հայաստանյաց Առաքելական Սուրբ Եկեղեցին (5 տոկոս): 2017 թվականի հուլիսի 1-ի դրությամբ Կոնվերս բանկի ակտիվները կազմել են 217.3 մլրդ դրամ, պարտավորությունները`183.3 մլրդ դրամ, ընդհանուր կապիտալը` 34.1 մլրդ դրամ: