1000 ՄԲ անվճար ինտերնետ «My Beeline Armenia» հավելվածը ներբեռնելու համար

Արմինֆո. Beeline-ը հայտարարում է «My Beeline Armenia» բջջային հավելվածի նոր ակցիայի մասին:

Ս.թ. սեպտեմբերի 15-ից մինչև հոկտեմբերի 15-ը Beeline-ի բաժանորդները՝ իրենց բջջային հեռախոսների վրա ներբեռնելով «My Beeline Armenia»  բջջային հավելվածը և գրանցվելով հավելվածում, կստանան 30 օրվա ընթացքում 1000 ՄԲ անվճար ինտերնետից օգտվելու հնարավորություն:

«Մենք աշխատում ենք մեր բաժանորդների համար ստեղծել ժամանակակից տեխնիկական լուծումներ թվային ոլորտում և տրամադրել շահավետ առաջարկներ: Համոզված եմ, որ այս հավելվածն առաջին իսկ օգտագործումից հետո կդառնա բաժանորդների լավագույն օգնականը և դրա շնորհիվ մեր ծառայությունները  էլ ավելի պարզ ու հարմար կդառնան», – նշեց Հայաստանում Beeline-ի Գլխավոր տնօրեն Անդրեյ Պյատախինը։

«My Beeline Armenia» հավելվածի միջոցով բաժանորդը կարող է հեշտությամբ կառավարել հաշիվը, տեսնել մնացորդը,  միացնել կամ անջատել կապի ծառայությունները, ստանալ հաշվի վերծանում, սակագնային փաթեթի և միացված ծառայությունների վերաբերյալ տեղեկատվություն, կատարել առցանց վճարումներ և mShop-ի միջոցով պատվիրել SIM-քարտ, սմարթֆոն և այլն: Հավելվածը անվճար կարելի է ներբեռնել Play Market, App Store և Windows հարթակներից, իսկ վեբ տարբերակով մուտք գործելու համար հարկավոր է անցնել im.beeline.am հղումով։

* * *

 «ԱրմենՏել» ՓԲԸ-ն (Beeline ապրանքանիշ) հանդիսանում է «Վեոն» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան  200 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում,: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում: