Արմինֆո. Էյչ-Էս-Բի-Սի-ն աշխարհի խոշորագույն ընկերություններից մեկն է առևտրի ֆինանսավորման ծառայությունների մատուցման ոլորտում: Այն կարևոր դերակատարում ունի միջազգային առևտրի ձևավորման և կազմակերպման գործում 1865թ.-ից ի վեր:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, ժամանակակից սարքավորումների ներմուծումները թույլ են տալիս տեղական ընկերություններին հաստատվել միջազգային շուկայում և լինել մրցունակ՝ համընթաց քայլելով ներկայիս փոփոխվող պայմաններին: Սարքավորումների ներմուծման ֆինանսավորման համար ս.թ. սեպտեմբերից HSBC Հայաստանը տեղական բիզնեսներին տրամադրում է միջազգային չափանիշներով մրցունակ տոկոսադրույք՝ սկսած 4% տարեկան, մինչև հինգ տարի հետաձգված վճարման հնարավորությամբ: Առևտրի ֆինանսավորման այս եղանակը գործում է բժշկական, ջերմոցային, շինարարական, գյուղատնտեսական, արտադրական հոսքագծերի և այլ սարքավորումների ներմուծման համար:
«Լինելով խոշորագույն առևտրային բանկերից մեկն աշխարհում, որը ներառում է միջազգային առևտրի 90 տոկոսը, մենք հստակ գիտակցում ենք կարևորությունը օգնելու տեղական տնտեսվարողներին հասկանալու միջազգային առևտրի կազմակերպման հնարավորություններն ու ռիսկերը այս հաճախակի փոփոխվող բիզնես միջավայրում», - նշում է Արտակ Պետրոսյանը` HSBC Բանկ Հայաստանի առևտրի ֆինանսավորման բաժնի կառավարիչը:
Տեղական ներմուծողները կարող են օգտվել աշխարհի ավելի քան 60 երկրների HSBC խմբի առևտրի ֆինանսավորման փորձագետների աջակցությունից: «Երբ Ձեր բիզնեսը հատում է Հայաստանի սահմանը, Էյչ-Էս-Բի-Սի Բանկը Ձեր կողքին կլինի մյուս կողմում», - վստահեցնում է Արտակ Պետրոսյանը:
Ս.թ. սեպտեմբերի 15-17, HSBC Հայաստանն առևտրի ֆինանսավորման իր գործիքներն ու ծառայությունները ցուցադրեց «Եվրոպան Հայաստանում էքսպո» խորագրով ցուցահանդեսին: Ցուցահանդեսի շրջանակում բանկը ներկայացրեց իր առաջարկը և հնարավորություն ունեցավ առևտրի զարգացմանն ուղղված համագործակցության հեռանկարներ քննարկել Եվրոպական միության երկրների, տեղական գործարարների և ընկերությունների հետ:
Նշենք, որ HSBC խմբի գլխավոր գրասենյակը գտնվում է Լոնդոնում: Խումբը ներկայացված իր ավելի քան 3900 գրասենյակների միջոցով Եվրոպայի, Ասիայի, Հյուսիսային և Լատինական Ամերիկայի, Մերձավոր Արևելքի և Հյուսիսային Աֆրիկայի 67 երկրներում: HSBC-ն հանդիսանում է աշխարհի խոշորագույն և հզոր ֆինանսական խմբերից մեկը: HSBC ակտիվները 2017-ի ապրիլի 1-ին կազմել են $ 2,416 մլրդ: Հեղինակավոր բրիտանական Euromoney հրատարակությունը 2017-ի հուլիսին HSBC- ն ճանաչել է լավագույն բանկն աշխարհում, պարգևատրելով «Գերազանցություն 2017» մրցանակով, որն առավել հեղինակավոր մրցանակն է ֆինանսական ծառայությունների ոլորտում: Բացի այդ, HSBC- ն արժանացել է «Լավագույն ներդրումային բսնկն Արևմտյան Եվրոպայում ֆինանսավորման ոլորտում» մրցանակին, ինչպես նաև արժանացել է «Լավագույն Բանկը Արևմտյան Եվրոպայում», «Լավագույն Բանկը Հարավային Ամերիկայում», «Լավագույն բանկը Ասիայում», «Լավագույն բանկը Հոնկոնգում», «Լավագույն ներդրումային բանկը Հոնկոնգում», «Լավագույն ներդրումային բանկը Մերձավոր Արևելքում», «Լավագույն ներդրումային բանկը Սաուդյան Արաբիայում» <Լավագույն ներդրումային բանկը Քաթարում» և «Լավագույն բանկը Օմանում» մրացնակներին:
Հիշեցնենք, որ HSBC Բանկ Հայաստանը, որը հանդիսանում է HSBC խմբի անդամ, Հայաստանում գրանցվել է 1995-ից: Բանկի բաժնետերերն են`HSBC Europe BV- 70% բաժնեմասով և Wings Establishment ընկերությունը - 30%: 2017 թվականի հուլիսի 1-ի դրությամբ բանկի ակտիվները կազմել են 215 մլրդ դրամ (444.7 մլն դոլար):
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները
Հայաստան ներմուծվող ցորենի ավելի քան 99,9%-ը ստացվում է Ռուսաստանից