Արմինֆո. Հայկական ատոմակայանի անձնակազմը բաց է շփման համար, փորձում է իրագործել այն լավագույնը, ինչ առաջարկում են այլ երկրների մասնագետները: Այդ մասին ԱրմԻնֆո-ի թղթակցի հետ զրույցում հայտարարել է Ուկրաինայի Խմելնիցկի ԱԷԿ-ի վերահսկողության տեսուչ Կոնստանտին Կոբան՝ մեկնաբանելով Հայկական ԱԷԿ-ում աշխատանքի պահպանության միջոցառումների պլանավորման և ներդրման գործընկերային ստուգմանն իր մասնակցությունը:
Ինչպես նշել է փորձագետը, առաքելությունն իրականացվել է ացած տարվա հոկտեմբերին՝ Ատոմային էլոկտրակայանների օպերատորների համաշխարհային
ասոցիացիայի հետ համագործակցության շրջանակներում: Կոնստանտին Կոբան ընդգծել է, որ այդ համագործակցության շրջանակներում գործում են ամբողջ աշխարհում ատոմակայանների անվտանգության և հուսալիության բարձրացմանն ուղղված բազմաթիվ նախագծեր: Տեխնիկական աջակցության առաքելությունները, որոնցից մեկն անցկացվել է ՀԱԷԿ-ում, ատոմակայանների օպերատորների հետ կիսվում են կայանների առջև ծառացած խնդիրների լուծման հարցում իրենց փորձով: «Ես մասնակցել եմ նման մի քանի միջոցառումների: «Ինձ միշտ դուր է եկել մասնակցել նման միջոցառումների, քանի որ այցելելով հաջորդ անգամ՝ տեսել եմ, որ նախորդ ստուգումների արդյունքներն զգալի դրական տեղաշարժերի են հանգեցրել»,- նշել է մասնագետը:
Կոնստանտին Կոբան ընդգծել է, որ Հայաստանը լայնորեն ներկայացված է ատոմային էներգետիկայի ոլորտում միջազգային կազմակերպությունների աշխատանքում: «Գիտեմ, որ տարբեր երկրներում իմ գործընկերները ծանոթներ ունեն Հայաստանից՝ ներառյալ վերահսկողական մարմինների ներկայացուցիչները: Այդ պատճառով եզրակացնում եմ, որ Հայաստանը ոչ միայն ստանում է լավագույն միջազգային փորձը, այլ նաև ներկայացնում է իր ձեռքբերումները»,- ասել է նա:
Խոսելով ՀԱԷԿ-ում ՄԱԳԱՏԷ-ի և Ատոմային էլոկտրակայանների օպերատորների համաշխարհային ասոցիացիայի փոխգործակցության մասին՝ փորձագետն ընդգծել է, որ տեխնիկական առաքելության գլխավոր նպատակը միջուկային օբյեկտի շահագործման անվտանգության բարձրացոմն է: «Հայկական ԱԷԿ-ը կատարում է Հայաստանի կարգավորող մարմնի բոլոր պայմանները, իսկ այն իր հերթին պահանջում է ՄԱԳԱՏԷ-ի՝ Հայաստանի կողմից վավերացված պահանջների կատարում: Կարելի է խոսել միջազգային նորմերի համապատասխանության և կատարման մասին: Հաշվի առնելով հրդեհային անվտանգության և աշխատանքի պահպանության բնագավառում ավելի կոշտ նորմատիվ իրավական կարգավորումը՝ ՀԱԷԿ-ն ավելի պաշտպանված է, քան Եվրոպայի կայանների մեծ մասը: Ընդհանուր առմամբ, նրա կարծիքով, հասարակությունը պետք է պաշտպանված զգա իրեն, քանի որ միջազգային կազմակերպությունների հետ սերտ համագործակցությունն ավելի անվտանգ ու թափանցիկ է դարձնում ԱԷԿ աշխատանքը»,- ասել է Կոնստանտին Կոբան:
Նրա կարծիքով, ատոմային էներգետիկայի բնագավառում Հայաստանի և Ուկրաինայի միջև համագործակցության ընդլայնման հեռանկարները խոստումնալից են: «Ուկրաինայի Ռովենի ԱԷԿ-ում մենք շահագործում ենք այնպիսի բլոկներ, ինչպես՝ ՀԱԷԿ-ում, այդ պատճառով այդ հարթակների միջև շահագործման փորձի փոխանակումն առավել հեռանկարային է:
ՀՀ կառավարությունը 2014 թվականի մարտին որոշում կայացրեց ՀԱԷԿ երկրորդ էներգաբլոկի շահագործման ժամկետի երկարաձման վերաբերյալ՝ կապված նոր ատոմային էներգաբլոկի կառուցման հետաձգման հետ: «Ռոսատոմ» ընկերությունը հայ փորձագետների հետ միասին համաձայնել է աշխատել ծրագրի՝ 10 տարով երկարաձգման ուղղությամբ, մինչև 2026 թվականը: Նախատեսվում է, որ աշխատանքները կտևեն հինգ տարի և կավարտվեն 2019 թվականին: Ռուսաստանն այդ նախատակով հատկացրել է $ 270 մլն գումարի արտահանումային պետական վարկ և $ 30 մլն-ի դրամաշնորհի:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
