Beeline-ը և «Թել-Սելե-ը նշում են համագործակցության 10-ամյակըc

Արմինֆո. Beeline-ը և «Թել-Սելե-ը  10 տարի առաջ հիմնեցին Հայաստանի համար բացարձակ նոր տեսակ գործակցություն, որի շնորհիվ հնարավոր դարձավ բջջային կապի ծառայության դիմաց վճարումներ կատարել ինքնասպասարկման տերմինալների միջոցով։ Դա ապահովեց հաճախորդների հարմարավետությունն ու վճարումների իրականացման մատչելիությունը։

«10 տարում հայաստանյան բիզնես միջավայրն ու էլեկտրոնային վճարումների շուկան զարգացման տարբեր փուլեր են անցել, հաղթահարել են բազում բարդություններ, արձանագրել անկումներ ու վերելքներ: Այս ընթացքում Beeline-ի հետ մեր համագործակցությունը մնացել է ամուր հիմքերի վրա՝ շնորհիվ ճիշտ կառավարման, բիզնես կուլտուրայի և մեր ծառայություններից օգտվողների նկատմամբ միանման վերաբերմունքի: Մեր հաճախորդները խիստ պահանջկոտ են՝ ծառայությունների որակի առումով, և մեր հաջողություններն ու անխախտ գործընկերությունը պայմանավորված են պահանջարկը որակով բավարարելու, հաճախորդների հավատարմությունը ամրապնդելու և հաճախորդների բազան էապես ընդլայնելու մեր կարողունակությամբ։ Telcell-ի և Beeline-ի համագործակցությունը  իրավամբ կարելի է կոչել ժողովրդականե,- ասում է «Թել-Սելե ՓԲԸ գլխավոր տնօրեն Արամ Ազատյանը:

«Մեր առաջնային նպատակներից է մեր բաժանորդների հարմարավետության ապահովումը և այդ հարցում «Թել-Սելե ընկերության հետ համագործակցության նշանակությունը հնարավոր չէ գերագնահատել։ Մենք շնորհակալ ենք մեր գործընկերոջը արդյունավետ և երկարատև համագործակցության համար և միշտ ուրախ ենք մեր հաճախորդներին առաջադեմ և հարմարավետ ծառայություններ մատուցելու ամեն հնարավորության համարե, - ասել է Հայաստանում Beeline-ի Գլխավոր տնօրեն Անդրեյ Պյատախինը:

Նշենք, որ Telcell տերմինալով առաջին վճարումը Beeline-ի բջջային ծառայության դիմաց կատարվեց 2007թ. սեպտեմբերի 8-ին: Այնուհետ ընդլայնելով համագործակցությունը՝ ընկերությունները հաճախորդներին հնարավորություն տվեցին տերմինալներով վճարել նաև Beeline-ի մյուս ծառայությունների համար: