Արմինֆո. 2018 թվականի արդյունքներով ընդհանուր պետական պարտքի չափը կկազմի ՀՆԱ շուրջ 60 տոկոսը կամ ավելի քան 7 մլրդ դոլար: Սեպտեմբերի 28-ին կառավարության նիստից հետո այդ մասին հայտարարել է ֆինանսների նախարար Վարդան Արամյանը` պատասխանելով ԱրմԻնֆո-ի հարցին:
Այսօր կառավարության հավանությանը ներկայացված Ֆինանսական փաստաթղթի նախագծի համաձայն, 2018 թվականի բյուջեի պակասուրդը նախատեսված է 156.9 մլրդ դրամի չափ, որից շուրջ 80 մլրդ դրամ կֆինանսավորվեն արտաքին աղբյուրներից, մնացածը` ներքին ռեսուրսների հաշվին: Ինչպես նշել է Արամյանը, Հայաստանը պետք է կրկին ավելացնի պարտքային բեռը: «Դա անխուսափելի է, քանի որ ոչ մի երկիր ի զորու չէ հաղթահարել պակասուրդը` առանց դրսից միջոցնների ներգրավման՚, - պարզաբանել է նա: Արտաքին փոխառությունների գծով, ինչպես նշել է նախարարը, խոսքը վերաբերում է, հիմնականում, միանգամայն ատոնյալ պայմաններով ներդրումային ծրագրերի իրագործման համար ներգրավվող միջոցներին:
Արդեն 2017 թվականի արդյունքներով Հայաստանի պետական պարտքն ավելացել է 400 մլն դոլարով, և պետական պարտքը, ներառյալ ԿԲ պարտքը, կկազմի շուրջ 6,7 մլրդ դոլար: Մինչև 2018 թվականի վերջը կավելանա ևս 300 մլն դոլարով, մինչև ավելի քան 7 մլրդ դոլար կամ ՀՆԱ 60%: Միևնույն ժամանակ, նա կոչ է արել շատ չմտհոգվել: Նախարարի ասելով, թիվը միայն առաջին հայացքից կարող է մտահոգություն հարուցել, և, առավել ևս, դեֆոլտի մասին խոսելն ավելորդ է: «Դրա համար Հայաստանն, առաջին հերթին, պետք է բախվի իրացվելիության խնդրին` պարտավորությունների գծով: Պարտքի կառուցվածքը նույնպես ընտրված է շատ հաջող. արտաքին պարտավորությունների կյանքի տևողությունը կազմում է 17-18 տարի՚, - պարզաբանել է նախարարը:
Հիշեցնենք, որ գործող օրենքի համաձայն, Հայաստանի պետական պարտքը չպետք է գերազանցի ՀՆԱ 60%, ընդ որում, սահմանափակումը տարածվում է միայն կառավարության պարտքի վրա` առանց ԿԲ փոխառությունների: Ընդ որում, օրենքի համաձայն, եթե Հայաստանի պետական պարտքը գերազանցնում է ՀՆԱ 50%-ը, կառավարությունը պարտավոր է կրճատել է ծախսերը, և բյուջեի պակասուրդը չպետք է գերազանցի ՀՆԱ 3%-ը: Ֆինանսների նախարարության տվյալներով, 2017 թվականի օգոստոսի 31-ի դրությամբ Հայաստանի ընդհանուր պետական պարտքը հասել է 6.259 մլրդ դոլարի: Արտաքին պետական պարտքը կազմել է 5.020 մլրդ դոլար, ինկ ներքինը` 1,238 մլրդ դոլար: 2017-2020թթ. կառավարական պարտքի կանխատեսվող տարեկան աճը կկազմի միջին հաշվով 480 մլն դոլար:
Սուրեն Պարսյանը "լավատեսական" է համարել Հայաստանի ՀՆԱ-ի աճի վերաբերյալ ՀԲ-ի եւ ԱՄՀ-ի վերանայված կանխատեսումը՝ դեպի նվազում
Եկամուտների համընդհանուր հայտարարագրում. այն, ինչ ստացվեց, ընդհանուր քիչ բան ունի մտածվածի հետ․Դավիթ Անանյան
Հարկային և հանրային ծառայությունների վճարների բարձրացում. տեղին, թե անտեղի են փոթորկվել քաղաքացիները.
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%
Թրամփի առանձնատանը կայացել են Նարեկ Մկրտչյանի հանդիպումները մի շարք ամերիկացի գործիչների հետ