Արմինֆո. Հայաստանում ուղղակի հատուցումների ներդրումով զգալիորեն փոքրացել է ԱՊՊԱ գծով ապահովագրական հատուցումների չափերի միջև եղած տարբերությունը, նախկին`150-210 հազար դրամի փոխարեն`178-198 հազար դրամ: Ինչպես ԱրմԻնֆո գործակալության թղթակցի հետ հարցազրույցում պարզաբանել է Հայաստանի Ավտոապահովագրողների բյուրոյի գործադիր տնօրեն Վահան Ավետիսյանը, դա բացատրվում է նրանով, որ ապահովագրական ընկերությունների գնահատման սկզբունքներն ու մոտեցումները գնալով ավելի են նմանվում:
«Այլ կերպ ասած, առկա է այն փաստը, որ ուղղակի հատուցման համակարգը հանդիսանում է ինքնակարգավորման տիպիկ մոդել: Դրական հետևանքները`առավելագույն ձևով նվազել է վնասի վերագնահատման ռիսկը, բարձրացել է կարգապահությունը, ինչպես ապահովագրական ընկերություններում, այնպես էլ հատուցման գործընթացներում, և, ըստ էության, 2- 3 անգամ նվազել է ապահովագրական հատուցումների իրականացման ժամկետը», - ասել է նա:
Ուղղակի հատուցման մեխանիզմը նա բնութագրել է հետևյալ կերպ: «Դա արմատական փոփոխություն էր ԱՊՊԱ համակարգում: Կարող եմ ասել, որ անցումն այդ համակարգին անցավ շատ սահուն, առանց որևէ խնդիրների, այսինքն, հաճախորդների, ապահովագրական ընկերությունների կամ կարգավորող մարմինների կողմից դժգոհություն չի արձանագրվել: Որոշ տարաձայնություններ վերաբերվել են միայն տեխնիկական մասին (փոխադարձ հաշվարկներն ապահովագրական ընկերությունների միջև), բայց այդ հարցերը նույնպես լուծվեցին: Ավելին, ապրիլից մինչև օրս ապահովագրական ընկերությունների միջև փոխադարձ հաշվարկներ արձանագրվել են մոտ 200 հատ, իսկ դա ընդամենը 0.5-0.7% -ն է ապահովագրական հատուցումների ընդհանուր թվում: Դա խոսում է այն մասին, որ ուղղակի հատուցման մեխանիզմի ներդրումով և Կենտրոնական բանկը և Ավտոապահովագրողների բյուրոն և ապահովագրական ընկերությունները լավ պատրաստվեցին, և ամեն ինչ մանրամասն պլանավորված էր»:
Նրա կարծիքով, ուղիղ փոխհատուցման մեխանիզմը ծառայեց վերջնական նպատակին: «Մասնավորապես, ապահովագրական ընկերություններն ավելի արդյունավետորեն սկսեցին տրամադրել ծառայություններ, սկսած պատահարի գրանցումից և վերջացրած հատուցումների իրականացումով: Ապահովագրական ընկերություններն սկսեցին իրապես մրցամցել ապահովագրական հատուցումների իրականացման գործընթացներում և այժմ բոլոր հնարավոր կոմբինացիաները կիրառվում են հատուցումների արագ իրականացման համար: Արդյունքում, զգալիորեն կրճատվել են բողոքները և էապես կրճատվել ԱՊՊԱ գծով հատուցումների չափերի միջև տարբերությունը զանազան աապահովագրական ընկերությունների մոտ»,- բացատրել է նա:
Ուղղակի հատուցումների ներդրման հիմնական ցուցանիշներից է ԱՊՊԱ գծով վնասաբերության փաստացի ավելացումը`2016-ի օգոստոսի 48,8%-ից մինչև ներկայիս 61,7%: «Սա ցույց է տալիս հատուցումների աճի մասին, նշանակում է, որ ապահովագրական ընկերություններն սկսել են մատուցել ավելի որակյալ ծառայություններ, ավելի ճիշտ գնահատել վնասը, և ավելի արագ իրականացնել հատուցումը: Այս փուլում ուղղակի հատուցման համակարգի ներդրման ուղղությամբ մեր սպասումները լիովին արդարացան, բայց այդ մակարդակում պահելու համար ապագայում պետք է լուծենք մի շարք խնդիրներ», - ասել է Վ. Ավետիսյանը:
Ըստ ԱրմԻնֆո գործակալության`Հայաստանի ապահովագրական ընկերությունների Ռենկինգի, 2017 թվականի հուլիսի 1-ի դրությամբ, հայաստանյան ապահովագրողները 2017 թվականի առաջին կիսամյակում ապահովագրության տարբեր դասերով հատուցել են 8.02 մլրդ.դրամ կամ $ 16.7 մլն, տարեկան աճը`17,7%: Ընդ որում, ապահովագրական պրեմիաների գծով տարեկան աճը կազմել է վ 5.3%, մինչև 16.98 մլրդ դրամ կամ $ 35.3 մլն: Ապահովագրական հատուցումների և պրեմիաների ամենամեծ մասնաբաժինը կազմում են ԱՊՊԱ պայմանագրերը, համապատասխանաբար`64.94% և 56.18%: ԱՊՊԱ գծով ապահովագրական հատուցումների աճը կազմել է , իսկ պրեմիաների աճը`1.4%: 2017 թվականի հունիսի վերջին ԱՊՊԱ գծով վնասաբերության գործակիցը հասավ 60%-ի, նախորդ տարվա 48% -ի համեմատ:
Նշենք, որ Հայաստանի ապահովագրական շուկայում ներկայումս գործում է 6 ընկերություն, որոնք աշխատում են ապահովագրական 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: ԱՊՊԱ օրենքն ուժի մեջ է մտել 2011 թվականի հունվարի 1-ից: Իսկ դրանից առաջ ստեղծվեց «Հայաստանի Ավտոապահովագրողների բյուրո» ինքնակառավարվող ընկերությունը:
Արդյոք բոլոր փողերը պաշտպանված են ռուսական բանկերում
Հայկական բանկերը. HSBC բանկի, Արդշինբանկի և պատժամիջոցների նոր միջավայրի պայմաններում բիզնեսի վարման մասին
Telcell-ը դուրս է գալիս ինստիտուցիոնալ զարգացման ուղի
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի