Երկուշաբթի, 25 Սեպտեմբերի 2017 19:20

Արմինֆո. «Հյուսիս-հարավ» մայրուղու Աշտարակ-Լանջիկ հատվածի 1 կմ կառուցումը 3.5 մլն. դոլար: Այս մասին «Ազատություն» ռադիոկայանի հետ հարցազրույցում հայտարարել է Հայաստանում Ասիական զարգացման բանկի հայաստանյան ներկայացուցչության գրասենյակի տնօրեն Շեյն Ռոզենթալը, համեմատության համար նշելով, որ Երևան - Աշտարակ և Երևան - Արտաշատ արդեն կառուցված հատվածներն, օրինակ, արժեցել են 1 կմ-ի համար 2 միլիոն դոլար:

Ճանապարհի մնացած 350 կիլոմետրի՝ Արտաշատից Մեղրի և Գյումրիից Բավրա անավարտ հատվածների մասով աշխատանքներ սկսելու վերաբերյալ այս պահին կոնկրետ ծրագրեր չկան, և ԱԶԲ-ին դեռևս հայտ չի ներկայացվել այդ աշխատանքները ֆինանսավորելու համար:

Ի սկզբանե նախատեսված էր շինարարույթունն ավարտել 2016 թվականին, բայց նույնիսկ այսօր լիազորված պաշտոնյաները խուսափում են նշել այդ ծրագրի ավարտի հստակ ժամկետը:

Նշենք, որ Հայաստանը 2005 թվականից ԱԶԲ-ի մասնակից է և այդ ժամանակից Հայաստանում գործում է ԱԶԲ ներկայացուցչությունը: Մինչ այժմ բանկը հաստատել է 25 վարկային ծրագիր՝ 1,19 մլրդ դոլար արժողությամբ, տեխնիկական աջակցության 24 դրամաշնորհներ՝ 15,2 միլիոն ընդհանուր արժողությամբ: Ասիական զարգացման բանկն այս տարի բոլորում է իր գործունեության 50-ամյակը: Հայաստանն այս կառույցին անդամակցում է 2005 թվականից:

Հիշեցնենք, 556 կիլոմետր ընդհանուր երկարություն ունեցող «Հյուսիս–Հարավե միջանցքը ելք կապահովի դեպի Սև ծով և եվրոպական երկրներ Հայաստանի (Մեղրի–Կապան–Գորիս–Երևան–Աշտարակ–Գյումրի–Բավրա) և Վրաստանի տարածքներով։ 1 մլրդ դոլար արժողությամբ ներդրումային ծրագիրն նպատակաուղղված է Հայաստանի հյուսիսի (Վրաստանի հետ սահմանում) և հարավի (Իրանի հետ սահմանում) կապի ապահովմանը տրանսպորտային այնպիսի հաղորդակցությունների միջոցով, որոնք բավարարում են միջազգային բարձր չափանիշներն ու ելք են ապահովում դեպի համաշխարհային շուկաներ։ Ավտոճանապարհը կունենա բետոնե ծածկույթ: Նախագծի իրագործման համար Հայաստանը 500 մլն դոլարի վարկ է ներգրավել Ասիական զարգացման բանկից: Եվս 150 մլն դոլար կտրամադրի Եվրասիական զարգացման բանկը: Հայկական կողմը նախագծի իրացման համար նաև 60 մլն դոլար է ներգրավել Եվրոպական ներրդումային բանկից: Միջանցքի շինարարությունը նախատեսվում է լիովին ավարտել 2019 թվականին: «Հյուսիս-Հարավ» ծագրի առնչությամբ Հայաստանի կառավարությունը հաշվարկել է 2,5 դոլարի խնայողություն յուրաքանչյուր ուղևորի մեկ ժամվա երթևեկության և 1-ական դոլարի խնայողություն 1 տոննա բեռի փոխադրման 1 ժամվա համար: Ինչպես ակնկալում են Հայաստանի իշխանությունները, ծրագիրը թույլ կտա  ապագայում մեղմել Ադրբեջանի և Թուրքիայի կողմից շրջափակման հետևանքները, ստանձնել տարանցիկ  պետության դեր տարածաշրջանի երկրների բեռանփոխադրումներում, ինչպես նաև միանալ Սևծովյան օղակաձև ավտոմայրուղուն: