Ուրբաթ, 15 Սեպտեմբերի 2017 17:00

Արմինֆո. «Եվրոպական բիզնեսը լավ ապագա ունի Հայաստանում», - սեպտեմբերի 15-ին իր ողջույնի խոսքում հայտրարել է  Հայաստանում Եվրոպական Միության պատվիրակության ղեկավար, դեսպան Պետր Սվիտալսկին «Եվրոպան Հայաստանում Էքսպոյում» ցուցահանդեսի բացման ժամանակ:

Միջոցառումը, ըստ դեսպանի, առաջին հերթին նպատակ ունի եվրոպական պետությունների համար բացել Հայաստանի դռները: «Մենք ցանկանում ենք, որ Հայաստանը Եվրոպայում ընկալվի որպես մերձավոր և բարեկամական երկիր», - ընդգծել է նա:

Միևնույն ժամանակ դեսպանը նշել է եվրոպական տարածքի շրջանակներում գրանցված հայաստանյան բիզնեսի հաջողությունները: Հիշեցնելով վարչապետ Կարապետյանի վերջին հայտարարությունը դեպի ԵՄ շուկաներ Հայաստանի արտահանման ծավալների մասին, որոնք գերազանցում են դեպի ԵԱՏՄ երկրներ մատակարարումները, Սվիտալսկին նշել է. «ԵՄ-ն Հայաստանի համար ամենամեծ արտահանման շուկան է: Եվ մենք շատ տպավորված ենք նման դրական դինամիկայով, քանի որ բիզնեսի մուտքը եվրոպական շուկա շատ ավելի բարդ գործընթաց է, քան դեպի ԵԱՏՄ: Եվ այդ կապակցությամբ  ցանկանում եմ շնորհավորել հայ գործարարներին»: Այս կապակցությամբ նա նաև ներկայացրեց եվրոպական ձեռնարկատերերի դրական արձագանքները հայկական շուկայի մասին, կապված Կ. Կարապետյանի թիմի կողմից հարկային և մաքսային ոլորտներում կատարված փոփոխությունների հետ:

Սակայն, արտահանման ոլորտում արձանագրված դրական ցուցանիշների ֆոնի վրա դեսպանը մտահոգություն է հայտնել ներմուծման կրճատման առումով: «Այնուամենայնիվ, հուսով եմ, որ Հայաստանի նման երկիրը եվրոպական տեխնոլոգիաների և ժամանակակից մ,շակումների կարիք կարող է ունենալ», - ասել է նա:

ԳՆահատելով ներդրումային հնարավորությունները, Պ.Սվիտալսկին ընդգծել է, որ ԵՄ-ը Հայաստանում ամենամեծ ներդրողն է, սակայն, ըստ դեսպանի, երկրի ներդրումային ներուժը շատ ավելի բարձր է: Այս առումով նա նշել է Հայաստանի և ԵՄ միջև շրջանակային համաձայնագրի առաջիկա ստորագրման կարևոր դերը:

Միևնույն ժամանակ, եվրոպական դիվանագիտական ​​առաքելության ղեկավարը ՀՀ կառավարությանը կոչ է արել ավելի ակտիվ դիրք գրավել արտասահմանյան կապիտալ ներգրավելու հարցում: «Այսօր երկրները ներդրումների ներգրավման հարցում միմյանց հետ ուժեղ մրցակցության մեջ են գտնվում: Եվ այս գործընթացին ակտիվ մասնակցելով միայն կարելի է հասնել հաջողությունների», - ընդգծել է նա:

Նշենք, որ «Եվրոպան Հայաստանում Էքսպո» ցուցահանդեսում ներկայացվել են շուրջ 30 ձեռնարկությունների տաղավարներ, որոնք գործում են հայկական շուկայում եվրոպական կապիտալով, ինչպես նաև խթանելով բիզնեսի կառույցներին: Միջոցառման շրջանակներում նախատեսվում են գործնական հանդիպումներ և կլոր սեղաններ, որտեղ մասնակիցները կքննարկվեն զբոսաշրջության, արտահանման և բիզնես խորհրդատվության հետ կապված հարցեր: «Եվրոպան Հայաստանում Էքսպո» -ն ընթանում է Հայաստանի կառավարության և ԵՄ երկրներին աջակցությամբ:

Ըստ ՀՀ Ազգային վիճակագրական ծառայության տվյալների, Հայաստանի և ԵՄ միջև առևտրի շրջանառությունը 2017 թվականի հունվար-հուլիսին կազմել է 816.1 մլն դոլար, տարեկան աճը`22.9%: Մասնավորապես, արտահանումն աճել է 31.9% և կազմել 355.1 մլն դոլար, իսկ ներմուծումը`16.8%, մինչև 461 մլն դոլար: