Երեթշաբթի, 26 Սեպտեմբերի 2017 11:54

Արմինֆո. 2018 թվականին կներդրվի  եվրոպրոտոկոլներով (պարզեցված սխեմայով) ապահովագրական պատահարների ձևակերպման բջջային տարբերակը, ՃՏՊ գրանցման ընթացքում վարորդների հարմարավետությունն ապահովելու նպատակով: Ինչպես ԱրմԻնֆո գործակալության թղթակցի հետ զրույցում հայտնել է Հայաստանի Ավտոապահովագրողների բյուրոյի գործադիր տնօրեն Վահան Ավետիսյանը, ներկայումս այդ հավելվածը գտնվում է տեխնիկական ձևակերպման փուլում: Արդյունքում, ապահովագրական պատահարն ինքնուրույն ձևակերպելու ընթացքում վարորդները կունենան ընտրություն, թե որ տարբերակով լրացնեն անկետան`թղթային կամ շարժական:

 

Նրա կարծիքով, եվրոպրոտոկոլներով ապահովագրական պատահարների ձևակերպման գործընթացը, որը մեկնարկել է 1916 թվականի մարտից, մինչև 50 հազար դրամի վնասի շեմով, սեպտեմբերին բարձրացավ մինչև 100 հազար դրամ, և արդեն էականորեն արմատացել է հայ վարորդների շրջանում ու սկսում է կայունանալ: «Այդ մասին են վկայում հստակ թվերը, քանի որ վերջին ամիսներին եվրոպրոտոկոլներով է ձևակերպվում  հատուցումների ընդհանուր ծավալից 45-53%-ը, այսինքն, մոտ 2200-2600 ապահովագրական պատահար, տարեսկզբի`30-60%-ի կամ 1200-2500 պատահարի համեմատ»,-պարզաբանել է Վ.Ավետիսյանը:

 

Վ.Ավետիսյանը տեղեկացրել է, որ ընթանում են ԱՊՊԱ գործընթացները նոր ստանդարտի և ավտոմատացման`ապահովագրական շուկայի համար միասնական պատուհանի և միասնական հարթակի համակարգին անցնելու աշխատանքներ, «Armenian Single Window for Automative – ASWA» նախագհծով: Դա իրականացվում է ֆրանսիական «Բյուրո Վերիտաս» (Bureau Veritas Inspection Valuation Assessment and Control) ընկերության հետ 2014 թվականին կնքված պայմանագրի հիման վրա: «2017-ի հոկտեմբերին ԱՊՊԱ պոլիսներն արդեն կկնքվեն այդ սխեմայով, այսինքն, բոլոր ապահովագրական ընկերությունները կսկսեն ապահովագրական պոլիսներ տրամադրել միասնական պատուհանի հարթակի միջոցով: Նախատեսվում է նաև, որ այս տարվա նոյեմբերին կներդրվի պոլիսների On-Line համակարգը, իսկ դեկտեմբերին հնարավորություն կլինի պոլիսները գնել նաև վճարային տերմինալների միջոցով: Այսպիսով, Միասնական պատուհանի միջոցով ԱՊՊԱ գծով ապահովագրության պայմանագրերի զանազան հնարավորությունների ներդրման գործընթացը կավարտվի 2017 թվականի վերջին:

 

Ըստ ԱրմԻնֆո գործակալության`Հայաստանի ապահովագրական ընկերությունների Ռենկինգի, 2017 թվականի հուլիսի 1-ի դրությամբ, հայաստանյան ապահովագրողները 2017 թվականի առաջին կիսամյակում ապահովագրության տարբեր դասերով հատուցել են 8.02 մլրդ.դրամ կամ $ 16.7 մլն, տարեկան աճը`17,7%: Ընդ որում, ապահովագրական պրեմիաների գծով տարեկան աճը կազմել է վ 5.3%, մինչև 16.98 մլրդ դրամ կամ $ 35.3 մլն: Ապահովագրական հատուցումների և պրեմիաների ամենամեծ մասնաբաժինը կազմում են ԱՊՊԱ պայմանագրերը, համապատասխանաբար`64.94% և 56.18%: ԱՊՊԱ գծով ապահովագրական հատուցումների աճը կազմել է , իսկ պրեմիաների աճը`1.4%: 2017 թվականի հունիսի վերջին ԱՊՊԱ գծով վնասաբերության գործակիցը հասավ 60%-ի, նախորդ տարվա 48% -ի համեմատ:

 

Նշենք, որ Հայաստանի ապահովագրական շուկայում ներկայումս գործում է 6 ընկերություն, որոնք աշխատում են ապահովագրական 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: ԱՊՊԱ օրենքն ուժի մեջ է մտել 2011 թվականի հունվարի 1-ից: Իսկ դրանից առաջ ստեղծվեց «Հայաստանի Ավտոապահովագրողների բյուրո» ինքնակառավարվող ընկերությունը: