Հայաստանի արդյունաբերողների և գործարարների միության ղեկավարը Սփյուռքի ներդրողներին խոստացավ բարձր եկամտաբերության մակարդակ

Արմինֆո. Հայաստանի Արդյունաբերողների և գործարարների միության նախագահ Արսեն Ղազարյանը, սեպտեմբերի 19-ին «Հայաստան-Սփյուռք» համահայկական Ֆորումի շրջանակներում սփյուռքահայերին կոչ է արել  ներդրումներ կատարել Հայաստանի տնտեսության մեջ:

Ներկայացնելով Հայաստանի ներդրումային գրավչությունը, Ղազարյանը, առաջին հերթին, ներդրողներին խոստացել է բարձր եկամտաբերություն: «Հայաստանում շահութաբերության բարձր մակարդակը պայմանավորված է ոչ միայն համեմատաբար էժան աշխատուժով և էլեկտրաէներգիայի պաշարների էժանությամբ, այլ նաև այն հանգամանքով, որ մենք ունենք անցումային տնտեսություն», - ասաց նա:

Բացի այդ, ըստ Ղազարյանի, Հայաստանում, ի տարբերություն շատ ու շատ երկրների,  կառավարությունը ներդրողների շահերի պահապանն է, մասնավորապես, տրամադրելով նրանց հարկային արտոնություններ:

Արսեն Ղազարյանը, դիմելով Սփյուռքի գործարարների ներկայացուցիչներին, կոչ է արել գործարարությամբ զբաղվել Հայաստանում: Փորձագետի կարծիքով, Հայաստանն արտաքին շուկաների հետ կապված խնդիրներ չունի, կան արտադրական  հզորությունների հետ կապված խնդիրներ: «Ներդրումներ կատարեք և աշխատեք Հայաստանում: Հանրապետություն բիզնեսին տրամադրված են արտահանման զանազան արտոնություններ, ինչը Հայաստանը չի օգտագործում է լրիվ ուժով, ծավալների անբավարարության պատճառով: Ժամանակն է Հայաստանը դիտարկել որպես տարածաշրջանային մասշտաբներով լուրջ արդյունաբերական ծառայություններտրամադրող երկիր: Թող Էդուարդո Էռնեկյանի լավ օրինակ ծառայի մյուս ձեռնարկատերերի համար», - ասել է Արսեն Ղազարյանը` հավելելով, որ «եթե 100 Էռնեկյաններ որոշեն բիզնեսով զբաղվել Հայաստանում, երկիրը կգերազանցի Իսրայելի աճը»: «Սփյուռքի ներդրողը պետք է ավելի ակտիվ լինի` չէ որ մենք նրա կողքին ենք», - եզրափակել է Արսեն Ղազարյանը: